الا ليت الزمن يرجع فرحنا في زمان فات

[poem=font="Simplified Arabic,6,#F2F24D,bold,normal" bkcolor="#0A0A05" bkimage="" border="double,4,#FF2600" type=2 line=0 align=center use=ex num="0,#400000"]

الا لـيـت القـدر يحـيـي فرحـنـا فـي زمانٍ فـات=او ان حـظوظنا تـمـنـع عـواصيف الجـفـى الـعاتي
واشوف طـيورنا تكفخ وتجـدع عـندنا الجزلات=واذوق الربـح كـثر الـلـي خـسرتـه عـشـر مراتي
وليت الوقت يسقيني من اوقات الفرح كاسات=ولو مره تزيـل الـيـاس الاقـشـر عـقب هفواتي
وليت الـقـلـب مايـسـري بلـيـله يـطـرد الخـفرات=ويـاخـذ درس يـوم انـي خـسرت بكـل غــزواتي
وبفهم صدق من سمى الـعذارى بالعرب ستات=مدام انــه تـســوي فـيــك ستــات(ن)وخـمـساتي
ولكـن الامانــي والامل لاهـل الـنـجـاح افـــآت=مـثـل قـولك لرجـلٍ مات لـيـت فـلان ما ماتـي
ولا تـرجــع عـيـون اللــي شـمـالي فـيـضة التـنهات=لـمـا يـبـرى الـنـصـيـب الـلـي يـعـاني سبع عاهاتي
ومدامه طاح في وقـت الشباب وفـتـرة اللـذات=وش المكسب اليا من قـام عـقـب ظـهور شيباتي
وراع الشيب عـنـد الـريـم مالـه بالـهوى خانات=وانـا مالـي هـوى بالـلـي يجـيـنـي لاجــل شـيـكاتي
واخاف الوقت يـفعل مافعل خـالد مع السادات=ولو حـطـيــت درع الـقـصف فــي داخـل بجـاماتي
ولو دار الزمن عادت طبول الحرب مع ذروات=ولا شـفـنـا العرب تقـتل على موجـة عرب ساتي
ولا شـفـنـا فـرنـسا تـنـهـزم فـي ملـعـب الكروات=وعاشت تحـت حكـم الروس له صـوله وجولاتي
ومن زود الـغــثـى دلا يـشــن الحــرب والـغــارات=واشوف الـقـصـف والـنـيـران فـي صالة مـطـاراتي
وكل الـنــاس شـافـتـــهـا تدمرني عـلى الشاشات=ولا احدن خـاف بالـعـربـان من رب السـمـاواتي
واثاري ربـعـنـا الـدانـيــن تـبـرم بـالخـفـى صفـقـات=بلا تـفــريــق حتى الـلــي عـلـمـهـا ســت نـجــمـاتي
رجيت الصدق واريام الـعـذارى تخـفـي الحـاجات=واثـاري صـيــد جـيـل اليوم ماهـو مـثــل صيداتي
مضى عمري وانا بالدرب كـنـي مامعاي اثبات=اهـوم الـصـيـــد وتجـــنـب طـريـق الـقــول شـوتــاتي
وانــا مـافــات لـي ياشيـــخ لا خــزيـــه ولا ثـارات=سوى انـي مارضيت اثـني بدرب الـهــون هاماتي
لأن الـهـون يـظـهـر لـه عـلـى راع الردى بصمـات=وانـا مـااريــــد بـصـمـات الـتــزلــف فــي روايــــاتــي
لان الـكــذب راس الـظـــلــم بالانجـيــل والـتـورات=ورب الـعـرش يـفــرج لــي عـنـاي وزود شـداتـي
كـفل رزق اليتيـم اللي طـلــع وامـه وابـوه اموات=ومـثـلـه مايـذوق من الـخــــلايـق حـافـر الـشـاتـي
لك الـلـه لو دروب الرزق للي يكـتـب الشيكات=الا يـاكـثــر مـن يـسهـر بـلـيـل شـبــــاط مـا بـاتـي
وبـعــض الـنـاس طيبه مايـطـول الخــال والخـالات=وكــانــه طـــاب مايـصــمـل بـطـيــبـــه كـل الاوقـاتي
لأن الـقــلـب مجـبـولٍ عـلـى المكسب وحـب الذات=وفـي طـول الامـل بـالـعـيـش كــن المـوت ما ياتي
سوى الـلـي مـثـلـكم ياشيخ لـه نـظره وله شوفات=وطـيـبــك قـبـــــل هـــذا زال يـالـــوافـــي مـعـــانـاتي
ولا لـي بالـطــبــايــع عـن طــبـوع اجـيـــالـنــا مـيـزات=سوى انــي ماخـذلـت اللي رجـى بالضـيق وقـفـاتي
ولاغـثـيـت جـيـــرانــي مـغــثـــة راعـــي الـكـــوبـــات=وعـيـنــي ماســرى شـــوفــه ورى غــرات جـاراتي
ولا صديـت عـن رجـلٍ نخـانـي يـشـكـي الـلـوعات=حـســب قــدرة يـمـيـنــي بــاذل حـيـلــي وحــيـــلاتـي
ونـوبٍ تفـضــي الـيـمـنى ولا نـقـوى عـلـى الـقـالات=ولـكــن ماعـطـيـت الـعـذر لـلــي وسـط مـخــــبـــاتي[/poem]

