مرثيّه في الامير نآصر بن حمود آل شآفي

السلآم عليكم ورحمة الله وبركآته


صبحكم\مسآكم .. الله بالخير جميع


يوم الخميس في الليل جآني اتصآل من اخوي محمد بن سعود آل شآفي وعطآني العلم وانآ في الاردن وربعي اللي معي في البيت من آل شآفي ويوم جآ صبح الجمعه كتبت ذآ القصيده ويعلم الله ان مآردني عن جيّة العزآ الآ دخلتي في مجلسه وانآ اعزيهم في وفآته

لكن عسى الله يرحمه ويغفر له ويسكنه الجنه


[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
الاحزآن لآحت في عيوني بروقهآ=والنفس عيّـآ الوقت الاقشر يروقهآ
والكبد كنْهآ بالميآسم موسّمه=وبآنت على وجهي موآري حروقهآ
مآ عآد لي خآطر على الضحك والسهر=والعين جرّح صآفي الدمع موقهآ
القلب دقآته بلحظه تسآرعت=وضلوع صدري قآم حزني يطوقهآ
دنيآ عسى الله يكفي النآس شرّهآ=تعطي صبوح..وليل تنثر غبوقهآ
ذكرت يوم ان النعيمي يقولهآ=(غدّآرةٍ مآ تآمن النآس بوقهآ)
نآسٍ عن الافرآح سآقت بشيرهآ=ونآسٍ عْلوم الحزن يمّي تسوقهآ
قآلوا امير الشمل قد ضمّه اللحد=وصكّت بي الدنيآ وضآقت طروقهآ
يآعنْك مآ كلٍ ليآ مآت نفقده=وغيومنآ مآ هي تنثّر حقوقهآ
الآ على شروآه لي حل وآجبه=فعله وضح كالشمس بأول شروقهآ
جوف الهوآجر قد ضوآحيه مظلمه=والنآس عبرتهآ تسكّر حلوقهآ
بيتٍ فقد عآموده اللي يجمّله=وارضٍ بكت رجلٍ مسيره يشوقهآ
والرآجحه من عقب الانوآر ظلّمت=وازهآرهآ مآ عآد يطرب نشوقهآ
عليّ رفقة كل طيّب معرّب=اللي عْلوم اهل المرآجل يفوقهآ
مـ..نْسآه لو ينسى المصلّي فرآيضه=ولو تنقلب اسفل الارآضي لفوقهآ
ومـ..نْسآه مآ دآم السرآه بمحلّهآ=ولو تآب عن سرْق الخزآين سروقهآ
فْيالله تغفر له وتقبل شهآدته=رحمتْك مآ شيْ عن عبآدك يعوقهآ
بْك الرجآ والملتجى يآ إلهنآ=عندك حسآب اهل العقوق بعقوقهآ
وعندك حسآب الخير بالخير والثنآ=وانهآر مآ يعطش ابد من يذوقهآ
ترزق ابومبآرك جْنآنك ورحمتك=ومزنه على قبره تنثّر حقوقهآ[/poem]


سلآمتكم


نآصر بن محمد بن هجآر القحطآني

الله يغفر لشيخ بني هاجر/نآصر بن حمود آل شآفي
ويرحمه ويسكنه فسيح جناته
وصح لسانك ياناصر على هذه المرثية الجزلة جدا

الله يرحمه ويغفرله ويسكنه فسيح جناته

ولاهنت ع المرثيه

صح لسانك ..

الله يرحمه ويغفرله ويسكنه فسيح جناته
وصح لسانك ياناصر

رحمه الله ، والموت حق ومات اسد وخلّف أسود ومامات من خلّف وصح لسانك في ماعبرت

الله يرحمه ويرحم جميع اموآت المسلمين.,.,



صح الله بدنكم وسلمتوا دمتوا على مروركم.,.,

الله يرحم ابن شافي رحمة واسعه


وصح لسانك

صح الله بدنك يالعبدي ولآهنت على مرورك