(( سموها شعر سموها كلام المهم اناها مشاعر صادقه تجاه هذا الوطن الغالي علم انها ارت

مشاعر صادقه كتبتها ارتجال امام الجهاز



ثلاثه وعشرين من تسعه سنة واحد بعد للفين عيدك يـــاوطن

اعز يومٍ مرني في دنيتي يوم الوطن حيث الغلا لك ياوطن فيني كمن


والشعر عندي له وظايف وانت من اعظم وظايف ينكتب فيها الــــشعر

اخذت من بحر الهلالي قافيه مستحدثن طرقٍ جديد إبلا لــحن


درست درس في مدارس دنيتي والشعر له عندي مخيلتٍ وسيعه ضـــاربه

حيت القصيده مهرةٍ عندي عسيفٍ هاديه تلعب على ايدي والرسن


يامملكتنا الغاليه يادرة الدنيا وياارض النبوه والكتاب المنزلي

الله يجيرك يابلادي من صواديف الليالي والمصايب والبلاوي والفتن


والله يرحم من مسك سيفه على صهوة جواده لين حدد دولـته من كل صوب

القايد الظرغام ابو تركي كعام الضد ساس الطيب لمن قيل من

وحد جزيرتنا ولم الشمل من بين القبايل من بعد كانو شتات إلآعدات

من بعد مالم الشمل بين العرب والشرع اقامه هدي باله وأطمئن


آمين يالله ٍ ترحمه يالله وتسكنه الجنان الخالدات آمين يارب الـبشر

وارحم جميع املوكنا اللي واجهوا وجهك يارب البيت من ماضي الزمن


والله يعزاملوكنا اللي يحكمون ابلادنافي وقتنا الحاضر وتبقى يافهد

ياقايد ألأمه زعيم العرب ساس العرب نبراس الشريعه من زبن عندك زبن


ولي عهدك عضدك الأيمن شموخ الطيب عبدالله عسى يبقى لناطول الحياة

والنايب الثاني وزيرٍ لدفاع وللوازم قاسيٍ راسه وصاحي متزن


والله يبارك في جميع آل السعود املوكنا حكامن اهل الطيب وافين المقام

هذا وصلى الله وسلم عالرسول الهاشمي اللي بدوره حارب اصحاب الضلاله والفتن



تمت

المسعودي







[تم تعديل الموضوع من قبل المسعودي بتاريخ 09-23-2001 الساعة 02:12 PM]

الجزل مايجيب الا الجزل ياسلالالالالالالالام عليك يالمسعودي شعر جزاله معنى وانت غير بالفعل غير هنا التميز اللي كنت اقولك عنه من قبل حسن المسعودي مستقبل شعر القلطه وشعر النظم هذا الشاعر يثبت لنا حقيقة مثل(السابق تظهرها يدها)



تحياتي لك

اخوك/الواثق

أخوي المسعودي

صح لسانك عدد ما خط القلم وسط الصحف

وعداد من قال الشعر مهرٍ عسيف بلا رسن

أشارك معاك الشعور في حب هذا الوطن المعطاء

وفي كامل الولاء لقادتنا المحنكين اللي قادرين

على زرع البسمه على جميع أفراد الشعب السعودي

النبيل ذو الأخلاق اللي ما لها مثيل

وكما يقول الشاعر خلف بن هذال العتيبي

يا وطنا يـا وطنا عمت عـين الحسود

....................... ماتهـــزك لا زوابع ولا غـــدر عملا

قادنا فهد ابن عبدالعزيز ابن سعود

....................... واقتنعنا بالقياده وأخذ منا الولا

غطرفي يا بنت وارمي علينا بالورود

........................ وارقـــدي بامان رب السموات العلا

ارقدي بامانّا عــــن ملطمت الخدود

....................... يوم جيش الــرافدين ابتلانا وابتلا



أخوي المسعودي شعور لنا الفخر في اظهاره في يوم الوطن يوم

الحب يوم الولاء يوم فخر السعوديين

يقول الأمير خالد الفيصل

أرفع راسك أنت سعودي

طيبك جـاوز كل حدودي

مالك مثـــيلٍ بالـــدنيا

................. غيرك ينقص وأنت تزودي




أخوي المسعودي تقبل تحيات أخوك فواز

والمعذره على الإطاله

ابداع يالمسعودي ماشالله عليك


صح السانك

وألف مبروك للحكومه السعوديه والشعب السعودي

الشاعر المسعودي




صح لسانك ولاهنت على تقديم هذا الفن

الذي يحمل الشعور الطيب المحب للوطن



تقبل وافر تحياتي وامنياتي لك بالتوفيق

اخي الكريم المسعودي ..

جميل ان يغني الشعر للوطن .. تمدد اغراض الشعر الى الافاق

العليا يعيد له شــيئا من اعتباره ..

شكرا لك على الابداع والمشاعر الوطنيه الدافئه ..

لك احترامي وتقديري ..

المسعودي والنعم والله بالدار ورجــالها

الوطن الذي كل يوم نعيش بأمنه ونبدع في ظلاله

يستحق منا اجمل مانكتب وانت قلت الأجمل لافض فوك

ولاعدمنا هذا الوطن وادام الله عليه وعلينا امنه ...

تسلم يمينك ولا هنت ...

الأخ الغالي ابو فلاح اشكرك على الأطراء الجميل وانا لك السيف الصقيل لآهنت يالغالي

المسعودي

ارحب يافواز مشكوووووووووووور على الشعور الطيب الف شكر

المسعود

الأخ حوران هلا فيك شرفني حضورك الله لآ يهينك يالغالي





الف شكر


المسعودي

اخوي الغالي المسامح صح ابدنك يالغالي ولآهنت الف تحيه


المسعودي

الأستاذ الفرحان يشرفني حضورك الف تحيه والف شكر وبيض الله وجهك


اخوك / حسن علي المسعودي

ألأخت الغاليه البندري هلا وغلا وشكراً على ألأطراء الجميل الف تحيه والف شكر

المسعودي

اشكر كل من هزته الروح الوطنيه وتابع هالقصيده والف شكر لمن قام بالرد ومن تابع فقط

اخوكم / حسن المسعودي

اخوي حسن المسعودي



السلام عليكم ورحمة الله وبركاته,,,,,,,,,


اعجابي بقلمك يتعدى الوصف,,,

اشكر لك اطلالتك هذه ,,,ومهما كتبنا للوطن لا نوفيه حقه وواجبه

وانا من المتابعين لك دااااائما.

لك كل التقدير والاحترام,,,,,



اخوك المحايد,,,,,,,