الا من يجيب العلم والا يوديه !!!!!!!!!!!!!!!!!!!!!!!

[align=center][align=center]الا من يجيب العلم والا يوديه
الى الصاحب اللي قد ذبحني غرامه
.
سكن وسط (جدة) جعل ربي يخليه
دخل حبه بقلبي وصوّب سهامه
.
عليم الله اني ميّت فيه واغليه
يا لبيه لا كلّم وجاني سلامه
.
من اهـل الجنوب اصله وذي ميزةٍ فيه
ولهجة اهَل جدة بدت في كلامه
.
طبوعه ظريفة حيلْ سبحان معطيه
سحرني بحلو الهرج والابتسامة
.
وفي ٍ معي ما يلحقه بي مشاريه
تعلى عن حدود الخطا والملامة
.
ومن عامله يرفع لقدره ويعليه
على الناس يفرض هيبته واحترامه
.
لمحته بسوق ٍ عفت انا من مشى فيه
بعَـد ما حضر والمشي مشي الحمامة
.
تمنيت ينظر لي واجي له واحاكيه
وفعلا تلفت لي وشال اللثامة
.
وشفت الجمال اللي على الوجه يكسيه
خدودْ وعيونْ وفوق شفـّـته شامة
.
وجسم ٍ منعّم فوق زينه يحلّيه
الا جعل كل الغيد تفدى عظامه
.
ومن بعد وصله حاول البعض يقصيه
وهذي فعول اهل الردى والنمامة
.
يبي يبعد اللي قد صفى عن مصافيه
حسودٍ عساها ما تجيه السلامة
.
يحسّبني اترك من صفا لي واجافيه
وقلبي بحبه قد تزايد هيامه
.
هذا مابغيتك يا مودي توديه
الى الصاحب اللي قد ذبحني غرامه ![/align][/align]

تسلم يالهواوي
وصح لسانك وبدنك ياعلي
لكن...
وجسم ٍ منعّم فوق زينه يحلّيه
الا جعل كل الغيد تفدى عظامه
ماحنا بطايعينك في البيت هذا

علي القرني

صح لساااانك


لاهنت

دمت بخير

تحياتي

على القرني


صح السانك ابيات جميله


لاهنت
:

كل التقدير