يا حســـــــــــــــــــــــــاااام

لتّوااااااااااااااصل فقط
والمعذره على القصور
[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]



لي صاحب غايب عن العين يا حسام=واللي يبشرني عنه له بشاره

أخاف جاله هرج حاسد ونمام=وألاّ نوى يبعد وتبعد دياره

كان الخوي اللي معه حلو الأيام=عدت سريعه مثل مزّة سقاره

وكان الرفيق الي معي درع وحزام= نهار تالع باالفتيله شراره

وكان الهبوق اللي ليا قلت قدام= ألقاه قدامي جلس فا الغماره

معي معي على النقا دوم لزّام=وانا معه فاالدرب سواق طاره

ضرغام في وقت المهمات عزام= ذيبان ما خاويت حصني مغاره

حتى الطريق اللي يسمونه أحلام = يا كم بنينا فيه مركز وأماره

وحتى الجروح ام التجنّي والآلام= متقاسمين ألآمها با الخشاره

ياما وياما ويش اعلمك يا حسام= أربّك تعوضني أكبر خساره

حسبي عليه البعد للود هدّام= ياكم هدم لي فاالصداقه عماره

فقدته من العام والعام له عام= وهو و لا فكّر يجينا زياره

يلومني و انا فدا العين ماألآم=فرض علي الوقت بدري حصاره

ما نامت عيوني ولا رايح انام= ألين باق العلم يسدل ستاره

يمكن نشوفه يوم صدفه على الكام =وألاّ نشوفه يوم عند الأشاره

وأعلمك كيف اللّقا يحيي عضام=ويلين قلوب سوات الحجاره[/poem]

عواض السواط


صح السانك ولا عجمت


مبدع

عواض السواط

همس بوح معبر \ يشرع بوابة الأمل

في مهجة الواقع0

صح الله لسانك لرقي هذا الحرف

صح لسانك ياعواض

ولاهنت


مودتي واحترامي

ما اصعب فقد الصحبه النقيه

واشد الخسائر فداحة فقد الصديق الوفي الذي تجده في كل وقت

شعور جميل جدا مؤثر الا انني اعيب فقط استخامك للفظة مزة سقارة


كنت تستطيع استبدالها بلفظة اجمل تعبر بها عن سرعه فوات الوقت

كان الخوي اللي معه حلـو الأيـام
عدت سريعـه مثـل مـزّة سقـاره

رائعه القصيده في مجملها وفي وحدة موضوعيتها

ارجوا ان تتقبل النقد برحابة صدر من اختك

شواهق نجد

ماحصل قصور
صح لسانك ياعواض
قصيدة متعوب عليها

اخوي عواض

صح لسانك

وسلم فكرك

تقبل احترامي