جمّعت لي قرشين باشري عماره @ وزوّدتهـا قرشين حـق الـدلالـه

[poem=font="Simplified Arabic,4,#080800,bold,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
جمّعت لي قرشين باشري عماره=وزوّدتها قرشين حق الدلاله



وجيت العقاري عند مكتب عقاره=شايب شنب غتره وطارح عقاله



متربّعٍ ويمز ذيك الزقاره=ولا مزّها ظرب بها في البياله



كنه خفيرٍ مستلم له خفاره=في فيّة المكتب ويتبع ظلاله



قِمَزْ ورحّب بي بشوق وحراره=تقول شايف واحدٍ من عياله



قلت اشهد ان العود راسه نعاره=يالله عساه يطيب ويزين فاله



ياشيبة الرحمن معي استشاره=وانته ومثلك شوركم ينعناله



انا غشيمٍ في دروب التجاره=والحظ وقّف لي ولا زان فاله



وباعلمك وشهي علوم القشاره=وانت الحكم واحكم وحكمك عداله
------------------=
فكيت لي مطعم وسممت حاره=وتركته وفكيت جنبه بقاله


وحطيت فيها عاملين استعاره=جارت علي رسوم نقل الكفاله



وبديت اديّن واحْسِبْ انها شطاره=وراحت ديوني كلبوها جماله



ودخلت في سوق الخشب والنجاره=وراحت فلوسي في يدين العماله



وفتحت مستوصف وحطيت ادراه=وجبت الدكاتر دارسين الزماله



جاهم مريضٍ علّته في المراره=شقّوا طرف كبده وشالوا طحاله



ونسيوا ببطنه رخصةٍ واستماره=يامن شرا له علّةٍ من حلاله



وخذيت لي ونيت دتسن غماره=وركّبت فوقه شبك واربع قفاله



وقمت اتريبح في البهم والجفاره=السوق وقت العيد يالك وياله



لين اعترضها اللي عيونه شراره=واحد عيونٍ جعل ماله سلاله



جاها على الما جعل تفجاه غاره=وقضا عليها جعل موته لحاله



واليوم ابي لي بيت واخذ اجاره=لعل باقي العمر يمشي سهاله



قال استرح وانس التعب والمراره=وهات الدراهم واكتب الكمبياله


ودْلالتي والحُر يفهم الاشاره=قبل الكلام وقبل مبدا المقاله

------------------=


اربع غرف مبنيةٍ من حجاره=ومقلّط ومجلس ومطبخ وصاله



وحوشٍ يجي للمور فيه استداره=وبوابةٍ تدخل معاها التراله



ماهوب بيتٍ من بيوت الحضاره=بيتٍ قديم من بيوت الاصاله



والموقع مميز وجنب السفاره=وان طعت شوري لاتدوّر بداله



قلت اصبر اصلّي صلاة استخاره=قال اعفني! لو جا زبونٍ وشاله!!



شريته وسقت الذهب والسواره=شيكين من عندي وشيكٍ حواله



ورحت ولقيت البيت كنه مغاره=مبني من ايام الجهل والجهاله



عينت كهفٍ فيه سبعة جحاره=ياما جرالي منه وياما جراله



والحوش يسكن فيه سبعين فاره=والباب مايدخل نفر من خلاله!!



ودوريّه يمينه والاخرى يساره!!=ووحدة جنوبيِه ووحده شماله!!



معهم تعاليم الأمن والوزاره=بان السكن جنب السفير استحاله



خذيت رشّاشي وعبّيت ناره=ناوي على الشايب وناوي قتاله



حياة مثله في الاوادم خساره=والله ماخلّيه ايتهنّا بماله



اللي مايامن به خويّه وجاره=راعي النذاله ينعن!! ام النذاله[/poem]

العلم سعيد بن مقبل



أنت داهيه شعر بكل معنى الكلمه ياسعيد

للـــه درك ودر حضورك ودر شعرك الذي دائماً يأتي في الصميم معنى وسمو هدف
وملامس للجرح وسهل العبور الى القلب وقريب لكل متلقي ومحبب للنفس بما يحمل من قوه وسلاسه ممزوجه بالفكاهه الجميله .


