Tweet
الى المقام السامي
ـــــــــــــــــــــــــــــــــــــــــــــ
بعد تعرض سيدي لوعكه صحيه سافر على اثرها لبريطانيا للعلاج
ارجعه العلي القدير لنا سالما معافا انشاء الله
اللهم اميـــــــــــــــــــــــــــــــــن
فكانت هذه القصيده الارتجاليه تعبيرا عن ردة فعلي عند سماع هذا الخبر المحزن
ــــــــــــــــــــــــــــــــــــــــــــ
يالله الا يالله يالله يالله
يالله شفني رافعن لك يديه
يالله ياللي كل خلقه برجواه
يالله ياللي لك نسوق الشكيه
المحصي العلام محصي براياه
الخالق الرزاق رب البريه
اللي حمى يونس من الحوت وانجاه
وهو ببطن الحوت ماله نجيه
واللي فزع لايوب من عظم بلواه
بعد الصبر عوّد لحاله وحيه
واللي على يعقوب جزله عطاياه
رجع له المفقود جزل العطيه
ترجع لنا شيخ حميده سجاياه
ابومبارك عز كل الرعيه
ريف الضعيف وكل نفس معنّاه
وريف اليتامى بالليال العصيه
شيخ على المعروف والعرف ممشاه
بيت الندى راع الكفوف النديه
الشيخ جابر مبدى الاخيار مبداه
مبدى الشرف والفزعة الوايليه
شيخ تحوش المجد والطيب يمناه
وبالمرجله ياقل والله حليه
سامي سموه سيدي عالي الجاه
بااعلى مناراة البروج العليه
شيّال حمله ماتراخى بممشاه
مثل هديب الشام نفسه قويه
دايم ليادار الزمان برحاياه
يرسي ويثبت مثل هضبة طميه
وختامها يالله يالله يالله
يالله الا يالله جزل العطيه
ترجع لنا شيخ حميده سجاياه
ابو مبارك عز كل الرعيه
__________________
تعليق