Tweet
شركة وكالة يقولون
[poem=font="Arial,7,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
اللي يحس ان معه في البطن قيلون= ولاّ مصدع يقرب ويستمعنا
سبايب القيلون شركة يقولون=الشركه اللي دمرت مجتمعنا
ناسٍ وظايفهم يجون ويروحون=متخصصينٍ في سمعنا وذعنا
لاعراض خلق الله مغير إيتوحون=قلوبهم معنا ولا هيب معنا
هفوات الالسن عندهم كنز مدفون=بس إيتحرون اشترينا وبعنا
افواههم مثل الروادي يذيعون =بالشايعات اللي تزوّد وجعنا
ون قلت من هرج القفا وش تفيدون= قالوا ما قلنا شي حنا سمعنا
والمشكله نسمع لهم ومتغاضون=حتى بجرم الذنب معهم وقعنا
ناسٍ يشيلون وناسٍ يحطون=وصمنا عن علوم الجزاله وجعنا
مايسكتون بكل وادي يهيمون=ياناس من هرج النميمه شبعنا
ونشوف غمزات الرخوم إيتواصون=ونسكت ونبلعها وياكم بلعنا
لو نلتفت لهروج جاهل ومجنون =ضاعت مجالسنا وضعتو وضعنا
ندري وتدري واكثر الناس يدرون=انا بتصديق الوشاه انخدعنا
اللي يودون الكلام ويجيبون=باسبابهم موج القطيعه دفعنا
بين القرايب سيف الاحقاد مسنون=على اتفه اسباب الامور اقتنعنا
واطلق شنب فينا محنك ودندون=لاشافنا نبغى انتواصل جبعنا
وحنا محاقن والنمايم بجالون=لاون ماحنا بفاغرين ارتدعنا
تعاونوا بالبر والصدق تكفون=يعني على قول النبي ماستطعنا
صرنا ورا الدنيا مسابق ماراثون=على حساب الدين من دون معنى
والشخص لو يملك مثل مال قارون=جشع طمعنا مايحقق طمعنا
نجري وننسى حفرة القبر وش لون =حتى يجينا الموت ثم يبتلعنا
ونصير بين إيدين من كوّن الكون=ونجني نتيجة زرعنا اللي زرعنا
قولوا لهم يااااهيييه ياللي تذمون=يكفي من لحوم الاوادم قطعنا
الى متى وانتم بهذا تخوضون=الهرج هذا ضرنا مانفعنا
أما نقوم من المكان أو تقومون=لو ينحرج راعي محلٍ جمعنا
ولاّ عطونا هرج ينفع وموزون=خلاص من بعض العلوم ارتفعنا
آيه نفسرها على علم مضمون=ولاّ حديث المصطفى اللي شفعنا
ولاّ قصص من لولين القديمون=ولاّ بعد صوب القصايد رجعنا
قصيد ابن جدلان ولاّ بني عون = اللي يثير اعجابنا لاجتمعنا
وجميع شعار الادب مايهونون= ان ماتبعنا شعرهم ماتبعنا
هذي طراة المجلس اللي تمنون = إنّـا نعاود له ليامن طلعنا
عساي وياكم على الحق داعون= وممن يقولون استمعنا وطعنا
عبرت عن شركة وكالة يقولون = الشركه اللي خربت مجتمعنا[/poem]
وسلامتكم
فهد بن شعلان
[poem=font="Arial,7,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
اللي يحس ان معه في البطن قيلون= ولاّ مصدع يقرب ويستمعنا
سبايب القيلون شركة يقولون=الشركه اللي دمرت مجتمعنا
ناسٍ وظايفهم يجون ويروحون=متخصصينٍ في سمعنا وذعنا
لاعراض خلق الله مغير إيتوحون=قلوبهم معنا ولا هيب معنا
هفوات الالسن عندهم كنز مدفون=بس إيتحرون اشترينا وبعنا
افواههم مثل الروادي يذيعون =بالشايعات اللي تزوّد وجعنا
ون قلت من هرج القفا وش تفيدون= قالوا ما قلنا شي حنا سمعنا
والمشكله نسمع لهم ومتغاضون=حتى بجرم الذنب معهم وقعنا
ناسٍ يشيلون وناسٍ يحطون=وصمنا عن علوم الجزاله وجعنا
مايسكتون بكل وادي يهيمون=ياناس من هرج النميمه شبعنا
ونشوف غمزات الرخوم إيتواصون=ونسكت ونبلعها وياكم بلعنا
لو نلتفت لهروج جاهل ومجنون =ضاعت مجالسنا وضعتو وضعنا
ندري وتدري واكثر الناس يدرون=انا بتصديق الوشاه انخدعنا
اللي يودون الكلام ويجيبون=باسبابهم موج القطيعه دفعنا
بين القرايب سيف الاحقاد مسنون=على اتفه اسباب الامور اقتنعنا
واطلق شنب فينا محنك ودندون=لاشافنا نبغى انتواصل جبعنا
وحنا محاقن والنمايم بجالون=لاون ماحنا بفاغرين ارتدعنا
تعاونوا بالبر والصدق تكفون=يعني على قول النبي ماستطعنا
صرنا ورا الدنيا مسابق ماراثون=على حساب الدين من دون معنى
والشخص لو يملك مثل مال قارون=جشع طمعنا مايحقق طمعنا
نجري وننسى حفرة القبر وش لون =حتى يجينا الموت ثم يبتلعنا
ونصير بين إيدين من كوّن الكون=ونجني نتيجة زرعنا اللي زرعنا
قولوا لهم يااااهيييه ياللي تذمون=يكفي من لحوم الاوادم قطعنا
الى متى وانتم بهذا تخوضون=الهرج هذا ضرنا مانفعنا
أما نقوم من المكان أو تقومون=لو ينحرج راعي محلٍ جمعنا
ولاّ عطونا هرج ينفع وموزون=خلاص من بعض العلوم ارتفعنا
آيه نفسرها على علم مضمون=ولاّ حديث المصطفى اللي شفعنا
ولاّ قصص من لولين القديمون=ولاّ بعد صوب القصايد رجعنا
قصيد ابن جدلان ولاّ بني عون = اللي يثير اعجابنا لاجتمعنا
وجميع شعار الادب مايهونون= ان ماتبعنا شعرهم ماتبعنا
هذي طراة المجلس اللي تمنون = إنّـا نعاود له ليامن طلعنا
عساي وياكم على الحق داعون= وممن يقولون استمعنا وطعنا
عبرت عن شركة وكالة يقولون = الشركه اللي خربت مجتمعنا[/poem]
وسلامتكم
فهد بن شعلان
[/align]
تعليق