رســالة إلى الملك عبدالله بن عبدالعزيز...عاجلة جدا ً..!!

[align=center]السلام عليكم ورحمة الله وبركاته

مساكم الله بالخير ,,,, الشاعر هو لسان حال المجتمع قبل ان يكون لسان حال نفسه وهذي القصيدة تحكي عن
الموظفين المستخدمين الذين لم يتم تثبيتهم حتى الان رغم مؤهلاتهم العلمية وخدماتهم وانا أحد هؤلاء الموظفين
رسالة اتمنى ان تصل إلى من يهمه الأمر

هي لكم وبين ايديكم


صلوا على النبي[/align]



[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
يامرحبا واهلين يالله حيه=باللي لفاني حزة العصريه
الله يبارك ساعة ٍ جتنيبك=ياراعي الأوزان والقافيه
نفرح بمثلك لا لفانا مسير=ياضيفنا اللي ماش ضيف ٍ زيه
اقلط تربع سم ذا فنجالك=تستاهله من دلة ٍ بريه
يالهاجس اللي كل ماناديتك=جيت وهلا يامرحبا بالجيه
اليوم ذا وقتك وذا ميقافك=ابرسلك بمهمتن سريه
عبر الفضا عاجل وعاجل جداً=بسطرك في داخل البرقيه
مضمونها ياسيدي عبدالله=يابو الكرم والطيب والجاهيه
بشكي عليك الحال واشرح وضعي=دامي مواطن وأحمل الجنسيه
انا موظف رتبتي مستخدم=اربع سنين وحالتي منسيه
شهادتي ومؤهلاتي ثانوي=واخذت معها الرخصه الدوليه
لاجيت ادور ترقيه قالولي=يا للأسف ماعندنا مو ليه
لو إنها عندك فداك وتسلم=لكن بلانا البنيه التحتيه
لاجيت أشبه راتبي فالدوله=ماكنه ألا راتب الجاويه
متزوج ومستاجر ٍ لي شقه=وسيارتي وأقساطها شهريه
وإليا لفاني ضيف لو هو مره=قطعت قسط الموتر الملويه
وجتني تويوتا تشتكي وإطّالب=وحطت جميع اللوم كله فيه
ماغير دون وجيهنا وإلحانا=ناخذ حقوق الناس بالعاريه
هذي ترى أوضاعي وهذا حالي=ماباقي ألا أكتبها مرثيه
مبغى عماره لا ولا ابغى فله=ولا ودي بهذي ولا هذيه
تكفى يابو متعب ومثلك يدري=عن حالنا وأوضاعنا الماليه
تكفى وتكفى في زمنا هذا=إتهز من فالكوره الأرضيه
ادخل علاك بجاه رب العزه=تنظر لحالي نظرة الحنيه[/poem]

عليكم السلام ورحمة الله

واللهم صلي على النبي وعلى آله وصحبه

وصح لسانك

والله يزين الأحوال يـ الشاعر

وإنشاء الله توصل رسالتك وتلقى اللي يسرك

تقديري’,,

يالله المستعان
اليوم منت بمجرم يانايف
الا مُجرَم في حقك
والله انها زعلتني القضيه اللي في بطن القصيده الشمّاء
صحيح
لسان المجتمع ونطقت الشكوى بالشعر الجميل الرائع
ولاشك انه نوع من الفضفضة وقناة لتصريف سيول الغيض
لاعجمت ولاهفيت يانايف

ارررررررررررحب يانايف



وصح لسانك يالقرم



شكوى اتمنى ان تصل والد الجميع وملك الانسانيه



تقبل تقديري

وعليكم السلام ورحمة الله وبركاته

وصلى الله وسلم على محمد

أرحب يانايف


هذا اولاً وثانياً أطلب الله يعينك والله إن تبطي عظم تدري ليه


لان ثلاثين سكان المملكه العربيه السعوديه نفس حالتك يعني ابومتعب
ياحلها كلها ياكماهي ضائعه وهذا هو الاقرب ومن قال غير ذلك أو أنكر هذا الكلام
فهو مثل النعامه التي تدس راسها في التراب .


ولكن أطمئن أخي العزيز فأنت في أغنى بلد وأفقر شعب .


حفظك الله

النايف
الله يحقق احلامك ان اسئله وادعيه
رساله بلا شك انها فسرت معناة الكثير
ربي يوفقك

تقبل ارق التحايااااااااا

تحياتي للمستخدم الذي تسبب لنا في هذا النص الهادف لحال قائله والكثير المشابه لحاله ِ

دام عطائك يانايف في رسائلك الشعريه الهادفه

رساله هااااادفه
صح لسانك يانايف ملياااااااارات

ياسلالالالالالالالالالالالالالالالالالالالالالالالالالالالال ام عليك يانايف



قصيده فوق الوصف وتحكي معاناه الجميع


بارك الله فيك وصح الله لسانك وياليت يوصل صوتك

شاعرة نجد

اسعدني تواجدك طال عمرك

صح بدنك ولاهنتي

بيض الله وجهك

لعل هذه القيده تكون فأل خير علك وعلى جميع من يشر وظيفة مستخدم

امين

يارب

وخادم الحرمين ابو الجميع ومعودنا على العطف والحنيه


تحياتي لشعرك الراقي وشخصك الكريم

ابو مقبل

صح بدنك ولاهنت

كل الشكر لمرورك واطرائك طال عمرك

هادي بن عسكر

حظورك اسعدني

صح بدنك ولاهنت

نايف


الله المستعان

لعل الرساله وصلت يا مبدع

صح قلبك

عز الله انك سفير المجتمع يا نايف

فضفضت عن صدر الشعب وعسى الله يزين الحال

صح لسانك ملايين الملايين