Tweet
هذه الابيات مجاراة من عبدالله العتيبي(البادي) لاحد أصدقاءه0
يامل قلبٍ طواري الشوق تطريله
----------------------ويهيضه لاأستمع زينات الالحاني
يهيضه قول من يشعل قناديله
----------------------ويحط للشاردات أسمٍ وعنــواني
ليا دعى الشعر غنت له بلابيله
------------------وليا دعى القاف جاه القاف طرباني
طرايفه ماتمل وسابقٍ جيــله
-------------------ويفوز بالطايله في كـل ميــداني
يعرف وش اللي عليه ويعرف اللي له
-------------------ويرفع لسامي المعاني كل نيشـاني
سمعت قوله وشاقتني مــواويله
------------------ وأهتز من حسنـها فكـري ووجداني
وشكواه من ذا الزمان ومن غرابيله
------------------حزت بنفسي ومن شكــواه جـزعـاني
لاشك هذا الزمان وذي محابيله
------------------محدٍ سلم منه لا القاصي ولا الـداني
من ماضي الوقت كلٍ شايفٍ ميله
----------------- ميـزان عدله بدون أسبـاب عطـلاني
ومن عاش لابد مايشهد تهاويله
-----------------ويخبر اللي يجون بتالي الازمـــاني
أحداث تجري مابين اليوم والليله
-----------------فوق الخيــال وتعـدت كـل حسبــاني
وقتٍ يقدم لحقرانه تساهيله
-----------------ويعـوق راع الوفاباشكال والــواني
وغير الصبر مالحد في ميلته حيله
-----------------لولا الصبر ثار وجـه الارض بــركاني
صبرٍ جميلٍ ورد في الدين تفضيله
-----------------والعسر جاء معه يسر وجاء يسر ثاني
وسلا متـــــــــــــكم حميعاً
عبدالله العتيــــــــــــــــبي
البـــــــــــــــــــــــادي
تعليق