Tweet
ســــخــــــــــافــــــه
فـــي
تـــفــــــــــاهـــــــه
فـــي
ســـمــــــــــاجـــــــه
فـــي
تــــصـــــــــــرّف شـــــــيـــــــن
اناظــرها ولو عين الغشامه ما تناظــرهـــــا
حريص و يطرد الثنتين ولكن ضيّع الثنتين
تلخبط في تعـابير الغرام اللي يعبـــرهــــا
اجيك منين يا برق نخيله؟ قول اجيك منين
مـدام ان المســائل لوهي صغيره تكـبـرهــــا
توسط لي سحـابك مير ما تعطـونه التثمين
يقـدّم طـلبته و الرفــض يجبـرنا نكــررهــــا
اقص العرق من ساسه و بنهي منشأ التكوين
و تحاربني ضروفي شــوف حالي من خناجـرهــــا
و ازيل المنظر اللي شافته وقت الغروب العين
و لكن يشـتـرط : شيلت عيوني من محـاجـرهــــا
جهول و ظالم و ينقال له بين البشر مسكين
يهــدون المـبــاني دامـه بكـفّـه يعمـرهــــا
خرافه في خرافه ماتجي في الهند والا الصين
غرايب شفتهـا ياليـت مـن يقـرا يفســرهــــا
عنود و جابها الوالي يلبس راسهـا التاجين
يكـرّمهـا ليـامنه على الرمضــا يعـفّــرهــــا
حكم جبار ماهو حكم ابو عدّاي و ستالين
حكم ينهب عمار الناس يوم انه يقـصّــرهــــا
سألت الشيخ (ابو ساره) لأنه من شيوخ الدين
و قال الشيخ ابو ساره
لـزوم انك تـمـررهــــا)و مررت العلوم اللي ثقيلات على الكتفين
مقـادير ورب الكــون باحكـامـه يـقــدرهــــا
(دعاوي) عند قاضي حسنّو له لحيته تحسين
اوامر حكمه العادل عصوها يـوم يـامــرهــــا
ننادي للفرج . لكن يجاوبنا الفرج : (بعدين)
مجاديف البشر من كثر ما واعـد يكـســّرهــــا
لعنّا (اهل المغاره) يوم لحنّا الخبر تلحين
عسـا الكلمـات لو تدخل مغـارتهم تـنـوّرهــــا
تروح سنين . لكن وشـمصيري لو تجيني سنين؟
يويـل النفس لوما شـافت انسـان يصـبـرهــــا
خوي المطاليق
تعليق