خذها وانا خالك من الراس للراس

السلام عليكم

قصيدة كتبتها ردا على قصيدة موجهة من عبد الله بن عبد العريز العريفي





[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



ياللي تجر الصوت والناس نيمة=ارفق على قلبك ترى القلب حساس

تشكي من الفرقا ومر الهزيمة=توك على درب المواجع والاتعاس

الحب لو عاته كبار وعظيمة=ومكاسبه دايم تعود للافلاس

وهموم طراده بقلبه مقيمة=ومن كبر همه يضرب أخماس باسداس

دايم وفي عينه مواري حريمة=ويغضي وياخذ بالهواجيس مرواس

مثل الشجاع اللي يضده غريمه=وايديه ملوي بها قفل حباس

اليوم يومك منه ذقت الهضيمة=وشربت مر الهجر كاس ورا كاس

عودت تتهمني بليا جريمة=لاباس ياشاكي من الحب لاباس

دور غريمك خل عنك الظليمة=اللي لعبك بين رجواه والياس

وكانك على دربي بجدوعزيمة=ابشر بهم بالحشا يمرس امراس

ومثلي تصدر والضوامي محيمة=وتعاف في رجم الهوى كل مجلاس

مامن ورا حب العذارا غنيمة=خذها وانا خالك من الراس للراس

[/poem]





وكان قد وجه لي القصيدة التالية



[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

للحب في قلبك رسومن قديمة=تشب في صدرك مع هجعة الناس

وفـي وسـط قلبـك جمـرة مستديمـة=من حر صاليها تضارس بك اضـراس

وفـي عينـك اليسرىدموعـن يتيـمـة=وفي عينمك اليمنـى للحـزان كـراس

وفي وسـط صـدرك للغناديـر قيمـة=بليتنـي بالـحـب ياطـيـب الـسـاس

انـا علـى دريـك وحالـي سقيـمـة=راحت حياتي بين ضيقـة وهوجـاس

حـب الغـزال اللـي اسميـه ريـمـه=متكـن منـي ونـا مـنـه محـتـاس

اليـا اقبلـت قلبـي تـزايـد نعيـمـه=واليا ادبرت قلبـي تحاوفـه الامـواس

واليا بكـت دمعـي كمـا وبـل غيمـة=واليا ضحكت كنـي متـوج بالالمـاس

حنـو عليـنـا يالقـلـوب الرحيـمـة=راعي الهوى يبكي ليـا هـب نسنـاس

[/poem]

عبدالرحمن

صح السانك والسان عبدالله

صوت وصدى رائعان



لك تحياتي

بيض الله وجهك يابو عبدالله

بدع ورد وافي من وافين


ومتابع لكل ماهو جديد

مشرفنا القدير
حسن الوطري
صح بدنك واشكر لك تواجدك
تحياتي

.,

عبدالرحمن / ( صوت ) ( وصدى ) رائعين
صحت الألسن ..

وياا زينهاا صدفه على غير ميعاد

.,

تقديري والتوااجد ..

صح لسااااااااااانك ولسانه
ولا جابها من شمعه

تحياتي لك

حي الخال والبناخي
ونعم الساس

عبدالرحمن الشهادة فيك مجروحة لاشك
ومع ذلك اشبعت الذائقة بما وجدت هنا
رووووووووووعة
وصح لسانك ولسان بناخيك يالغالي

دمت بود يا شااااااااااااااااااااامخ

لك التحية

صح الله لسانك





ولسانه




ولاهنتوا






رائعتان







لك تحياتي
ابو احمد

الشاعر الدعوجي
صالح العصيمي
وجهك ابيض يابن الكرام
صح بدنك
وتقبل تحياتي

الشاعر القدير عايض بن زوير
صح بدنك
اشكرك على المرو ر والتعليق

مبارك بن محيا
صح بدنك ولاهان غاليك
تقبل تحياتي

صح لسانك يا سمي ولسانه

وافين عز الله

احترامي واعجابي 00