Tweet
مساكم الله بالخير يالنداويه
قصيده اتمنى ان تعجبكم
ياراكب اللي كنها زقم شاهين
************** امصخره للقار وقت الصعايب
سواقها لامن عطا نمرة اثنين
************* طبلونها مادري على كم جايب
ملفاك ابن مخلف وتسلم من الشين
************ سلم عليه وقول نص الكتايب
صاحبك ماجد يشكي الهم والبين
*********** ياجعل عينك ماتشوف المصايب
يابو عروبه والعرب وينها وين
********** وصهيون عند القدس تبني نصايب
وين العرب ياخوك وين الملايين
********** لوهم على فعلن نحل النشايب
اشوف انا الدرة وغيره كثيرين
********* ناسن تذبح دون ذنب وسبايب
متى على الله نرجع الصاع صاعين
******** ويصبح حديد الضد بالنار ذايب
متى على الله نجتمع في فلسطين
******** ونمسح دموع اللي عيونه صبايب
وصلاة ربي عد زرع البساتين
******** وعداد كل الناس حاضر وغايب
على نبي الله موّّّّّّّّّّّّّّّصل لنا الدين
******** ويالله نطلبك النصر والكسايب
وسلامتك
تعليق