خـــــــــــــرافــــــــه

عســــــــى ربـــــــــي علـــــى تــالي ليـــالك (يالخوي) يعين
جنــــــــايز والجنـــــــايز ماتحـــــــرك مـــن مقـــــابرها

يجــــــــوز انــــــك تــــــوصي فالخـــــرابه لجـــنة التثـمين
بعـــــد كثــــــرت دخـــــــاخين الـــــرطاه وزاد ســــاعرها


مشهور....

عبدالله المليحي

جعلني ماخلا منك يالذيب

انت تعتبر شخصية متميزه جدا لأسباب كثيره

وانا معجب بشخصيتك وذوقك وأفكارك

صح بدنك

[كحيلان]

يالله اني داخل عليك
يالله اني في رجاك
طالبك يامسير الكون
تفهق عن خوي المطاليق
صلفين الوجيه الملاحيق
وشعر ممغصة البطون
حنا على رجوى نشيد
نلفي ولانعين قصيد

عيون شفقا والطريق
اليا نهجنا مانطيق
قيفان في قصعة عصيد
لاتهش ولاتنش ولاتزيد

اما خوي المطاليق
وقاف على بصمة عشر
لو هو على مسرى جمر
اتلى مسارينا رحيق
وشهد مناحله السدر

الظافر اللي مايويق
الداهل اللي مدهله
روض الصخا والمرجله
اليا هرج سبكه عتيق
عتق الذهب في مشغله

صفو معي ياهل الصفوف
وشيلو على صفق الكفوف

سلامي على من غدى السوق سوقه
=== وثبت فوق علبى الغشيشين ساقه

خلووووووها لخوي المطاليق
وهش من يجي قدم عينه يدربي
مايصح الا الصحيح
كلمة الحق قيلت
والسلام ختام
والله لايهينك يابوعبدالله
النشيده ممساها موقعي
وهلك يهدون البل

اخوك
فالح بن صقر

[عليا الهلالية]

خوى المطاليق:

مـــــــــاشــــــــــاءاللـة علـيك

قصيدة غريبة وعجيبة ولكنها تبقى برغم ذلك

جميلة وتجبرك على القراءة المتكررة

شكررررا لــك

وصـــــــح الســــــااانك لالالاهنت

لعنّا (اهل المغاره) يوم لحنّا الخبر تلحين

عسـا الكلمـات لو تدخل مغـارتهم تـنـوّرهــــا


تروح سنين . لكن وشـمصيري لو تجيني سنين؟

يويـل النفس لوما شـافت انسـان يصـبـرهــــا




خوي الابداع


تمكن صياغه قوه اسلوبيه شاعر اصيل


تحياتى لك

محمد بن هضيبان

صح بدنك

والشرف لي يالغالي

وتراني اتابع قصايدك باعجاب وهقوتي من اسلوب قصايدك اني اعرفك

لان ذاكرتي جيده للقصايد الجزله واسلوب شعراءها

لي الشرف في معرفتك ومعرفت اللي شرواك


واشادتك هذي وسام على الصدر

بارك الله فيك وبيّض الله وجهك

الشرف والله خوتك ومعرفتك يبن هضيبان

يكفي انك أول من اتصل يسلم ويتحمد على السلامه
وهذا شي محسوب وله وضع خاص عندي وهو دليل طيب مجناك

اسلم وسلّم