يامن يعلّم في اليمن شلّة زيود

[poem=font="Simplified Arabic,5,#FF1F00,bold,normal" bkcolor="" bkimage="images/toolbox/backgrounds/8.gif" border="none,4,#400000" type=0 line=1 align=center use=ex num="0,#400000"]
يالله يا من سبّحت باسمك قويّات الرعود = لامن تفتّق بالمزون الطيّبه سحابها
غث مملكتنا يا مغيت من الحدود الى الحدود = حتى يعمّ النبت الاخضر حزمها وترابها
دار السلام وموطن الدعوه عرين آل السعود = اللي حموها من سباعٍ كشّرت بانيابها
يوم العرب ما بينها الاّ حربةٍ في راس عود = امّا كليت ذيابها والاّ كلتك ذيابها
قامت تصيح وتنتخي برجالها مثل العنود = الحرّه اللي من قهرها طوّحت بحجابها
وجاها معزّي والخلايق عن شكاويها هجود = بالسيف والبارود داوا همّها اللي صابها
سطّر على التاريخ قصّة شيخ نادر في الوجود = القمّه اللي عجّزت جيش الدول عدّا بها
ثبّت دعايمها وبدّل خوفها سهود ومهود = والتمّ شعوبها حضرانها واعرابها
طوّع سباعٍ ما تلزّمها قويّات القيود = كانت تغير وما يعشّيها سوى مخلابها
صحيح ما يكسر قويّات الحيود الاّ الحيود = خلاّ هل الغاره تردّ سلالها لجرابها
وخلّف رجالٍ تعتني بشعوبها وعنها تذود = يامن بها الحدّ الموالي والعدو يهابها
فهد وخالد قبلهم فيصل ومن قبله سعود = طيب العيال من الفحل والنار من شبّابها
مثل الجبال الشامخه ما هزها غلّ الحقود = يا كم زعيمٍ من سلاطين الدول وزابها
عدّو لها جيشٍ وخلّو الأمن بارجاها يسود = لين الحضاره في وطنّا نوّخت بركابها
وصار الفقير يسوم وسط السوق ويعدّ النقود = عاش برخا وتوفرت لاكرم حياة اسبابها
الله يسكّن قادة الإسلام بجنان الخلود = ويرحمك يا ذاك الزعيم النادر اللي جابها
واليوم ابو متعب نهض للخيمه الخضرا عمود = حوله خوانه درعه الضافي وخير اطنابها
شهمٍ حكيمٍ صادقٍ متواضعٍ ذربٍ ودود = صامل صليبٍ ساطيٍ شجاعته يحكابها
من حبّه لشعبه تناظر دمعته فوق الخدود = لا شاف عينٍ تشتكي من جور همٍّ صابها
حرّك سيور الاقتصاد وغيرنا يشكي الركود = واكبر وكالات الصناعه قام باستقطابها
كم أزمةٍ بسياسته من حبلها فكّ العقود = وكم فتنةٍ بين الدول بادر بفك انشابها
صقر العروبه ناصر المظلوم جعله في الوجود = عون امّة الإسلام واصدق من عطته القابها
وسلطان عن يمناه عضدٍ ما تجاريه العضود =أبا العطايا مدّته ماهو يحسب حسابها
صقر الدفاع وحامي البيرق زعيمٍ للفهود = اللي ليا صوّت عليها زلزلت حرّابها
والنايب الثاني سهير العين يوم انّا رقود = نايف ومن نايف فنا روس الفتن واذنابها
دون النفوس ومالها واعراضها سيفٍ جرود = تام نبه الدوله ومن جاها ومن يحيا بها
ذولا آل اخو نور هل العوجا عما عين الحسود = الهيبه اللي بين مختلف الدول عشنا بها
غير البلا يا من يفهّم في اليمن شلّة زيود = تناطح جبال السراة وتومي بمشعابها
جتنا تفلّ اشنابها متسلله صوب الحدود = وجاها من الجيش السعودي من يحلق اشنابها
