((عزوا بديوي وراشد وتركي والشريف )) ترى لماذا ؟؟؟؟؟؟؟

ربما يختلف الأمر الآن وبعيدا عن التزلف والمجامله ربما شعراء النداوي قلبوا الطاوله لتصبح القصيده تتكلم عن فئه معينه
تقبلوها مع فائق التقدير والاحترام :


إرتكز يا خنجر الحقد في صدر الضعيف
ــــــــــــــــــ واستقر بين الحنايا وعذب من نـحب


وإزهم لرمح المعارك مع السيف الرهيف
ــــــــــــــــــ وإعلنو حرب الإباده على جــيش الأدب


دام جيش الحرف منهك وشكله مايخيف
ـــــــــــــــــ من يلوم القاف قلي إذا قص الــشنب


من يلومه لاتغطى عن الحفل الكثيف
ـــــــــــــــــ دام يمناهم حجاره وهم حقد وغـــضب


والعجوز اللي تهقوت على العود الكفيف
ـــــــــــــــــ لاسندها في مرضها ولا فك النشـــــب


حالها حال المشاعر تبي فزعه وسيف
ــــــــــــــــ ينتشلها عن بعضهم من أشباه الــــعرب


مالقت فالبيد فارس على ضهر العسيف
ــــــــــــــــ يرتكي لأوجاع عذراء قريب(ن) تغـــتـصب


ماهي اللي للخليفه تصيح من العنيف
ــــــــــــــــ ذيك جاها اللي حماها عن لسان اللــهب


إنتخت في شخص واحد على جيش(ن)لفيف
ــــــــــــــــ إعتصم في حبل ربي ولا أقفى وانســـحب


والمشاعر مالقتلك خليفه ياخليف
ــــــــــــــــ صار كل(ن) للمعاني ضمير(ن) يحتـــسب


ياربيع القاف انحش عن ايدين الخريف
ـــــــــــــــ مابقى موال يطرب على أشجار الطــــرب


عزوا بديوي وراشد وتركي والشريف
ـــــــــــــــ والسديري وكل شاعر من الجزله شــــرب


وجسدوا دور البطوله في مضمون السخيف
ــــــــــــــــ واسدلوا ستار النهايه في تمثـــيل الأدب



وسلامتكم ــــــــــــــــــــــــــــــــــــــــــــــــــــ

ناصر البراق نصره الله و برقت أنوار عزه للأبد,



لله درك ولا فض فوك, لقد باشرت بنصك هذا قضية طالما اارقت منامي ومنام كل غيور على ادبنا الذي استحلت حرمته و اهينت كرامته.


ابتهل الى الله في الدعاء ان يواليك المكافأة والجزاء ويحفظك ويبقيك ملحوظاً بعين عنايته. ودمت




ضمير الشعر,
سفير المعاني

.(ناصر البراق)

الاخ العزيز صح لسانك على القصيدة الجميله الغيووووره على الادب الشعري....
دام جيش الحرف منهك وشكله مايخيف
ـــــــــــــــــ من يلوم القاف قلي إذا قص الــشنب
الله على هالبيت وفعلا كلامك في محله.؟؟
والأصح من هذا النهايه الجميله
-----------------

عزوا بديوي وراشد وتركي والشريف
ـــــــــــــــ والسديري وكل شاعر من الجزله شــــرب


وجسدوا دور البطوله في مضمون السخيف
ــــــــــــــــ واسدلوا ستار النهايه في تمثـــيل الأدب

صح لسانك ألف لكن اقولك تفائلو بالخير تجدووووه
ولك كل تقدير وأحترامي
أخوك:صافي النيه

ناصر البراق


صح السانك ولاهنت يا أخي

ياسلام عليك ياناصر


جزل ولايجي منك الا الجزل




قصيده تتحدث بلسان الواقع






اتمنى ان تعيد النظر في بيتك الاخير بشطريه الاول والثاني

تحياتي لك

الأخ العزيز سفير المعاني :


الله يجزاك خير والله كلامك أسعدني فوق ماتتصور


أشكرك جزيل الشكر على دعائك الطيب وأتمنى إن الله يتقبل منك ومني كل عمل صالح وكل قول يبتغى به وجه الله ....


شكراااااا من القلب

لله درك ودر الشعر اللي جابك للمنتدى ياناصر البراق الجزل ماله الا راعي الجزل ناصر البراق .....وين كان هذا النص ؟؟؟؟؟؟؟؟؟؟

اعذرني ياشعر المراجل عذري اني ربما كنت فاسخ النظاره!!!!!


لكن يبقى ناصر البراق .......قامه ...عاليه.


تحياتي

اخوك الصغير/عبدالله بن فلاح الهاجري

الأخ صافي النيه


صح بدنك وحياك الله يالغالي وسعيد في وجودك في هذه الصفحه



كلامك صحيح التفاؤل مطلوب وأنا قلت في البدايه إني أشوف هناك صحوه جديده في الشعر وهالقصيده تتكلم عن فئه معينه .............................

مرحبابك مليون ,,,,,,,,,,,,,,,,,,,

الاخ الشاعر ناصر البراق

لله درك على هذا الابداع وصح السانك

وشكرا جزيلا على هذه الكلمات

دام جيش الحرف منهك وشكله مايخيف
ـــــــــــــــــ من يلوم القاف قلي إذا قص الــشنب


من يلومه لاتغطى عن الحفل الكثيف
ـــــــــــــــــ دام يمناهم حجاره وهم حقد وغـــضب


والعجوز اللي تهقوت على العود الكفيف
ـــــــــــــــــ لاسندها في مرضها ولا فك النشـــــب


حالها حال المشاعر تبي فزعه وسيف
ــــــــــــــــ ينتشلها عن بعضهم من أشباه الــــعرب


مالقت فالبيد فارس على ضهر العسيف
ــــــــــــــــ يرتكي لأوجاع عذراء قريب(ن) تغـــتـصب


وتقبل تحياتي
اخوك سعيد المري

أخوي محمد بن هضيبان


صح بدنك ولاأنت يامحمد.......... وحياك الله

الأخ / زايد الرويس ,,,,,,,,,,,,

صح بدنك وأشكرك على الزياره وأنا من دخلت النداوي وانا عايد النظر فالبيتين اللي قلتهم..............

الاخ ناصر البراق


صح اللسانك والله انك صادق بكل ماتقوله


وقصيده طيبه من واحد طيب



اخوك ماجد الزعبي

الشاعر الأخ / الواثق


صح بدنك وأنا عاجز والله عن الرد عليك لأن مابعد الكلام اللي قلته كلام........ سعيد بزيارتك وتشجيعك الدائم لي لا خلا ولاعدم.....................

اخوي ناصر

بالفعل قصيده تعبر عن

مدى صدق الشعور

كلمات تحمل القوه والجزاله

بين ردهاتها

خذني في صفك ياناصر

صح لسانك ولاهنت

أخوك فواز

الاخ ناصر البراق


صحححححححححححححح السانك


الله لايهينك يالقرم