الجوف في قلبي ... لو تشح الجوف باحساسها !!

[poem=font="Simplified Arabic,6,#0005FF,bold,normal" bkcolor="" bkimage="" border="double,6,#FF6C00" type=2 line=0 align=center use=ex num="0,#400000"]
سلام يانقرةٍ فيها الكرم سيفٍ ولاله جفير = من شاعرٍ عاش في حضنك ليال الحزن واوناسها
يالجوف ردّي سلام مدبلٍ لك من ولدْك الصغير = على هداد الحرار اللي يعزّك طيب مقباسها
ياديرةٍ عانقت كف السحابه وامطرت كل خير = منذ الازل والعرب تدري بها وتدري في ساسها
من راس مارد الى قارا وزعْبَل لين تاصل صوير =ربعٍ عزيزة رفيعت مستوى ياصعب ميراسها
اهل الصطر والبطر واهل النظر حمّاية المستجير = فيها الكرم شيمةٍ والناس جوعا مختلف باسها
الديره اللي هواها مثل فوّاحة بنكهة عبير = والعود والهيل والكادي نشمّه بين انفاسها
عرين شبه الجزيره لابغى العايل عليها يسير = حنا اهلها وحنا ارجالها لي دقت اجراسها
نقدم على الموت والموت الحمر لو كان واقف خفير = حنا لها لاتكدر بالها واحترّ نسناسها
غلاك يسري في دمي مثل مسرى العاقل المستخير = عشقٍ معتّق وصافي واشربه كل يوم من كاسها
ماتوب عنّك ولالي عنْك ملهى ياهواي الكبير = شرواك ياديرتي وشلون بالله ينحني راسها ؟
عذروبك البخت الاقشر من قديم الوقت نفس المصير = وتبقى عزيزه على كل الوطن لو تعلن افلاسها !
الطيب فيها عجيبٍ وانشدوا عبدالاله الامير ! = واللي حصل له على مدخل جنوب سكاكا واطعاسها !
وعندي دليلٍ على طيبك يعرّفه كل طفلٍ غرير = الضيف لامن حضنتي جيّته يحسب على ناسها !
قد قيل ان الهوى ( الاول ) .. معك يبقى .. ( هواك الاخير ) = وانا مع الجوف قلبي لو تشح الجوف باحساسها ![/poem]

مهند


صح السانك ولاهنت

قصيده طيبه من راس طيب


لك تحياتي

مهند


صح لساانك


نص جميل وبحر اجمل


مودتي لك .

وعندي دليلٍ على طيبك يعرّفه كل طفلٍ غرير = الضيف لامن حضنتي جيّته يحسب على ناسها !
قد قيل ان الهوى ( الاول ) .. معك يبقى .. ( هواك الاخير ) = وانا مع الجوف قلبي لو تشح الجوف باحساسها !


مهند

كل عام وانت بخير

شاعر متمكن وحضورك يبهج الجميع


تقبل تحيتي


مشهوووور...

قد قيل ان الهوى ( الاول ) .. معك يبقى .. ( هواك الاخير )
وانا مع الجوف قلبـي لـو تشـح الجـوف باحساسهـا



ارررررررررررررحب يامهند



وصح لسانك يالقرم



ويستاهل الجوف واهل الجوف ولايهون الحاضر



لك تقديري