لاعدمنا حضورك الراقي والمتابع بدقه من الجميع .

يـامــا جـرالــي مـنــه يــامــا جــرالــه
والحـوش يسكـن فـيـه سبعـيـن فــاره


.......

سعيد بن مقبل

وش سالفتك ... هههههههه

صح لسانك ..... عزالله استمتعت وانا اقراها ..... وانشاءالله بعد هذي تعلم فنون التجاره

صح لسانك على هالقصيده بسلاستها الجميله


.

الله يعينك يابن مقبل على كل هالبهاذيل
حيلك فالشايب وابشر بالكفيل

صح لسانك مليون على هالعرض المتسلسل الجميل
صح لسانك

هههههههههه

والله مدري وش اقول ملحمه شعريه بأسلوب رائع وممتع

والله يعينك يابومقبل

وحقيقه

مبدع في جميع قصائدك

صح لسااااااانك مليون

الاخ سعيد بن مقبل بيض الله وجهك ملايين
صراحة انقطعت فترة عن المنتدى لإنشغالات وبعد دخولي اليوم وقراءة هذه الشامخة عرفت ان المنتدى شامخ كما كان
فأنت شاعر جزل ومبدع

تقبل تحياتي /راشد ابن حنيف العازمي

ارررررررررحب يابومقبل



وصح لسانك ملايييييييييييين



قصيدة رائعه من شاعر متمكن ومبدع تمكنت فيها من سرد قصه تصلح مسلسل تلفزيوني



تقبل تقديري واحترامي

سعيد

ابدعت بالحرف والمعنى


صح السانك

:

تقبل تقديري

ونسيوا ببطنه رخصةٍ واستمـاره
يامن شرا له علّةٍ مـن حلالـه


لايسمعونك المرضان اللي فبطونهم كيلوات حديد يطالبونك!!


ابومقبل

بيض الله وجهك.

الشاعر الغالي / ابو مقبل

لايشق لك غباااااااار قااااف معنى جزاله براعه في انتقاااء المواضيع

شاعر من العيار الثقيل

صح السانك واعتلا شاانك ياقرمــ

والله مدري وش اقول

لكن انت شاعر المجتمع

والمجرم الحقيقي لعالم الشعر

خذيت رشّاشـي وعبّيـت نـاره ،، ناوي على الشايب وناوي قتالـه

انتبه انت شاعر والشعر نوع من انواع الأدب واهل الأدب لايجرمون .
صح لسانك يابومقبل

للمرة الثانية أصافح هذا النص الشامخ

وسأصافحه أينما وجدته لأنه يستحق

صح لسانك يا سعيد

وبيض الله وجهك

دمت بخير

.

[align=center]

العلم سعيد بن مقبل



أنت داهيه شعر بكل معنى الكلمه ياسعيد

للـــه درك ودر حضورك ودر شعرك الذي دائماً يأتي في الصميم معنى وسمو هدف
وملامس للجرح وسهل العبور الى القلب وقريب لكل متلقي ومحبب للنفس بما يحمل من قوه وسلاسه ممزوجه بالفكاهه الجميله .


لاعدمنا حضورك الراقي والمتابع بدقه من الجميع .

ارحب يابوشايع
اطرائك وسام ياعبدالله
عسانا مانعدمك يالكفو[/align]

[align=center]

يـامــا جـرالــي مـنــه يــامــا جــرالــه
والحـوش يسكـن فـيـه سبعـيـن فــاره


.......

سعيد بن مقبل

وش سالفتك ... هههههههه

صح لسانك ..... عزالله استمتعت وانا اقراها ..... وانشاءالله بعد هذي تعلم فنون التجاره

صح لسانك على هالقصيده بسلاستها الجميله


.

ارحب يابومطر
ولاهنت على مداخلتك الجميله[/align]