لـ صاحب السمو الملكي الامير / محمد بن فهد بن عبدالعزيز آل سعود

[align=center]
قصيده بمناسبة مرور 25 عام على تولي صاحب السمو الملكي
الامير محمد بن فهد بن عبدالعزيز آل سعود إمارة المنطقة الشرقيه
و تم إلقائها في أمسية شعريه لـ هذه المناسبه و ذلك في مسرح الحويلات
الثقافي في مدينة الجبيل الصناعية في مساء يوم الاثنين الموافق 30 رجب 1431 هـ
برعاية الهيئة الملكية بالجبيل و ينبع







صلوا على النبي
.................
..............
...........
........
.....
...
..
.[/align]





[poem=font="Traditional Arabic,6,#612C9F,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]


كان ما فيها كلافه يالحروف الابجديّه = تممي لـ فكار عقلي و اقلطي بين المحاني

استعدي لا زهمتك .. باللحون السامريّه = و ابدعي من فكر راقي بـ اختيارك للمعاني

و اعتلي بي صرح شامخ .. فوق حد الجاذبيّه = لين اوازي كل عالي و استوي له من مكاني

ما طلبتك غير ناوي .. ابتدي بعد التحيّه = في قصيدٍ من رصيدي من رخى مانيب عاني

في سموك يا سمو العز .. يالكف النديّه = و في مسيرة ربع قرنٍ حققت جل الاماني

كل عامٍ من مسيرك .. نارها بالخير حيّه = نورها بان بسمانا كنها سهيل اليماني

مملكتنا شرقها .. يا امير .. صحرا جرهديّه = قبل ما تقبل عليها بالتطور .. شي ثاني

لكن اليوم .. اختلفنا .. عن عصور(ن) أوليّه = تختلف فيها الاماكن .. و اختلف فيها الزماني

عصر قامت فيه ثوره .. لبّست شرق الوزيّه = عقد سلاسل الحضاره بزدهارات المباني

لو بغيت اذكر .. دلايل .. جبتها بالأولويّه = بصمتك يا امير عمّت .. شرقها قاصي و داني

الخبر .. يفخر بحرها و الحسا بالقيصريّه = فخرها عمق الاصاله .. في رشاها و السواني

و الجبيل انجاز فاخر .. التقدم له هويّه = في نتائج ذا الحضاره و المصانع ركن باني

حتى بالدمام .. شاهد .. في زوايا ذا القضيّه = اكبر انجازات فيها تعتبر شاهد عياني

كل هذا يا محمد .. بذكره صبح و عشيّه = لن فعلك يا محمد .. ما يبي له ترجماني

الشعر لو هو يترجم .. ما ذخرته لو شويّه = لكن المقصد .. محبه .. في قصيدٍ لك دعاني

الشعر لو كان يزرع .. لـ ازرعه و ارهي بريّه = لين يثمر و اتباهي في قطّايفه الدواني

يا طويل العمر .. مالي بالقصايد قابليّه = حتى صاح الشعر بسمك .. ثم قحص كنه الحصاني

يا محمد .. يا محمد .. يا محمد .. وش عليّه = يذكر اسمك لا طراله .. يزهمه عشر و ثماني

شاعرك ضابط سعودي و المبادي عسكريّه = الولا لـ اخوان نوره .. و الوفا ختم الضماني

الاسم ناصر .. و ناصر من سيوفٍ صيرميّه = لا زهمته ما توانى يا محمد لو ثواني

بن بطي يا امير .. تمم بالحروف الابجديّه = شعر في حضرة جنابك .. مصدره بين المحاني

كان ما فيها كلافه .. إقبل اشعاري هديّه = إن قبلت الشعر مني .. قلت صح الله لساني [/poem]












[align=center]

اجمل التحايا
ناصر السحيمي[/align]

ارررررررررررررحب يابوبطي


وصح لسانك يالقرم




قصيدة وافيه في امير المنطقه الشرقيه ويستاهل صاحب السمو وعسى الله يوفقه



تقبل تقديري

صَحّ قلبك النابض بالوفاء والولاء

ويستاهل صاحب السمو

هذه الأحرُف العَطِرَة فـ اكثر ..

/

\

/

عميق الشكر والتقدير

لك

صح الله لسانك يابو بندر


والأمير والمنطقة يستاهلون الشعر الجزل


لاهنت

اخوك

صح الله الساااانك

وانا اخوك يانااااصر

وشرفني مروري من هنااااا يالغاااالي

يا محمد .. يا محمد .. يـا محمـد .. وش عليّـه
يذكر اسمك لا طراله .. يزهمـه عشـر و ثمانـي
شاعرك ضابط سعـودي و المبـادي عسكريّـه
الولا لـاخوان نوره .. و الوفا ختـم الضمانـي
الاسم ناصر .. و ناصر مـن سيـوفٍ صيرميّـه
لا زهمتـه مـا توانـى يـا محمـد لـو ثوانـي
بن بطي يا اميـر .. تمـم بالحـروف الابجديّـه
شعر في حضرة جنابك .. مصدره بيـن المحانـي



الله الله الله يابو بندر

والله وسبعين نعم

اقف لك تقديرا وتصفيقا لهكذا جزالة

ويستاهل ابو تركي

صح لسااانك ملايين يالغالي انا اشهد ان راسي شاش

تحياتي وتقديري

مملكتنا شرقها .. يا اميـر .. صحـرا جرهديّـه
قبل ما تقبـل عليهـا بالتطـور .. شـي ثانـي

:
:
و الجبيل انجـاز فاخـر .. التقـدم لـه هويّـه
في نتائج ذا الحضـاره و المصانـع ركـن بانـي

:
:

صح لسانك يالسحيمي، حق مشروع لاتسقط ثوابته لكل شاعر متمكن في مواكبة كل مناسبه وحدث ..

ناصر

صح السانك ولاهنت

قصيده رائعه من رائع

لك تحياتي

الله لايهينك على الفكر الطيب صح لسانك