يافيصل ((سرطان الطفوله))

[align=center]رساله الى ابني فيصل( 11سنه) والمصاب بسرطان العظام اسال الله العظيم ان يشفيه والحمدلله على كل حال[/align]

[poem=font="Simplified Arabic,6,#0005FF,normal,normal" bkcolor="" bkimage="" border="groove,4,#0015FF" type=2 line=0 align=center use=ex num="0,#400000"]
الحمدللي يتبع العسر بالهون=حلال عقد الكايدات المريعه.
والحمدله يأمر وينهى بقانون=لاقال كن كانت ولوهي منيعه.
والحمدله لاضاق بالمسلم الكون= يفرج لمن ضاقت عليه الوسيعه
والحمدله يفزع لمن يطلب العون. = يعطيه من نفحات جوده وديعه.
والحمدله ينزل من الغيث مكنون= تزهر بساتينه ويكثر ربيعه.
والحمدله والشكر مليون مليون=حتى رضى نفسه بحكم الشريعه
وان جاك يافيصل مع العظم طاعون = قله ترى نفحات ربي سريعه.
وقل للورم لوجيت بالشكل واللون= اليا ومرك الله لازم تطيعه.
وقل للعظم يحييك باالكاف والنون=محيي العظام البايدات الصريعه.
وقل للطبيب انته سبب مانت مضمون= واسباب ربي بالخلايق بديعه.
وقل للمطوع يجتهد والدعاء عون=والله يعين اهل القلوب المطيعه.
وقل للرجيم اللي من الله *****= اعوذ بالله منك منجي شفيعه
وقل يامرض لوكنت بالخبث مقرون=اللي خلقك يدمرك بالطليعه
والحمدله والشكر مليون مليون=حتى رضى نفسه بحكم الشريعه[/poem]
[align=center]محمد لطيف العنزي[/align][align=center]دعواتكم[/align]

الله يشفيه ويعافيه ويقومه بالسلامه ويخليه لكم يارب
وصح لسانك يامحمد على هذا النزف المؤثر

الله يشفي فيصل الشفاء التام ، وتهنى بشفاءه ..
تقبل الله دعوتك بهذا النص .. ونترقب منك نص بمناسبة شفائه بإذن الله