حجززززززززززززززز فاخر

هلا بالمبدع اللي صاغ من جزل القصيد ابيات
هلابه قالها قلبي قبل لا أكتب له أبياتي

أنا أفرح بالقصيد اللي يحاكي واقعي بالذات
فشكراً له من أعماقي وله مني تحياتي


أخي الكريم لا أملك إلا الشكر لهذه القصيدة الفارهه
فشكراً لك من الأعماق


تقبل تحيات أخوك الصغيرغريب
أبو الولايــــــــــف

[align=center]

[poem=font="Simplified Arabic,6,#F2F24D,bold,normal" bkcolor="#0A0A05" bkimage="" border="double,4,#FF2600" type=2 line=0 align=center use=ex num="0,#400000"]
ولا لـي بالـطــبــايــع عـن طــبـوع اجـيـــالـنــا مـيـزات=سوى انــي ماخـذلـت اللي رجـى بالضـيق وقـفـاتي
ولاغـثـيـت جـيـــرانــي مـغــثـــة راعـــي الـكـــوبـــات=وعـيـنــي ماســرى شـــوفــه ورى غــرات جـاراتي
ولا صديـت عـن رجـلٍ نخـانـي يـشـكـي الـلـوعات=حـســب قــدرة يـمـيـنــي بــاذل حـيـلــي وحــيـــلاتـي
ونـوبٍ تفـضــي الـيـمـنى ولا نـقـوى عـلـى الـقـالات=ولـكــن ماعـطـيـت الـعـذر لـلــي وسـط مـخــــبـــاتي[/poem]

لاوالله الا هذي الميزات الفارقه يافواز
اللي تفرق الرياجيل من بعضهم
وعزالله مبداك ذرب وقصيدتك مبروزة بالجزالة الكاملة الدسم
ومن القصائد التي تنومس متصفح النداوي معنى ومبنا
لاعجمت ولاهفيت يالكفو[/align]

فواز صح السانك

جزل ولا تاتي الا به

:


كل التقدير

ولا لي بالطبايع عن طبوع اجيالنـا ميـزات
سوى اني ماخذلت اللي رجى بالضيق وقفاتي
ولاغثيت جيرانـي مغثـة راعـي الكوبـات
وعيني ماسرى شوفه ورى غرات جاراتـي
ولا صديت عن رجلٍ نخاني يشكي اللوعـات
حسب قدرة يميني بـاذل حيلـي وحيلاتـي



الغالي فواز


مهما قلت يبقى الكلام قاصرٍ عن ماتستحقه أنت وماتستحقه نصوصك سابقاً وهذا النص
ولكن ثق تمام الثقه أننا ننتظر كل جديد لفواز لجزالته وتفرده .


للــه درك ودر حضورك الباهي

هيض رائع

فواز

صح لسانك الذي ترجم نظمها ..

وسلم بنانك الذي دونها

إحترامي وتقديري
دمت

هلا بالمبدع اللي صاغ من جزل القصيد ابيات
هلابه قالها قلبي قبل لا أكتب له أبياتي

أنا أفرح بالقصيد اللي يحاكي واقعي بالذات
فشكراً له من أعماقي وله مني تحياتي


أخي الكريم لا أملك إلا الشكر لهذه القصيدة الفارهه
فشكراً لك من الأعماق


تقبل تحيات أخوك الصغيرغريب
أبو الولايــــــــــف

[align=center] تسلم اخوي على حروفك النبيله

وماتحتويه من مشاعر صادقه وحروف خلوقه بشكل رائع

تسلم روحك يالعزوه00[/align]