" حتى حليمه في غلاف المجلات "

السلام عليكم



[poem=font="Traditional Arabic,6,#005AFF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]



ياسعود " لاتطري علي فايت ٍ فات = خل المواجع في حشاها ’’ دفينه



حسبي على اللي . للمحبين شمات= والعاذل اللي حال بيني " وبينه



ترى الهوى دار ٍ دروبه . متاهات = من تاه في دربه " تصافق يدينه



ترى الهوى ياهل الهوى ’ سم وآفات = واللي تولع به " عسى الله يعينه



ليا ضحك مره بكى . خمس مرات = زود ٍ على هاجوسه تهل . عينه



وآنا هويت آم الدلع " والملذات = وآهديتها في وسط قلبي " مدينه



فيها الجمال اليوسفي ’ والعلامات = اللي تدل أن الثمينه " ثمينه



نضرآتها عندي ماهي باي نظرآت = نضرآتها من الشوق . مثل الحزينه



وعلومها فيها " من الشوق همسات = كنها تقول . اللي على البال وينه



تهوى السوالف والقصص " والحكايات = والموج الازرق والسما . والسفينه



فيها ثقة نفس , ومحبة صلوآت = دين وجمال " وذات خلق " ورزينه



من حبها ماعاد " آحب الدعايات = اللي تجمًع بين زينه " وشينه


حتى حليمه " في غلاف المجلات = آشوفها وآقول ماهي بزينه

وآضحك على اللي . حبهم دردشة شات = وأقول ياحب العنا ’ والغبينه

وياسعود لاتشره على أخوك بالذات = ليا خبط عوج الضلوع " بيمينه

ذكرتني " قصة حبيب ٍ " وشمات = وضاقت علي أوسع فجوج. المدينه[/poem]




وسلامتكم


وسلامتكم

الشاعر العذب مشخص الفهري


صح الله لسانك وبيض الله وجهك مبدع كعادتك

في النظم والمحاوره


لاهنت لاهنت

صح الله لسانك مدد بلا عدد

ابداع

لاهنت

..

يا سلام يا سلام
وقفت عندها
لأنها تستاااااااااااهل
عشت مع أكثر بيوتها
صح الله لساااااااااااااااااااااااانك

مشخص

صح السانك ولاهنت


قصيده ماعليها كلام

لك تحياتي

مجار يامشخص وصح لسانك


تحياتي لك

اررررررررررحب يامشخص



وصح لسانك يالقرم



مبدع ومتمكن في جميع الاحوال والاغراض الشعريه



لك تقديري

مشخص


الله الله عليك يامبدع


جزله من جزل


صح لسانك


تحياتي

ياحي من جاب البيوت الجزيلات
نوادرٍ مثل العقود الثمينه

أرحب تراحيب الحيا
يامشخص
نص تستحق عليه الثناء
وحضورك دائماً مبهج

لك خالص تحياتي
اخوك غريب
أبو ولايــــف

جعل حليمه واشكالها تفارق

صح لسانك وعز الله نص يروي الكبد عقب الظما

تحيتي

ياسلام ياسلام
لاعجمت والله ولاهفيت يامشخص
نص فاخر بالفعل

هلا وغلا لاهنت ياعلي يعطيكم العافيه

بيض الله وجهك على الابيات الرائعه

تقبل مروري وتحياتي

صح بدنك ياغريب ولاهنت

طال عمرك

فيها الجمـال اليوسفـي ’ والعلامـات
اللـي تـدل أن الثميـنـه " ثميـنـه

ليس بغريب يامشخص منك هذا التمكن .. بالفعل نص جميل ويلامس ماخلف المحاني ..