السحابة اللي تعلمني الكتابة

الله الله يوم هلت مزنها ذيك السحابــــــــــة
------------------------- أمطرت هتانها وأروت هماليله سرابـــــــــــي
أعشبت جرد الفيافي والزهرفوقه زهى بـه
------------------------- والينابيع ابدعت لوحاتها بين الهضــــــــــــابِ
ذكرتني بأريش العين المحلى في حجابــــه
------------------------- الحبيب اللي حضوره حيل يفقدني صوابــــــي
العيون اللي تعلمني القرايـــه والكتابـــــه
------------------------- للحبيب اللي عجزت اوصف جماله في كتابي
ذاك والله صاحبي اللي يروي القلب اقترابه
-------------------------- أشربه داخل عروقي لكن احس الضما بـــي
يوم جيته والعطر منسوج في ايديه وثيابــه
-------------------------- ماوعيت الاونفس العطر يتغشى ثيابــــــــي
والله ان الهم فيني لو يطــول في غيابــــــــــه
-------------------------- ياعذابي لويغيب واه ما أقسى عذابـــــــــــي
والله انه في قدومه مثل همال السحابــــــه
-------------------------- ووالله انه في قدومه يرتوي حتى سرابـــــــي



المدقـــــــــال
عبدالخالق القرني[تم تعديل الموضوع من قبل المدقال بتاريخ 10-05-2001 الساعة 10:23 PM]

المدقال

صبحك الله بالخير قصيده تناجي الحبيب

ويامحلا مناجات الحبيب

والله انه في قدومه مثل همال السحابــــــه
-- ووالله انه في قدومه يرتوي حتى سرابـــــــي

صح السانك ولاهنت القرني

المدقال

صححححححححححححححححححححح السانك



لاهنت على هذه الرائعه

الاخ العزيز المدقال ....


بيض الله وجهك وصح لساااااااانك وسلمت يمناك ...

ابيات جميله جدا احساس عجيب وحس مرهف منك يالمدقال ...


يوم جيته والعطر منسوج في ايديه وثيابــه
-------------------------- ماوعيت الاونفس العطر يتغشى ثيابــــــــي .

الله الله الله على هذا البيت روعه يستحق الحفظ والاشاده ...


اخوك الصغير /// ابو مهدي

الاخ الشاعر .... المدقال ...

صباح الخير ..

الوحيداللي اتعلم من عيونه القرايـــه والكتابـــــه
------------------------- والوحيد اللي عجزت اوصف جماله في كتابي


الصدر في البيت هذا اطول من البيوت الباقيه ..

المفروض يكون ..زي كذا:

العيون اللي تعلمني القرايه والكتابه
........................... للوحيد اللي عجزت اوصف جماله في كتابي


ركز على وزن البيت هذا اخوي الغالي ...


وباقي الابيات في غايه الجمال ..




تقبل تحياتي ... وعفوا على الفضاضه .


اخوك:
عايض راشد

الاخ محمد بن هضيبان

اشكرك ايها الرائع لهذا الرد ..
واطراءك شهادة ثقة اعتز بها
لك كل الشكر
تقبل خالص تقديري
ولك حبي

الاخ محمد بن متعب


صح بدنك

وشكرا لك على اطرائك

تقبل خالص تقديري

ولك حبي

الاخ حكيم الجامعة ..

وجهك أبيض يالنشمي ..

وجمل الله حالك على هذا الرد الذي زادني فخرا

تقبل خالص تقديري

ولك حبي

الاخ عائض راشد ..


شكرا لك على ملاحظتك وتعديل .. وصدقني لاحظته ... وكنت أنوي تعديله ... لكن طرأت على بعض الامور التي اخرجتني من النت ولم أعد الا الان ... فشكرا لك جزيلا ...
وشكرا لاطرائك ..
تقبل خالص تقديري
ولك حبي

ارررررررحب ياعبد الخالق


رائع ياصبي بالقرن ولكن السؤال وين الغيبات من فتره ماقريت لك




تحياااااااااااااتي

أخي هداج ..

الله يسلمك ..

واشكرك على ردك ..

واعتذر عن التأخير .. لانقطاعي عن النت كله لبعض الظروف ... اكرر شكري لك يالنشمي .. لاعدمتك ..

تقبل خالص الود

وعاطر الورد

والله انه في قدومه مثل همال السحابــــــه
-------------------------- ووالله انه في قدومه يرتوي حتى سرابـــــــي

صحححح لسانك ولاهنت .

تحياتي .

السلام عليكم



الله الله الله




ياسلام عليك يالمدقال











الله الله يوم هلت مزنها ذيك السحابــــــــــة
------------------------- أمطرت هتانها وأروت هماليله سرابـــــــــــي
أعشبت جرد الفيافي والزهرفوقه زهى بـه
------------------------- والينابيع ابدعت لوحاتها بين الهضــــــــــــابِ
ذكرتني بأريش العين المحلى في حجابــــه
------------------------- الحبيب اللي حضوره حيل يفقدني صوابــــــي
العيون اللي تعلمني القرايـــه والكتابـــــه
------------------------- للحبيب اللي عجزت اوصف جماله في كتابي
ذاك والله صاحبي اللي يروي القلب اقترابه
-------------------------- أشربه داخل عروقي لكن احس الضما بـــي
يوم جيته والعطر منسوج في ايديه وثيابــه
-------------------------- ماوعيت الاونفس العطر يتغشى ثيابــــــــي
والله ان الهم فيني لو يطــول في غيابــــــــــه
-------------------------- ياعذابي لويغيب واه ما أقسى عذابـــــــــــي
والله انه في قدومه مثل همال السحابــــــه
-------------------------- ووالله انه في قدومه يرتوي حتى سرابـــــــي





ابدعت ووفيت وكفيت




صح الله السانك ولاهنت




تقبل تحياتي




اخوك / فالح بن قشعم