حذّف جثثها في جبل دخان وجبال المدود = غدا عشا لجعيره اللي بالجبل وذيابها
أخطيت يالحوثي ونفسك صابها كبرٍ وزود = والزود لا من صاب نفسٍ عجّل بذهابها
على الأشقا في اليمن ترمح مثل رمح القعود = هبدت لين الهبد جابك للحدود وبابها
ولفاك يا قعيّد فحولٍ من على الزايد تزود = في شرعها من قدّم فعول الردى يجزا بها
تطابق بروسٍ تبرّك كلّ رمّاحٍ هبود = لحيك على الرمله وفوق اذنك يسيل رضابها
غرّك نجاد بنجدته حتى رما بك للأسود = و نجدة نجادٍ لا بدا الجدّ اخذلت طلابها
عرب رضت بالفرس عرّابه وساداتٍ تقود = تخسا عروبتها مدام الفارسي عرّابها
حنّا العرب حنّا هل التوحيد حنّا اهل الصمود = حنّا نصرنا دعوة محمد وحنّا اصحابها
حنّا لبو بكر وعمر أحفاد ونعمٍ بالجدود = حنّا نسل عثمان و ابنا عايشه وحجابها
حنّا لعلي ذريّةٍ ولسيرته مثل السدود = نمنع سيول الزيف والتزوير من كذّابها
حنّا الحسن جامع شتات الشمل من عقب الصدود = زعامة الدنيا لتوحيد امّته ضحّا بها
حنّا الحسين اللي تباكيتو ولطّمتو الخدود = على وفاته وغدركم يالخاينين اسبابها
حنّا عرب والغدر في سلم العرب ماله وجود = قومٍ تصون عهودها لو صابها ما صابها
حنّا عرب عالفرس و الروم و حبشها والهنود = زدنا بنبيٍ من لغتنا سنّته وكتابها
حنّا عرب منّا الصحابه منهلٍ عذب الورود = للشرع و احكامه تقول نجوم نتقدّا بها
حنّا عرب امّه لكلّ ابلج ومغوارٍ ولود = ان مات فيها قايدٍ حلّ لسواه انجابها
حنّا خليجيين تربطنا الدما قبل العهود = شجرة وفا ننعم بفيّتها و نتلوّا بها
حنّا خليجيين تلفي خيلنا عند الوعود = مسرّجاتٍ للقا والخيل من ركّابها
حنّا خليجيين يوم اجسادكم عظم وجلود = شعوب تتغدّا بمدّتنا و تتعشّا بها
حنّا سعوديين للكعبه و للروضه جنود = عوقٍ لمن يبدع بها عونٍ لمن صلاّ بها
حنّا سعوديين تلقانا ببيت الله سجود = اليا صدح فوق المآذن صوت من نادا بها
حنّا سعوديين ما فينا جبان ولا شرود = نطمر بغبّات المعارك ما نحسب حسابها
حنّا سعوديين وقت السلم معشرنا ودود= و يا قشرنا لو تحكم العالم شريعة غابها
أشّر يبو متعب لشعبك والله ان ترقى سنود = تقبل لك افواج الشباب يقودها شيّابها
أي والله أشّر وابشر بزحف الفيالق و الحشود = تفرش لك صدور الرضا وتظللك باهدابها
قبايلٍ في الحرب ما يحتاج ماضيها شهود = هول المنايا ساقته بسيوفها وحرابها
جحيم دون امن الوطن يرمى العدا فيها وقود = ما جاملت في ذا المجال احبابها واصحابها
تحت امركم أطوع من الأولاد وفي الطاعه نزود = ولكم وفانا ميزةٍ منذ الصغر ننشا بها
ننزل على قوم الفتن صيحه مثل صيحة ثمود = ويلٍ على حضّارها به تتعض غيّابها
نكسّر انياب العدا وتسمّل عيون الجحود = اللي تناسا فضل دوله ظلّته بحجابها
حليفكم نصبح على كبده مثل عذب العدود = اللي قراحٍ ذوقها ينسي ضما شرّابها
وحريبكم يلقا بنا جمرٍ تفوح به الكبود = اليا كويناها رهينا في مدى مشهابها
جيوش ما والت سوى المعبود ثم آل السعود = ولا تزعزع عن ولاها لو تطيح ارقابها[/poem]

