من لا يحسب للمعاني والامثال

الموج يلطم والسفينه .. على الجال
وانا البحر والصدر موج القصيده


من لا يحسب للمعاني والامثال
يموت ماذاق ... الحياة السعيده


واللي يحط لكلمة الناس مدخال
عقب المجله .. تستلمه الجريده


ومن لا يحط بقمة ..المجد منزال
حتيش لو الراجحي .. في رصيده


الموقف اللي يشغل.. الفكر والبال
موقف عضيدن ماوقف مع عضيده



ياهيه لا تنزل على البير بحبال
الا انت كفو" .. للامور الشديده


لا تحسب ان المرجله لعبة عيال
المرجله .. ماتاخذ الا الوليده



تكرم عن وجيه السفاهه والانذال
ومال العنيد الى النفوس العنيده



ماكل من يلبس له شماغ وعقال
تنمد له كف اليمين الحميده



شخص" تمده بشقر البن فنجال
وشخص" افراقه نوم عينك وعيده



واللي يحسب ان الشكاله بالاموال
لا مات ماقلنا خسرنا فقيده



مايحتمل للحمل يوم الحمل مال
الا ولد عود" فعوله مجيده



في ذا الحياه أجيال واعمار وأجال
بيدين من نفخر وحنا عبيده



نعيش فالدنيا على حلم وأمال
والله يجنبنا الحياة الزهيده



والشايب اللي ورث اعمال وعيال
وموته على التوحيد واهل العقيده



يالله عسى قبره تحت ظل وظلال
وروضه من رياض الجنان الفريده

شعر /
مبارك مناحي العمور

مايحتمل للحمل يوم الحمل مال
الا ولد عود" فعوله مجيده

الله الله الله

صح الله لسانك يابومناحي


قصيده كايفه وجزله وتكتب بماء الذهب

مبارك بن منااحي


الله محييييك ويا هلا بك ويسلم راااسك نص راااااائع وعزف راااقي
ونص ملياان شعر لله درك وصح قلبك ملياااارااااات

صح لسانك يابومناحي
جزل جدا
ولقصيدك طراه

صح الله ألسانك يا ابو مناحي على ذا الوافية

لا هنت

اررررررررررررحب يابومناحي



وصح لسانك يالقرم



مبدع قي جميع الاحوال



لك تقديري

اخي القدير

صح الله فكرك على هذه الفريده

في غاية الصدق والجزاله ومعاني ساميه طاولت السحاب

دمت بالف خير

العمور


شاعر يخوض تجارب الحياة ويتأثر ...

صح لسانك

مبارك

صح السانك ولاهنت

قصيده رائعه منرائع

لك تحياتي

علي بن مسفر الحبابي


صح بدنك ومرورك شرف

ولا هنت

علي بن مسفر الحبابي


صح بدنك ومرورك شرف

ولا هنت