مصافحه بعد طول غياب (( إلى أدوات التخريب في أمة التوحيد ))

[align=center]السلام عليكم ورحمة الله وبركاته


مصافحه بعد طول الغياب


وهي موجهه لكل من يسعى لنشر الفكر التغريبي المنحل في أوساط المجتمعات الإسلاميه المحافظه


وأسأل الله أن يهديهم بهدايته أو أن يجعل كيدهم في نحورهم ويحمي المسلمين من شرورهم


صلوا على محمد


بسم الله أبدأ وأقول[/align]


[poem=font="Simplified Arabic,5,#060600,bold,normal" bkcolor="" bkimage="" border="none,4,#400000" type=0 line=1 align=center use=ex num="0,#400000"]
الوقت عاكس وأصبح الحق مظهود = يوم أبتدت ضده حروب الإباده
وبإسم المجامل خلطت البيض والسود = والصدق عقب إحراقه أصبح رماده
صارت حياة الناس شعله وبارود = كلً على الأهداف يقدح زناده
وكلً على شفه بذل كل مجهود = يدور الشهره ويبغى الرياده
والدين لامن صار في القلب مفقود = فلا تقول إن الرجل في زياده
ووراه لا ترجي نجاحً ولا فود = غرسً خبيثً ما يفيدك حصاده
الدين ساس المجد والمجد مقصود = للي يدور للربح والسعاده
واللي يبي غيره فحنا له ضدود = نركي عليه ألين يرجع رشاده
فياللي طرقت الباب والباب مسدود = أخذ الإفاده كان تبغى الإفاده
حنا نعرف العدل والنقص والزود = ونميز الضايع ونعرف مراده
فلا تحسب إنك يوم دندنت بالعود = على هواك إنك لقيت الإشاده
لا والله إلا زدت نقصً ومنقود = عند العقول اللي لها العدل عاده
تبغى الدعاوي كلها سهود ومهود !؟ = والدين يحصر وسط دور العباده !؟
والباب يفتح فتحةً مالها حدود !؟ = والشرع من شرع اليهودي مداده !؟
والبنت تصبح حرةً مالها قيود !؟ = وتخاشر الرجال حتى القياده !؟
والحبل يرخى بعد ما كان مشدود !؟= والبيت بإرخاء الحبل تاقع عماده !؟
ونمشي على خطوات حامد ومحمود = يوم أشتروا طاعة بليس ووداده
وصاروا على عد الخنا صدور وورود = وما لقيوا من العز غير الزهاده
هذا هو اللي عنه يالفاجر تذود = وتقول بإن الراي هذا سداده
وأبلشتنا في كل تلفاز موجود = يا أما صباح اليوم وإلا هجاده
تبذل جهودك تحسب إن كل مطرود = لا طال سعيك تستطيع اسطياده
يابو حضاره خذ نصيحه من سعود = ((ريح دماغك فوق ظهر الوساده))
لا تحسب إنك صايدً وأنت مصيود = ياطيرنا اللي ما ينومس هداده
درست في دولة كفر تبغي تزود = بالمعرفه وتعود بأعلى شهاده
وفي غربتك كلً تحرى متى تعود = وتكون رمزاً تفتخر به بلاده
وجبت الشهاده والفكر فكر نمرود = وصرت الحمار اللي لبس له قلاده
ياعنك ما للدار منك أي مردود = إلا السفاله والردى والنكاده
يابندقً ما فيك صفره وعبرود = من شالها يذبح ويسلب جواده
مثلك حرام إنه يسٌرح مع الذود = وش لون تبغى في يديك القياده
لا صار ما لك دين ووعود وعهود = وقلبك تغير مبدأه وإعتقاده
بكره ليا من طق عودً على عود = من دربها بتروغ روغة جراده
لأن الردي حمل الجمل فوقه يكود = ما يقدره مثله ولا به جلاده
وألا الكفو يرسي مثل شامخ الطود = دينه وصبره والشكاله عتاده
والدين يادكتور حنا له جنود = وعدو دين الله واجب جهاده
فلا تغرك طهبلة كل مقرود = مريض فكر وما لقى له عياده
ولا تطير إن شفت لك برق ورعود = وتصير مثل اللي يكسر شداده
تراك طين وقدمك اللحد والدود = وقدمك لهيب القبر والا براده
فنصيحةً مني ترى العمر معدود = وترى جليل الملك يرحم عباده
فإرجع لربك وأترك الكبر والزود = والرجل من تقديم كفه نجاده
جتك البيوت وباحت لنصحك سدود = فأفطن لها وأنفظ غبار البلاده
قصيدةً فندتها لأجلك فنود = لعل عقلك ياجد الإستفاده
وإن كان تفكيرك على الخبث محدود = فما للبعير الهايج إلا قياده
وما لك جدا في الطرق والباب مسدود = جتك الإفاده ياعديم الإفاده[/poem]

[align=center]وسلامتكم[/align]

ارحب ياسعود
وعزالله انّك جبت الافاده
والقصيد اللي يستاهل الاشاده
والموضوع القيّم جدا جدا
لاعجمت ولاهفيت ياطويل العمر

درست في دولة كفـر تبغـي تـزود
بالمعرفـه وتعـود بأعلـى شهـاده
وفي غربتك كلً تحرى متـى تعـود
وتكـون رمـزاً تفتخـر بـه بـلاده
وجبت الشهاده والفكر فكـر نمـرود
وصرت الحمار اللي لبس لـه قـلاده
ياعنك ما للـدار منـك أي مـردود
إلا السفالـه والــردى والنـكـاده
يابندقً مـا فيـك صفـره وعبـرود
من شالهـا يذبـح ويسلـب جـواده



رساله واضحه لمن تغرب للدراسه خارج بلاده
في بلد غريب الشريحه والطبايع والمذاهب




وختمتها بوضوح النصح


صح الله السانك مدد

اقف لها النص إجلال ولحضورك


::

كل التقدير

والحبل يرخى بعد ما كان مشـدود !؟
والبيت بإرخاء الحبل تاقع عمـاده !؟

:
:

بكره ليا من طق عـودً علـى عـود
من دربها بتـروغ روغـة جـراده

:
:
ولا تطير إن شفت لك برق ورعـود
وتصير مثـل اللـي يكسـر شـداده

:
:

وإن كان تفكيرك على الخبث محدود
فمـا للبعيـر الهـايـج إلا قـيـاده


.
.

رساله واضحه ودام حضورك المحمل بالغيره والولاء

ارررررررررررحب ياسعود




وصح لسانك يالقرم



قصيدة رائعه من شاعر مبدع ومتمكن




تقبل تقديري

سعود




قصيده هادفه


تميزة بالجزاله والفائده


لاهنت

سعيد بن مقبل


لاهنت على مرورك


تقبل مني اطيب تحيه

ارحب ياسعود وصح لسانك على النص الهادف

عبدالهادي آل كحله


أشكرك على مرورك



أخوك

حمد الدليهي


أشكرك على مرورك


أخوك

جميل ما خطه القلم هنا

صح لسانك


مدد بلاعدد


تقديري



:



:

سعود

.
.

صح قلبك ونبضك جميل وفكر واعي

.
.


مودتي لك .