من زرع خير لخلق الله يجازونه بخير (&&) ومن زرع شر لخلق الله لقى عدوانها

[align=center]للتواصل من الأرشيف[/align]

[align=center]بسم الله نبدأ

وصلوا على محمد[/align]


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
إستعدي يابيوت الشعر موقفنا خطير = قامت الغربان تفرد فالسماء جنحانها
ذا يطير وذا يحط وذا يحط وذا يطير = نوب في روس الجبال ونوب في وديانها
ما درت بإن الجبل راسي فالأول والأخير = ثابت وما همته لو ناعقت غربانها
والحمول اليا ثقلت ما يبرك لها الا البعير = والدروب الكايده حنا نعرف حصانها
والخطايا تندفن في قاعة البحر الغزير = والمعزه والغلا ما سكرت بيبانها
تستدير أيامنا مثل الرحى اللي يستدير = والبيوت الخايبه تهدم على سيسانها
من زرع خير لخلق الله يجازونه بخير = ومن زرع شر لخلق الله لقى عدوانها
ومن رفع قدر الصغير وقام في حق الكبير = شاخ في العربان لو هي واجد شيخانها
والبلا كل البلا من راس معدوم الظمير = النجاسه وسط قلبه تشتعل نيرانها
بالنميمه أصبح لسانه كما السيف الشطير = وأطلق لنفسه على سب الرجال عنانها
كنه اللي كل عصر بين خلق الله تسير = وبالحكي فأعراض خلق الله تعلج لسانها
ما سلم من دندنتها لا كبير ولا صغير = ومن نجاسة قلبها تاكل لحوم أخوانها
وما يسوي ذا السواة إلا الردي وألا الغرير = الرجل ما يقرب الهزله ولا ميدانها
ومن يقول إبن آدم مظهره لفواده سفير = كلمته ذي ما أعتقد يرجح بها ميزانها
مأكثر اللي في حشاها تحمل الحقد الكثير = غير تخفي حقدها بإظهار ظحك أسنانها
والزعل مابينها وبينه سوا سلك الحرير = بأتفه أمر يعترضها ينفجر بركانها
يالله إني بك من ضعاف الروابع أستجير = عالم ضاعت وقام يقودها شيطانها
وطالبك تنعم علي بخوة الرجل البصير = الفهيم اللي يحب من العلوم سمانها
خوته بالوصف شعله من سناها نستنير = وتدفي وتبطي وهي ما رمدت عيدانها
أطيب من اللي على وصف النبي نفاخ كير = كنه الأثله من شعلها عاقبه دخانها
يهدر ولامن ثقل حمله رغى عقب الهدير = والوفاء والطيب عنده ضايع عنوانها
له عيون مبصره لكن له قلب ضرير = والقلوب اليا عمت ما فاد شوف أعيانها
وقرب مثله ياهل الألباب شر مستطير = حية من قرب منها عضته نيبانها
ويش أبي به دام له في كل ساعه وجه غير = الله إنه يقلع الشجره على ديبانها
بأترك العد المغثرب وأتهيأ للصدير = ما أبغي ضعاف الروابع لا ولا بلدانها
أبغي اللي عنده الأسرار كنها وسط بير = حتى لو هي هينه يحرص على كتمانها
وأبغي اللي لا بدا لي حاجة فأمر عسير = قال تبشر بالسعد وأزهل ويقظي شانها
صاحب مثل الأخو نصاح وحزام وشوير = وطلق اليا عقدت بعض العرب حجانها
وإن بغاني والله إن أصير اللي ما يصير = لو أولف له أسود الغاب مع غزلانها
لأنه بتقديري وفزعاتي ومدحي جدير = والنفوس اليا أحسنت تجزى بقدر إحسانها
وفي الختام أحب أكرر كلمتين فالأخير = علها تحفظ ولا يمكن لأحد نسيانها
من زرع خير لخلق الله يجازونه بخير = ومن زرع شر لخلق الله لقى عدوانها
ومن رفع قدر الصغير وقام في حق الكبير = شاخ فالعربان لو هي واجد شيخانها[/poem]


[align=center]وسلامـــــــتكم[/align]

الله الله

صح الله لسانك نص من الوزن الثقيل

ويشرفني اكون اول المصافحين لنصك الفاخر

تقبل اعجابي

و

م

ر

و

ر

ي

ومن رفع قدر الصغير وقام في حق الكبيـر
شاخ في العربان لو هي واجـد شيخانهـا
:
:

نص وقضية النميمه داء تشبعة منْه المجتمعات العربية .

صح لسانك

صح لسانك ياسعود
ابيات من ذهب الشعر
لاعجمت ولاهفيت

ومن رفع قدر الصغير وقام في حق الكبيـر
شاخ في العربان لو هي واجـد شيخانهـا
:
:

نص وقضية النميمه داء تشبعة منْه المجتمعات العربية .

صح لسانك

ارررررررررررررحب ياسعود



وصح لسانك يالقرم



قصيدة رائعه من شاعر مبدع ومتمكن



تقبل تقديري

حسين المري

لاهنت على مرورك

أشكرك

الأخ سعود العماج

صح لسانك ولاهنت على الجزله

حمد الدليهي


لاهنت على المرور


وكلامك صحيح تشبعت منه الأمه العربيه لكن هل النايم صحى من نومه؟؟؟


الله يعين على الدنيا بخير


أشكرك مره أخرى


أخوك