شاعر المطولات

صح لسانك وبيض الله وجهك

خوي المطاليق صدق من سماك



بيض الله وجهك


وصح السانك


تحياتي لك























حنّـا سعودييـن للكعبـه و للروضـه جـنـودعوقٍ لمن يبدع بها عـونٍ لمـن صـلاّ بهـا
حنّـا سعودييـن تلقانـا ببيـت الله سـجـوداليا صدح فوق المآذن صوت مـن نـادا بهـا
حنّـا سعودييـن مـا فينـا جبـان ولا شـرودنطمر بغبّـات المعـارك مـا نحسـب حسابهـا
حنّـا سعودييـن وقـت السلـم معشرنـا ودودو يا قشرنا لو تحكـم العالـم شريعـة غابهـا
أشّر يبو متعب لشعبـك والله ان ترقـى سنـودتقبـل لـك افـواج الشبـاب يقودهـا شيّابهـا
أي والله أشّر وابشر بزحف الفيالق و الحشـودتفرش لك صـدور الرضـا وتظللـك باهدابهـا
قبايلٍ في الحرب مـا يحتـاج ماضيهـا شهـودهـول المنايـا ساقتـه بسيوفهـا وحرابـهـا

حليفكم نصبح على كبـده مثـل عـذب العـدود
اللـي قـراحٍ ذوقهـا ينسـي ضمـا شرّابهـا
وحريبكم يلقا بنـا جمـرٍ تفـوح بـه الكبـود
اليـا كويناهـا رهينـا فـي مـدى مشهابهـا


:


:

خوي المطاليق
صح الله السانك ابدعت يامبدع
نفتة روح الوطنيه المبتغاه فيها وتشمخت


:


لاهنت

كل التقدير

أرحب أرحب ياخوي المطاليق



بيض الله وجهك ياكحيلان

ملحمه شعريه فاخره



لاهنت

حليفكم نصبح على كبـده مثـل عـذب العـدوداللـي قـراحٍ ذوقهـا ينسـي ضمـا شرّابهـا
وحريبكم يلقا بنـا جمـرٍ تفـوح بـه الكبـوداليـا كويناهـا رهينـا فـي مـدى مشهابهـا
جيوش ما والت سوى المعبود ثـم آل السعـودولا تزعزع عـن ولاهـا لـو تطيـح ارقابهـا


اررررررررررررررررحب يابوعبدالله



وصح لسانك ملاييييييييييييييين




مبدع في جميع الاحوال



لك تقديري

حنّا العرب حنّا هل التوحيد حنّا اهـل الصمـود
حنّا نصرنـا دعـوة محمـد وحنّـا اصحابهـا
حنّا لبو بكـر وعمـر أحفـاد ونعـمٍ بالجـدود
حنّا نسـل عثمـان و ابنـا عايشـه وحجابهـا
حنّـا لعلـي ذريّـةٍ ولسيرتـه مثـل السـدود
نمنع سيـول الزيـف والتزويـر مـن كذّابهـا
حنّا الحسن جامع شتات الشمل من عقب الصدود
زعامـة الدنيـا لتوحيـد امّتـه ضحّـا بـهـا
حنّا الحسين اللـي تباكيتـو ولطّمتـو الخـدود
علـى وفاتـه وغدركـم يالخاينيـن اسبابـهـا



بارك الله فيك وصح لسانك


شاعر ذكي جداً على درجة عالية من الفهم لما يدور في الحدود ..


تقديري ومتابعتي ..


:


:

ابو عبد الله


صح الله لسانك

شاعر جزل بالحيل يا طيب الفال


تقبل تحياتي

اخوك

ابو نايف

سعود الدهيمي

صح بدنك ولا هنت

الله الله الله الله


يا كحيلاااااااااااااااااااان


لله درك على المعلقه الشافيه الكافيه


اشهد بالله يابو عبدالله اني رووووووووويت شعر



لله درت


افضل ما قيل في المناسبه بدون مجامله

نص قوي ومتين

مدخل رائع وتسلسل جميل حتى الدخول في صلب الموضوع كان بحرفنة شاعر
وانت في غنى عن شهادي واشادتي


لك تحيتي وتقديري
وصح الله لسانك يالجزل

اخوك