Tweet
اليكم هذة المتواضعة
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الزيـــن والله يا علي هـدت الطير=بارضٍ خلا باطراف هاك الحزومي
اليـــا نشت غر المزون المبــــاكير=وقامت تراكــم في سمانــا الغيومي
وتكــاشفن واول مطرهـن شخاتير=واحين هشيم القاع عقب السمومي
وبــــان الخضـار وفتًحن النواوير=وزانت علوم اللي يبـــون العلومي
ماعـــاد فيها يالنشامــــا معاذير=ولاعـــاد فيهــا كشخةٍ بالهدومي
وتجمعوا ربـــعٍ حشــــــامٍ مناعير=سمحين صلفينٍ ســلايــــل قرومي
شرواك يا شوق البني الغنــــادير=ربــعٍ يعرفــــون السنع والسلومي
وقمنـا نتشاور ويــن نبغـا المشاوير=والكــل منــــا غـــــاليٍ ومحشومي
قالوا نبـــا خـــدٍ جنوبٍ من الديــر=ارضٍ تنسينـــا جميــــع الهمومي
وشلنــا الغراض ولا بقـا أي تقصير=وزدنا من اللي بالـخـلا له لزومي
وعقبــــه مشينــا ياعلي جزة عصير=متـفـاهمين وعــــارفين اليمـــومي
من فوق جمسٍ ما شرينـــــاه تقزير=جديد ما حــافوه نــــــاسٍ تسومي
ولا شيف عنـــد ملحمين الدنــاقير=كنـــه اليــــا منه مشى فيه زومي
سواقـــــه اللي عارفن وجهة السير=ممشـاه ليــــل ويهتدي بالنجومي
يوميـــــن والثـــالث مع الله بتيسير=تزمي لنــا غير الروابـــي رجومي
من دونهن قــــــــاعٍ غـرام الصقاقير=يســــلا به اللي ضــايقٍ ومهمومي
خـدٍ فيــــاح ولا وطـــــــوه الدواوير=جوٍ خــــلا فيه الزماليـــــق تومي
نفحة نسيمه لــــه على الروح تأثير=وعشبـــــه يجيله خنة ٍبالخشومي
وسويـــــت فنجــــــالٍ بفـنٍ وتقدير=اشقــــر وريحــة زعفرانــه تعومي
يبعــــد هموم اللي طوتــــه التفاكير=وسوالفٍ مـــــا سولفوهـا الرخومي
والصبــح قبـــل يغردن العصـــــافير=عقب الصـــــلاة مجهزيـن الولومي
وقمنــا نحوس القــــاع مرات وندير=بعض الشقايــــــا والشجر والثلومي
وطــارن ثـــــلاث مقفيــــاتٍ مدابير=على بــراد الصبح مافيــــــه حومي
وكشفت عن عـــوق الحباري المعاشير=وتــل السبــــوق وراح عجـل جزومي
ظــــافي الشليل مصخر الخرب تصخير=شره على المقفي قــوي العـــــزومي
وقــــــام يترقــا لـــه عليهن تدابير=وعينــــــــه عليهن ماطراله يحومي
وتصفقن حدره وجنـِــــك محاديــــــر=ونجًم وجاهـــن غايـــرٍ مايشـــومي
وغــــدا لريش اللي ضربها تنـــــاثير=وجينــــا نبا اللي غيرها مـا تقومي
لاذي بمخلابـــه وذولي مخـــــــــامير=واللي بقا قمنــــا عليـهن نحـــومي
لحظـــات كيــفٍ تنشرى بالدنــــــانير=ومن لامني بالكيـــــف خـله يلومي
هــــذا هــــــوى نفسي ولا فيــه تفكير=والدايـــم الـلــه والبشر ما تـــدومي[/poem]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الزيـــن والله يا علي هـدت الطير=بارضٍ خلا باطراف هاك الحزومي
اليـــا نشت غر المزون المبــــاكير=وقامت تراكــم في سمانــا الغيومي
وتكــاشفن واول مطرهـن شخاتير=واحين هشيم القاع عقب السمومي
وبــــان الخضـار وفتًحن النواوير=وزانت علوم اللي يبـــون العلومي
ماعـــاد فيها يالنشامــــا معاذير=ولاعـــاد فيهــا كشخةٍ بالهدومي
وتجمعوا ربـــعٍ حشــــــامٍ مناعير=سمحين صلفينٍ ســلايــــل قرومي
شرواك يا شوق البني الغنــــادير=ربــعٍ يعرفــــون السنع والسلومي
وقمنـا نتشاور ويــن نبغـا المشاوير=والكــل منــــا غـــــاليٍ ومحشومي
قالوا نبـــا خـــدٍ جنوبٍ من الديــر=ارضٍ تنسينـــا جميــــع الهمومي
وشلنــا الغراض ولا بقـا أي تقصير=وزدنا من اللي بالـخـلا له لزومي
وعقبــــه مشينــا ياعلي جزة عصير=متـفـاهمين وعــــارفين اليمـــومي
من فوق جمسٍ ما شرينـــــاه تقزير=جديد ما حــافوه نــــــاسٍ تسومي
ولا شيف عنـــد ملحمين الدنــاقير=كنـــه اليــــا منه مشى فيه زومي
سواقـــــه اللي عارفن وجهة السير=ممشـاه ليــــل ويهتدي بالنجومي
يوميـــــن والثـــالث مع الله بتيسير=تزمي لنــا غير الروابـــي رجومي
من دونهن قــــــــاعٍ غـرام الصقاقير=يســــلا به اللي ضــايقٍ ومهمومي
خـدٍ فيــــاح ولا وطـــــــوه الدواوير=جوٍ خــــلا فيه الزماليـــــق تومي
نفحة نسيمه لــــه على الروح تأثير=وعشبـــــه يجيله خنة ٍبالخشومي
وسويـــــت فنجــــــالٍ بفـنٍ وتقدير=اشقــــر وريحــة زعفرانــه تعومي
يبعــــد هموم اللي طوتــــه التفاكير=وسوالفٍ مـــــا سولفوهـا الرخومي
والصبــح قبـــل يغردن العصـــــافير=عقب الصـــــلاة مجهزيـن الولومي
وقمنــا نحوس القــــاع مرات وندير=بعض الشقايــــــا والشجر والثلومي
وطــارن ثـــــلاث مقفيــــاتٍ مدابير=على بــراد الصبح مافيــــــه حومي
وكشفت عن عـــوق الحباري المعاشير=وتــل السبــــوق وراح عجـل جزومي
ظــــافي الشليل مصخر الخرب تصخير=شره على المقفي قــوي العـــــزومي
وقــــــام يترقــا لـــه عليهن تدابير=وعينــــــــه عليهن ماطراله يحومي
وتصفقن حدره وجنـِــــك محاديــــــر=ونجًم وجاهـــن غايـــرٍ مايشـــومي
وغــــدا لريش اللي ضربها تنـــــاثير=وجينــــا نبا اللي غيرها مـا تقومي
لاذي بمخلابـــه وذولي مخـــــــــامير=واللي بقا قمنــــا عليـهن نحـــومي
لحظـــات كيــفٍ تنشرى بالدنــــــانير=ومن لامني بالكيـــــف خـله يلومي
هــــذا هــــــوى نفسي ولا فيــه تفكير=والدايـــم الـلــه والبشر ما تـــدومي[/poem]
[/align]
تعليق