Tweet
بسم الله الرحمن الرحيم
السلام عليكم ورحمه الله وبركاته
بعد طول غياب اتقدم بهذا النص
عسى ان ينال اعجباكم
[poem=font="Times New Roman,5,#9F4105,normal,normal" bkcolor="" bkimage="" border="none,4,#400000" type=1 line=1 align=center use=sp num="0,#400000"]
ياطير فرّع وأنفض الريش يا طير=وآرق الرجوم النايفه والسحابه
ياطير ما تصعب عليك المشاوير=يازين حظك ماحد (ن) قد غدابه
ياطير لامن جيت دار المناعير=حذرى تعدى دام قدرك مهابه
خذ عندهم فنجال واعط التباشير=وعطهم علوم أهل الحيا بالنيابه
خل الرجال اهل الشيم والسعاطير=تارد ربيع (ن) فاض حتى شعابه
يا ماحلى فالبر شوف النواوير=ويا ماحلى ريح الربيع وزهابه
والخط مد الشوف مابه دواوير=والهم وسط القلب ماحد(ن) درابه
مافيه لا زحمه ولا ياقف السير=وكل (ن) على ما قيل جهز ركابه
هي سلوه الدنيا وهي منبع الخير=هي بهجه الخاطر وفرجه عذابه
لكّن انا ياطير عفت المسايير=واشقيت حالي والليالي حرابه
عفت القصيد وعفت وصف الغنادير=وعفت السؤال وعفت رد الاجابه
عفت الحياه وقمت الوم المقاادير=واخاف من غدر الزمن وانقلابه
كله سبب من فيه (حمى الخنازير)=لابد ما يعزل وينصك بابه
الي من اجله حطو اعلان تحذير=ممنوع لا يقرب ولا يهتدابه
مثل المواقف لا غدى فيه تشفير=يعرف بها الرجال لو هي طلابه
بعض المراجل تجرح القلب وتغير=وخصوص من ربعه توفي نصابه
خربتها يا صاحبي وانته (ا)كبير=ياشين فالك لا كلام وذرابه
وجدي على خوه طوال الاشابير=الي ليا من جاك تحسب حسابه
مقدم عربه وحاكم الوقت ويغير=حر تعلى تعرفه من جوابه
واليا زهمته جاك زوله طوابير=عز الله انه يا عرب ينتخابه
الي ولو يطلب حليب العصافير=جبناه طيب وغصب ماهي غرابه
وبشت المعرفه عن هل المعرفه غير=انشهد ما كل الاسماء تشابه
مثل ال*** يعطيك في الوقت تبرير=واليا بغيته ساعةٍ صك بابه
وشلون لو جيته على الاقل تقدير=يا والله الا زاد فيها عتابه
جعله ماراح (مقيط) و(رشاه) فـالبير=ماظنتى تحزن لفرقاه لابه
لذا نويت اصدر العلم تصدير=واعطيك نبذه عن حياه الذيابه
والا انا لو قصّر الوقت تقصير=وصارت حياتي مع همومي قرابه
في ذمتى ماهين نفسي لو اتصير=باقي حياتي كل ابوها خرابه
ياطير (ابن سعران) وّن آخر عصير=والصدر ضايق عقب وسعه رحابه
هم (ن) في قلبه مثل هضبه جبل صير=هم (ن) تعلى به في قمه شبابه
حاله غدى جساس وهمومه الزير=لاطاب فاله والكدر في شرابه
هذا جوابي واختم القول يا طير=سجل على العنوان فال الكتابه[/poem]
وسلامتكم
سالم بن سعران
[/align]
يالامير
تعليق