سلامي على العجمان تسليمـة الشجعـان

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
سلامي على العجمان تسليمة الشجعان=على شيخ قومن لاغزا محدن رده
عشق في حياته سيف عز ودرع وحصان=وغرون تغنج بالدلع بارقن خده
شجاعن كريمن في المواقف وسيع ابطان=لاقبل عليه الضيف مايعرف الصده
مثل ذيب بن هدلان ولامثل راكان=شهب السنين العوج مابيحت سده
يسوق الركاب اللي مرابيعها الصمان=وفي شف ذوده يتبع الشده الشده
ياضيدان بن قضعان والطيب له عنوان=ولا البس الرجال ثوبن ماهو قده
ياصفوة هل الإبداع يامسخر القيفان=مشاعر تجاهك في خفوقي لها مده
لفتني القوافي تشتكي الهجر والحرمان=وتهل الدموع وصبرها واصلن حده
تقول انقذوني لاهويه ولاعنوان=سبب واحدن مايارث الشعر من جده
يعسر القوافي عسر ويكسر الأوزان=ولاقلت له هذا خطا قال من قده
وبيت الشعر ماياقف الى على عمدان=ولاجاد ساسه ماحدن يقدر ايهده
ويوم استجارت قلت هذا الحكم ضيدان=رجل يقول الحق والصدق بيعده
اعرف القصيده بنت عز وغلا وحسان=محشومتن عن لطمت العين والخده
واخبر الشعر ياتي وراثه من الجدان=طيرن ينومس راعي الصيد لاهده
ياشعار ياساحه يابن الذيب ياسلطان=ترا ذي رسالة شاعرن وده اوده
نبي وقفتن تقضي على ثورت العميان=اللي على اكتاف المشاهير مشتده
دعات المثاليه تراهم من النقصان=وهم في الحقيقه لازهابن ولاعده
تبين حقيقتهم ليا طبو الميدان=في ساعتن يضفر بها الضد من ضده [/poem]

عبيد ابو شيبه

ونعم بالعجمان قبيلة شاع ذكرها

فخر وكرم وشجاعه0 دون قصور في باقي

القبائل0 صح الله لسانك لنضح مشاعرك

بهذا الحرف المتألق0 لك تقديري

صح لسانك وطاب بيانك ياعبيد
قصيده موجهة توجيه الشاعر الذي يعرف مايقول
وفي موضوع الكل يريد مناقشته
لاعجمت ولاهفيت يالقرم

عبيد ابو شيبه

ونعم بالعجمان قبيلة شاع ذكرها

فخر وكرم وشجاعه0 دون قصور في باقي

القبائل0 صح الله لسانك لنضح مشاعرك

بهذا الحرف المتألق0 لك تقديري

الحوراء بنت نجد

باهلابك اختي الكريمه

وصح الله بدنك وكلك ولاهنتي على مرورك

الوافي وتواصلك المشرف تحياتي لك