وأبلّ الريق من ريقه .. بعد مانشـّف أرياقي ..!!

[align=center]
[align=center]
أعزائي ..

السلام عليكم ورحمة الله وبركاته ..


تحيه طيبه للجميع وبعد :

أضع بين يديكم ، ما أتمنـّـاه يرضيكم ..

مع سابق الشكر والتقدير ..

..



[poem=font="traditional arabic,6,purple,bold,normal" bkcolor="transparent" bkimage="http://www.khozamanajd.com/vb/images/toolbox/backgrounds/19.gif" border="double,4,purple" type=2 line=1 align=center use=ex num="0,black"]
بصدري : حلّت الضيقه ، وقلبي : حلّ تعليقه = من اللي تلـّت أشواقي ، قبل لا تنهب أعماقي
خلقها الله بلوى ، وابتلى فيها : مخاليقه = خصوصاً : من بلاه الله في روحات الاسواقِ
رمت بي في بحرها العذب ، وهزتني تصافيقه = سبتني في هواها الطلق ، ولاهي تنوي إطلاقي
هنوفٍ ، وأرهقت قلبي وعقلي ، كلّ ترهيـقه = تهزّع بي ، وأنا أهزع ، وأقلقتني وأتعبت ساقي
وكنّ القلـب ، لامـرّت .. تتلّه من معاليقه = وخطرٍ ، لاانتبهت لجيدها .. تستلحق البـاقي
ألا يامفرج الضيقه ، ومن نطلب توافيقه = ألا يامبقي الباقي ، وألا يامسقي الساقي
توفقني مع اللي قام يسرف في معاشيقه = مع اللي بدّد أشواقي ، وعـَـكـَّر صافي أذواقي
أبي يـُبلى بتطويقي ، وأنا أُبلى بتطويقه = وتجمعنا ، على معنى ، أو بلا معنى وميثاقِ
بوسـّدْه الصدر .. وأرمي .. وراي الهم والضيقه = وأبلّ الريق من ريقه .. بعد مانشـّف أرياقي
وأبي يوعِـد بتصديقي ، وأنا أوعد بتصديقه = وبفتح قلبي لقلبه ، وبكشف باقي أوراقي
وأحقق كل حلمٍ ، كان يشوفه صعب تحقيقه = وألبـّي كلّ رغبـاته ، بعد ما زانت أخـلاقي [/poem]


...


وسلامتكم جميعاً ..


تحيآتي ..[/align]
[/align]

وكنّ القلب ، لامرّت .. تتلّه مـن معاليقـه
وخطرٍ ، لاانتبهت لجيدها .. تستلحق الباقـي


وصوف لحاله الله المستعان


عبدالله رزقان

صح السانك

::

تقبل مروري

عبدالله

صح السانك ولاهنت

قصيده رائعه من رائع

لك تحياتي

ارررررررررررحب ياعبدالله




وصح لسانك وعلاشانك



رائعه من مبدع ومتمكن



لك تقديري

وكنّ القلب ، لامرّت .. تتلّه مـن معاليقـه
وخطرٍ ، لاانتبهت لجيدها .. تستلحق الباقـي

ياسلام عليك ياعبدالله ابدعت وصح لسانك

صح لسانك ملايين واعتلاا شانك
لاهنت على هذه الرائعه

وكنّ القلب ، لامرّت .. تتلّه مـن معاليقـه
وخطرٍ ، لاانتبهت لجيدها .. تستلحق الباقـي


وصوف لحاله الله المستعان


عبدالله رزقان

صح السانك

::

تقبل مروري

هلابك والله أخوي عبدالهادي ..

صح بدنك ..

وشكراً لحضورك الرآقي ..

تحيآتي ..