شوفتك ياسيدي تجلى عن الكبد الملامة

قصيدة كتبتها تعبيرا عن الاحتفال بعيد الفطر المبارك 1431هـ وتزامنها مع البشارة بشفاء صاحب السمو الملكي الامير / سلمان بن عبد العزيز امل ان تحوز على رضاكم



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


في نهار العيد وابيات القصيدة نبتديها=بالسلام ورحمة الله عد همال الغمامة

نبتهج بالعيد وثياب السعادة نرتديها=السعادة فالقلوب وبالوجيه الابتسامة

مؤمنين بالكتاب وحكمة الله نرتضيها=ونحمد الله يوم سلمان الوفاء نال السلامة

فرحة عمت جميع ارجا البلاد وساكنيها=فرحة الصايم بعيد الفطر لاكمل صيامه

كل شعب المملكة عودة سموك يحتريها=ننتظر عودك ياساس الوفا ذروة سنامه

احتوتك قلوبهم وجموعهم ترفع يديها=تطلب الله لك بطول العمر يارمز الشهامة

عودتك يا عز نجد ويا عماده نرتجيها=وشوقتك ياسيدي تجلا عن الكبد الملامة

يا ولد عبد العزيز اللي دروبه مقتديها=قايد سطر له التاريخ صفحات الزعامة


فيه منه أوصاف شخصية سموه تحتويها=الرجولة والشهامة والبطولة والصرامة

نحتفل باعيادنا بامن وامان ونهتنيهتا=تحت حكم اخوان نورة ثبته ربي وأدامه

عز شعب المملكة واصحابها ومجاوريها=باذن ربي مايذل اللي هل العوجا حزامه

راية التوحيد تفداها العمار ونفتديها=بيعة بارقابنا تبقى الى يوم القيامة

والمريض اللي شعوره للوطن فيها وفيها=ماله الا كية بالنار تبري له سقامه

وان خطر له يقترب لحدودنا والا يجيها=والله انه مايصيد الا الخسارة والندامة

النفوس نبيعها دون الوطن مانشتريها=ترخص الاعمار في يوم الخطر وقت احتدامه


النصر والا الشهادة مانريد الا حديها=موتنا بالعز اخير من الحياة بلا كرامة

ودامها بحماية ال سعود والله ما عليها=السعودي تحت رايه حكمهم مرفوع هامة

وعد همال المزون اللي يلوح البرق فيها=ياصلاة الله على خير العباد وياسلامه



[/poem]

الله الله

صح الله الساااانك وانا اخوك

على هاذى النص الفاااخر

ارررررررررررحب ياعبدالرحمن




وصح لسانك يالقرم



قصيدة طيبه وعسى الله يديم الافراح على وطننا العزيز ويحفظ القياده الرشيده



لك تقديري

عبدالرحمن

صح السانك ولاهنت

قصيده رائعه من رائع

لك تحياتي

ارحب ياعبدالرحمن
وكل عام وانت بخير
وافي وقصيدك وافي ياطويل العمر
لاعجمت ولاهفيت

عبدالرحمن
صح السانك واعتلاشانك
جزل ووافي الطرح والفكر


لاهنت

اخوي الغالي عبدالرحمن






صح الله لسانك





وسلم فكرك وبنانك ولاهنت





لك تحياتي
ابو احمد

مشرفنات القدير
رايد بن نملان
شكرا لمرورك
وصح بدنك يالقرم

صح السانك يالعريفي

هادي بن عسكر
تبقى يالقرم
شكرا لمرورك
صح بدنك وتقبل تحياتي الخالصة