ياماحـلا عقـب البطـا نقلـة الطيـر*لا زلّـت أيـام المقيـض وغثـاهـا

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياماحـلا عقـب البطـا نقلـة الطيـر=لا زلّـت أيـام المقيـض وغثـاهـا
وشيلت من الربطـه حـرار ٍ مغاتيـر=لا زيّـن سهيـل الجنوبـي سمـاهـا
وكلن دعى طيره بـروس الشناظيـر=وغيّر سبوقه عقـب قيـضٍ وطاهـا
يازيـن تمسيحـه وتقليبـه اعصيـر=لاهـب نسنـاس الشمـال وشـذاهـا
وألفن مـع القمـرا عبـورٍ مباكيـر=هـن منـوة اللـي كيفتـه مانساهـا
يفـرح بهـا مـن عذّبتـه التفاكيـر=والقيـض كلّـه قـزّره فـي رجاهـا
ماهمّـه الكشخـه وبيـض الغناديـر=ولا فـكـر بدنـيـاه والا غـنـاهـا
يسوق فـي شفّـه كبـار المخاسيـر=ونفسه على المقناص تطحـن رحاهـا
يفرح اليـا منهـا لفّـت دون تأخيـر=لاذعـذع الغربـي بعتمـة سمـاهـا
وفي حروة المقنـاص رحنـا مداويـر=وكـل ٍ نواقـص غزبتـه قـد ملاهـا
رحنـا لـدار ٍ للحـبـاري معابـيـر=دار ٍ عسى الوسمـي يعجـل حياهـا
جينـا وركّزنـا الطيـور الحواشيـر=والكـل منـا ركبتـه مــا ثنـاهـا
مـن بيننـا تلقـى معـزة وتقـديـر=وخوينـا نفسـه تـفـارق عنـاهـا
وتسمع لشايبنا مـع الصبـح تكبيـر=وراعي الحطب قـرّب دلالـه وماهـا
أو أشعل حطبها من جـروم العثاميـر=وكثّـر حطبهـا ليـن بيّـن سنـاهـا
ضو الحطب ماهـي بضـو الدوافيـر=هشيم رمـثٍ تطـرب اللـي شعاهـا
ومن فوقها صـف الـدلال المباهيـر=وقدوعن مـن حلـو ثمـرة حساهـا
والصبح لامن بـان للشمـس تنويـر=يازين شوف الجيـب يتبـع اخطاهـا
وحطّيت فوق السيت جمل التصاويـر=نـادر طيـور ٍ غـالـي ٍ مشتـراهـا
مخلـوط مابيـن الشياهيـن والجيـر=خلطـه ولاكـلٍ يـسـوي سـواهـا
من مركزه جاني وجـاء معـه تقريـر=وشهـادة المنشـأ ورقمـه معـاهـا
هذاك هـو منـوة جميـع الصقاقيـر=اللـي يحبّـون الهـدد فـي خـلاهـا
وربطت سبقه فـي حديـد المداويـر=وكشفـت عـن عيـنٍ بعيـد مداهـا
وساعة تلفّت فـي عيـون ٍ محاذيـر=اومى براسه محـري ٍ فـي عشاهـا
طارت من اقصى الروض والكف بالقير=ورجليٍ على الدوسه خـذت منتهاهـا
ومن فتحة الموتر طلّـع كنـه الزيـر=يومـي بجنحـان السعـد واقتفـاهـا
واليـوم ماضنـي تفيـد المعـاذيـر=من يوم طـار وتـل سبقـه وجاهـا
اقفت تقلّـب قلـت يالله عسـى خيـر=الله يعقلـه عقـب ماقـفـا وراهــا
روّح عقب ما أرخيت من كفي السيـر=اقفـا وهـي بالجـو جاهـا بـلاهـا
لاقفى مـع الربـد الطيـار المدابيـر=شفـت اختـلاف طيارهـا لانـواهـا
قلت اثبتوا تكفـون ياأهـل المناظيـر=وكـلٍ يشـرّف فـوق عالـي وطاهـا
وأطلب لها بالجو مـن دون تقصيـر=واومـى عليهـا ليـن نثـر ادماهـا
اليا ضربهـا شفـت ريـش ٍمناثيـر=يلعـب عليهـا ليـن يمـزع حشاهـا
واليـا قضبهـا بالحـداد البواتـيـر=حوّل بهـا والريـش قاعـه كساهـا
وصكوا عليه مـن القـروم المناعيـر=وللي شقـا المقنـاص جملـة هواهـا
كلن يسوق الوصف في زيـن تعبيـر=والطيـر كفـه بالثـنـادي مـلاهـا
وسمعـت بالكنـود علـوم التباشيـر=من طيب فعـل الطيـر تسمـع نداهـا
احدٍ يبارك يـوم شـاف الهـدد غيـر=وأحدٍ مـن الفرحـه شماغـه رماهـا
وتشـوف للنومـاس فينـي تعابيـر=من طيب فعلـه جـاء لنفسـي مناهـا
ومادامهـا خـوة وجـيـهٍ مسافـيـر=والله لامـوت وخاطـري مانسـاهـا
ويبقى هوى المقناص والبـر والطيـر=هوايـة ٍ راعـي البلـد مـا لقـاهـا [/poem]

وتــشـــوف لـلـنــومــاس فــيــنــي تـعـابــيــر
مــن طـيـب فـعـلـه جـــاء لنـفـسـي مـنـاهـا
ومــادامــهـــا خـــــــوة وجـــيــــهٍ مـســافــيــر
والله لامــــــــوت وخــــاطــــري مــانــســاهــا
ويبـقـى هــوى المقـنـاص والـبـر والطـيـر
هــوايـــة ٍ راعـــــي الـبــلــد مــــــا لــقــاهــا


بيض الله وجهك وطيب الله فالك وفالك التوفيق ان شاء الله


نص فاخر بكل ما تعنيه الكلمة لقد استمتعت بالمقناص من خلال هذه السلسلة الرائعه


وانا اشهد انك جبتها في وقتها

واللي يبى القنص يفكر ويربط من الان

وعلى الله التوفيق واهم شيء الرفقة شرواك وشروا الحاضرين


بيض الله وجهك


تقبل مروري وتقديري

اخوك

ابونايف

فهد

صح السانك ولاهنت

قصيده رائعه من رائع

لك تحياتي

صح السانك يابو حمد ولا هنت

قصيدة رائعة

دمت بخير

مرحبا يابوحمد

نص مميّز وسبق ان حظى بالمركز الأول في مسابقة ابوظبي ..

صح لسانك ولاتتأخر علينا بالقادم

صح لسانك

نص يستحق المركز الاول بكل جدارة


لا هنت يالقرم

ارررررررررحب يابوحمد



وصح لسانك يالقرم




قصيدة شاعر مبدع ومتمكن




لك تقديري

فهد







صح الله لسانك





وسلم فكرك وبنانك






ولاهنت







قصيدة كايفة وافيه من وافي






لك تحياتي
ابو احمد