رنج روفر الى سمو الشيخ محمد بن زايد آل نهيان

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أسمّي أزمة الرهن العقاري أزمة الغالين=واتابع سوق الاسهم واتمنّى دوم نكساته
واقول الله يزود سعر (خام برنت) للتسعين=عشان(الرنج) يتعثّر وتتأثر مبيعاته
يقولون ان وكالاته تبث إعلان من شهرين=مفاد إعلانها عرض(ن) يسهل حيل مشراته
تجي وتجيب لك تعريف بالراتب معه الفين=عشان تخلص إجراءات تقسيطه ولوحاته
وبعد تركيب لوحاته يبي لك (بنقلاديين)=يرشونه بما مقري على بديه واطاراته
بعدها امسك(الريموت) ثم رسم ورسم زين=ثم اضغط كلمة (الاوبن) تغمز لك فلاشاته
اشبه غمزته غمزة وسيم مربرب الخدين=تطيح الفاتنه ( هيفاء وهبي ) عند غمزاته
ترفق افتح الباب وتعلم فتحت الصبعين=ترى تبطي قبل لا تتقن برستيج فتحاته
والا منك ركبت احرص تمد ايدينك الثنتين=وحاول قد ما تقدر تراخى فوق اسياته
ثم اضغط زر تشغيله تحس بهيبه الراهين=ولاتنسى قبل تمشي تعدل في مراياته
والا منك نويت تمرّنه ثبّت على الستّين=عشان البستم يحافظ على قطره وقاباته
توكل الزم الخط السريع ونصّه الوافين=رجال(ن) تكرم الضيف وتوصّي في محاتاته
سمعت كثير عن (زايد) وعن فرقه عن الباقين=وسمعت كثير عن شيخ(ن) ورث طيبه ولمحاته
(ولد زايد) (ابو خالد) أصيل معرّب الجدّين=تنشّد قصره العامر ووقّف في طبيلاته
وقلّه بيرق (ابن فطيس) شرّف ربعه الادنين=لانه بيرق (محمد ولد زايد) ومدّاته
نصاك الشعر يامحمد وجنب غيرك الهافين=الين اصبح سموّك عقد لول وماس بابياته
وانا شاعر ولك حق(ن) على ارد بعض الدين=لانك انتشلت الشعر في لحظة نهاياته
وسلّم لي على( ام الامارات) وعلى اهل العين=وعلى سبع الامارات وعلى (زايد ) وصفحاته
ورجّع موتري صوبي ( وانبيره) على الستين=وإذا به علم من صوب الشيوخ/ فزيد سرعاته[/poem]

اخي الغالي الشاعر/ يحي بالحارث


صح لسانك على القصيده الجزله ياجزل



تقبل مروري ولك جل تقديري

الله واكبر عليك يا يحيي

اشهد بالله عشنا روح القصيده

لله درك

بعيد خيال وجميل معنى

وشهادتى فيك مجرووحه

صح لساانك ولاهنت يالقرم

يحي آل بالحارث

:
:
صح لسانك ... اجدت الوصف والمدح والثناء

احترامي الخالص لشخصك

ياسلام ياسلام
شعر ومركب مطانيخ وسيارة طراز اول وشيخ ماخذ الطيب كله
يسلم فمك يايحيى

يحي آل بالحارث

لانستغرب ابداع المبدعين\ انت شاعر

الموقف وتجسيد المعنى بكل تميز

صح الله لسانك

ارررررررررررررررحب يابومحمد



وصح لسانك ملاييييييييييييييين



ويستاهل الشيخ محمد بن زايد



ويسعدني سماعها منك شخصيآ قبل تصفحها في النداوي



لك تقديري