جدا جدا عادي ...

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]






عادي ؛ تمرّ السنين وحلمك ظلالك = تركض ورى خطوته ؛ من دون تظفر به

وعادي بحلمك تورث به على عيالك = احدً سرح به صباح ؛ واحدْ يسهر به

يكون منّك قريبٍ ويتراوالك = حذفة حجر من طفل ؛ وخطاك تعثربه

وتمر الأيام ؛ وأحلامك على بالك = جمرة دفنها الزمان بروح مضطربة

وتسلي النفس ؛ في حلك وترحالك = مهما اجدبت بالأسى ؛ لا بدّ تزهر به

ويشيخ حلمك ؛ ويلبس ثوبه الحالك = ولا عاد يبقى معه عذر يتعذربه

وتصير مثل الكثير ؛ اللي مثل حالك = آمالهم مزهرة ؛ وأوضاعهم تربة

لو تنظر بوضع غيرك ؛ وضعهم هالك! = ناسٍ تمدّ الوفا ؛ من دون تشعر به

تحسّهم جزء منّك ؛ ويتهيالك = في صمتهم صوت ؛ كنّه يجذبك قُربه

كنّه قرأ بنّك اللي وسط فنجالك = وتصاغر القول دونه ؛ لا يعبّر به

يقول :أكتب ؛ وخلني بنظر بفالك = تكتب وينظر بكتبك ؛ ويتحير به!

تمدّ كفّك ؛ ويقراها ويتهالك! = ويموت سرّه معه ؛ قبل يتظاهر به

تكتب ؛ وتكتب ولا به من ؛ بيقرأ لك! = ويصير سِنّ القلم ؛ في كفّك الحربة!

تطعن بها كفّ روحك! ؛ لين يغتالك = حرفٍ كتبته " وطن " وأهدى لك الغربة[/poem]

السالم جعلك سالم دائماً / كالعاده للخبره دور في نصوصك المثقله بالشاعرية التي تداهم ذائقة المتلقي.
صح لسانك

وعادي بحلمك تورث به علـى عيالـك
احدً سرح به صباح ؛ واحدْ يسهر بـه
يكـون مـنّـك قـريـبٍ ويتـراوالـك
حذفة حجر من طفل ؛ وخطاك تعثربـه
وتمر الأيـام ؛ وأحلامـك علـى بالـك
جمرة دفنها الزمان بـروح مضطربـة




ارررررررررررررررحب يابوسالم



وصح لسانك وعلاشانك



مبدع ومتمكن في جميع الاحوال



لك تقديري

وتصيـر مثـل الكثـيـر ؛ الـلـي مـثـل حـالـك
آمـالــهــم مــزهـــرة ؛ وأوضـاعــهــم تــربـــة
قلت لك يامحمد
خطك مامعك فيه احد
واسلوبك جميل جدا
لاعجمت ولاهفيت

صح الله لسانك يامحمد ولاهنت




مبدع كما عودتنا




لك تحياتي
ابو احمد