لا كثر الله خيركم يا هوامير .. !!

السلام عليكم ..

تلقائية .. من أدراج الذاكرة

كتبتها كمواساة لأحدهم !

/


[poem=font="Simplified Arabic,6,#090569,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
لا كثر الله خيركم .. يا هوامير=ياعلكم للفقر هامور .. هامور
صرتوا كبار القوم وانتم طراطير=من كد ناسٍ حالهم كان مستور
في سوقكم ياما كلوها خوابير=لين اصبح الميسور ماهوب ميسور
انكبوا العالم عليكم طوابير=كلٍ يجي من صوبه مْطفي النور
دينٍ وتقسيطٍ وبيعٍ وتأجير=وبالحلم يبنون استراحات وقصور
والكل منهم عنده اربع غنادير=يْعيش معهن طيلة العمر مسرور
والموتر اللكزس رفيق المشاوير=والا بنوراما .. وتاجر ومشهور
واللي من اول صعب جاء وقته يْصير=مادام به ثروه على الصعب مقدور
احلام ربح وعودت بالمخاسير=لين انصدم في واقعه كل مغرور
اتضحت الصوره بعد طول تخدير=لاهل العيون العمْي والحول والعور
وانهارت الاسهم بدون اي تحذير=الا خبر عاجل وبالصحف منشور
زِف الخبر حول اختلاس الدنانير=ياعنك ماهي زفة مْهند ونور
ضربة حجر صادت جميع العصافير=في ساعةٍ فيها الصقر صار عصفور
كم واحدٍ منهم عليه الفواتير=يبقى يسددها إلى نفخة الصور
وامراض نفسيه وهم وتفاكير=والضغط بس يفور ويفور ويفور
وازمات قلبيه ورزمة عقاقير=وفي كل يومٍ موعدٍ عند دكتور
ما تصلح احواله طوال المعاذير=من كل مزمارٍ من الخلق مأجور
في كل تحليل اقتصادي وتبرير=وقف بصف المتهم شاهد الزور
مابه سوى تفسير يحتاج تفسير=اللي فتِح له باب ما يطمر السور
دمركم الله يا سبب كل تدمير=سعيٍ سعيتوا فيه ماهوب مشكور[/poem]


.

[align=center]

ارحب ياراشد


مبطين ماشفناك , وكنا عتابين عليك .

بس عقب هالشامخه , راح العتب

ونقولك من طول الغيبات جاب الغنائم

ولاهيب غريبه عليك الجزاله

صح لسانك مدد [/align]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
في كل تحليـل اقتصـادي وتبريـر=وقف بصف المتهـم شاهـد الـزور
مابه سوى تفسيـر يحتـاج تفسيـر=اللي فتِح له باب مـا يطمـر السـور
دمركم الله يـا سبـب كـل تدميـر=سعيٍ سعيتوا فيه ماهـوب مشكـور [/poem]
[align=center]آمين آمين آمين[/align]

اررررررررررحب يابوراشد



وصح لسانك يالقرم




قصيدة رائعه في موضوع يهم شريحه كبيره من المجتمع



تقبل تقديري

صح لسانك مدد لاعدمنا هالحظور

مطلق بن راشد

صح لسانك

دمت متألقا

لاهنت على القصيدة والموضوع الجميل

تحياتي

عزالله كتبت واجدت يابوراشد
ومن افضل القصائد التي كتبت في هذا الموضوع
لاعجمت ولاهفيت يامطلق

مطلق لاهنت


وأقديت في الهوامير





صح لسانك

محمد بن عون

حياك الله يالغالي

مرورك نور

ألف شكر لك

.

مرحبا يابو راشد

منور طال عمرك

صح لسانك

لاعدمنا حضورك

تقديري

عشت ابو راشد




عز الله ما ظلمت حظك في ما قلت







صح لسانك




معاناة ما خلت من الناس احد




تحياتي لشخصك الكريم

صح لسانك واعتلا شانك


نص وافي من وافي


تقبل تحياتي