افقد رفيقً طيبً في المبادي

افقـد رفيـقً طيـبً فـي المبـادي
الي ليا ما غبت جـاء منـه منشـود
رفيقـي الـي لا حدتنـي الحـوادي
يكرهلي النقصان ويفرحلـي الـزود
هـذا رفيقـي محزمـي واعتمـادي
بعد الله المعبود فـي أيامـي السـود
الـي ليـا جيتـه يحقـق امــرادي
بالوجه والا الجـاه يسعـى بمجهـود
مـا يهتنـي نومـه بحلـو الرقـادي
وانا سهيـر العيـن والعالـم رقـود
يقـدح زنـاده لا قدحـت الزنـادي
ويحل حبل الشر لـو كـان معقـود
وبعض العرب لو غاب بالوضع عادي
حتى ولو موجود مـا كنـه موجـود
رفيقـي الـي لا نصيتـه ربــادي
لا معـدلً عـودً ولا كاسـرً عـود
ولا ناطـحً هـده نهـار الـعـوادي
محروم من دربً به الطيب والجـود
احسـن يفارقنـي بعيـد الحـمـادي
ليته ورى عرعر ورفحاء وابا القـود

صح لسانك ياسمي

هنا وجدنا الحكمه والتجربه الناضجه


لاهنت وتقبل مروري وتحياتي

كلام ثمين ومنطوق سمين
صح قلبك يافهد

هـذا رفيقـي محزمـي واعتمـادي
بعد الله المعبود فـي أيامـي السـود
الـي ليـا جيتـه يحقـق امــرادي
بالوجه والا الجـاه يسعـى بمجهـود
مـا يهتنـي نومـه بحلـو الرقـادي
وانا سهيـر العيـن والعالـم رقـود
يقـدح زنـاده لا قدحـت الزنـادي
ويحل حبل الشر لـو كـان معقـود



ارررررررررحب يافهد



وصح لسانك يالقرم


قصيدة رائعه من شاعر مبدع


تقبل تقديري

صح الله اللساااانك وانا اخوووووك