== قالو ان الظبي ماخلق في راسه عراش ==

لكم وللتزاصل

[poem=font="Simplified Arabic,6,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بيني وبينك ترى إن مامضاش(ن)ِ مابقاش = ياوحيد الروح ماعنك فالدنيا غناه
*يامناتي في حياتي إذا الدنيا معاش = والله إن مالي بدونك بها الدنيا حياه*
العروق اللي بكبدي على وصلك عطاش = يابخيلِ زود بخله يعلي مستواه*
الغلا لاجلك وينساق لك والا بلاش = أشهد إن من يعشق الفقر ماشاف الغناه
*والله إني مااحسب إن قبلك ظلوعي هشاش = لين بانت ونتي لك معَ كل اتجاه*
* آه الا يالوعتي منك ياعسر المناش = كل جرحِ من فراقك وبيدينك دواه
قالو إن الظبي ماخلق في راسه عراش = قلت ياوجدي من الظبي حظ إللي لقاه
*إنشدوني شوفة الظبي سكره وانتعاش =في خفوقي عمّر الظبي له قصر وبناه
طرف من عيني لحافِ وطرفِ له فراش = إيتظلل بي من الشمس وانعم في دفاه
هاذي علومي من أجله وهذا العلم كاش = لايوصيني ولا أحتاج من يمه وصاه[/poem]

بن راجس




صح الله لسانك



وسلم فكرك وبنانك



ولاهنت





لك تحياتي
ابو احمد

صح لسانك وطاب بيانك ياعبدالله

صح الله ألسانك يا عبدالله

وافيه ومن رآس وافي

لا هنت طال عمرك على الجزاله

اررررررررررحب يابوهادي



وصح لسانك يالقرم



قصيدة طيبه من طيب



لك تقديري

عبدالله


صح الله لسانك ولافض فوك


استمتعت بها الذائقه

قالو إن الظبي ماخلق فـي راسـه عـراش
قلت ياوجدي من الظبي حـظ إللـي لقـاه

ياسلام ياعبدالله

اظفت المعنى بالشكل الواضح الصحيح

صح اللسانك

*والله إني مااحسب إن قبلك ظلوعي هشاش
لين بانت ونتـي لـك مـعَ كـل اتجـاه*
* آه الا يالوعتي منـك ياعسـر المنـاش
كـل جـرحِ مـن فراقـك وبيديـنـك دواه
قالو إن الظبي ماخلق فـي راسـه عـراش
قلت ياوجدي من الظبي حـظ إللـي لقـاه
*إنشدوني شوفة الظبي سكـره وانتعـاش
في خفوقي عمّر الظبي لـه قصـر وبنـاه
:
:
شاعر غني بالتجربة الشعرية
صح لسانك