Tweet
[poem=font="Arial,7,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
راكب اللي يوسع كل صدر زعول = لانحذف من سواد القار يبغى الرمال
وعشق السنه الاولى وصك القفول =وطش من راسه الغتره وطش العقال
عجته كنها الفسفور فوق السهول=يختفي عن نظر عينك وعجه لازال
إيتغانم هماليل المطر والسيول=يوم لاحت بروق الوسم وسط الخيال
ماخذا ساعتين الاّ يصول ويجول =ويتطوى سوات الداب بين الدحال
يبترم في الطعوس الدهم كنه امغزول= باشر الماطر العذب القراح الزلال
تحت وبل المطر كن القزاز امغسول= من غبارالطريق المختصر يوم طال
والرعد في سواد الغيث مثل الطبول=منظر فيه من وصف الطبيعه خيال
كن وبل المطر مثل البرد في الحثول =شيفته هي علاج الاكتئاب العضال
الخباري وغدران المطر لاتقول=كل وادي يجيب املاه لامنه سال
زالت الصوره اللي مبطيه ماتزول=وارتوت لرض من مدة عزيز الجلال
ون عطا الحره السودا طلوع ونزول=يشبه لفرخ شيهانٍ بروس الجبال
لارقا كن فيه من الاوادم ارجول=ايتناوش حجا المشراف صعب المنال
مرةٍ في اعتدال ومرةٍ في ميول=مال خوف الطريق الوعر عنده مجال
ويتضالع مع النزله سواة الوعول=لانحدر من علو الضلع صوب التلال
منوة اللي لطرد الصيد كنه امهبول=مايحنه من دروب التروس الثقال
ويش اخلي من اوصافه وياويش اقول=ودي اذكر مزاياه العراض الطوال
اقطمٍ في وقوفه كنه بيشوت قول= ابتر شيفته تشبه لقرم العيال
فيه ميراد ذيبٍ واستدارة جفول=وفيه من مارادونا احيان بعض الخصال
لفته 0 خفته0 في ملعب الفوووت بول =يلفت انظار عشاقه وينهي الجدال
جيب عبد اللطيف الربع يذهل ذهول=في ديار الجنوب وفي ديار الشمال
يسري الليل لانامت عيون الخبول=ضد كل الضروف وضد مسرى الليال
مابعد ذكر في ظهر الونيت امحمول = جعل يفداه u s a كثير العطال
المس مسجله لاصاب جسمك خمول =يالالاله0 يالاله 0يالالاله0 يالال
واستمع صوت ابن جدلان خله يقول= بيته اللي يجيني لاسمعته اهبال
ياقطاة العبيه ياهيام الذلول= ياعيون النداوي يارقبة الغزال
واسربه يقرب المشوار والاّ يطول= دله النفس صيور العمر للزوال
وكان مريت اهل ذودٍ قرومٍ زحول =لاتعدا هل البل مكرمين الرجال
اخذ معهم على فنجال بن امعمول =في دلال على نارٍ خشبها جلال
فالطبيعه ونسناس البراد الخجول= اكملت والكمال لوجه رب الكمال
واغتبق يالسنافي من بنات الفحول=در أباكير خلفاتٍ سمانٍ هجال
وكان قالواوش اعلومك وحسب الوصول=عطهم ابداية الرحله على كل حال
وهات علم الحيا يومك تجول وتصول=وحبذا لو تطرقت القصيد الجزال
ولاتنسون ذكر الله وذكر الرسول=سبحه واحمده مرسي رواسي الجبال
ان تريضت فابشر بالشحم والقبول = ون تعجلت فاعذار الرجال العجال
ومش بشويش ممشا كاملين العقول=لين تفهق حراويهم وممسى الحلال
لافهقت الحراوي واختفى كل زول= اشحط الجيب يامال الغنيمه يامال
لين تذن مواذين الفجر قدك حول=حول نور البلد يعني حسب لحتمال
درج الجيب لاصليت مثل الرحول= وصفطه في كراج القصر تحت الظلال
عاذك الله وجيبك من عيون النضول= ياعريب الجدود وياعريب الخوال[/poem]فهد بن شعلان
راكب اللي يوسع كل صدر زعول = لانحذف من سواد القار يبغى الرمال
وعشق السنه الاولى وصك القفول =وطش من راسه الغتره وطش العقال
عجته كنها الفسفور فوق السهول=يختفي عن نظر عينك وعجه لازال
إيتغانم هماليل المطر والسيول=يوم لاحت بروق الوسم وسط الخيال
ماخذا ساعتين الاّ يصول ويجول =ويتطوى سوات الداب بين الدحال
يبترم في الطعوس الدهم كنه امغزول= باشر الماطر العذب القراح الزلال
تحت وبل المطر كن القزاز امغسول= من غبارالطريق المختصر يوم طال
والرعد في سواد الغيث مثل الطبول=منظر فيه من وصف الطبيعه خيال
كن وبل المطر مثل البرد في الحثول =شيفته هي علاج الاكتئاب العضال
الخباري وغدران المطر لاتقول=كل وادي يجيب املاه لامنه سال
زالت الصوره اللي مبطيه ماتزول=وارتوت لرض من مدة عزيز الجلال
ون عطا الحره السودا طلوع ونزول=يشبه لفرخ شيهانٍ بروس الجبال
لارقا كن فيه من الاوادم ارجول=ايتناوش حجا المشراف صعب المنال
مرةٍ في اعتدال ومرةٍ في ميول=مال خوف الطريق الوعر عنده مجال
ويتضالع مع النزله سواة الوعول=لانحدر من علو الضلع صوب التلال
منوة اللي لطرد الصيد كنه امهبول=مايحنه من دروب التروس الثقال
ويش اخلي من اوصافه وياويش اقول=ودي اذكر مزاياه العراض الطوال
اقطمٍ في وقوفه كنه بيشوت قول= ابتر شيفته تشبه لقرم العيال
فيه ميراد ذيبٍ واستدارة جفول=وفيه من مارادونا احيان بعض الخصال
لفته 0 خفته0 في ملعب الفوووت بول =يلفت انظار عشاقه وينهي الجدال
جيب عبد اللطيف الربع يذهل ذهول=في ديار الجنوب وفي ديار الشمال
يسري الليل لانامت عيون الخبول=ضد كل الضروف وضد مسرى الليال
مابعد ذكر في ظهر الونيت امحمول = جعل يفداه u s a كثير العطال
المس مسجله لاصاب جسمك خمول =يالالاله0 يالاله 0يالالاله0 يالال
واستمع صوت ابن جدلان خله يقول= بيته اللي يجيني لاسمعته اهبال
ياقطاة العبيه ياهيام الذلول= ياعيون النداوي يارقبة الغزال
واسربه يقرب المشوار والاّ يطول= دله النفس صيور العمر للزوال
وكان مريت اهل ذودٍ قرومٍ زحول =لاتعدا هل البل مكرمين الرجال
اخذ معهم على فنجال بن امعمول =في دلال على نارٍ خشبها جلال
فالطبيعه ونسناس البراد الخجول= اكملت والكمال لوجه رب الكمال
واغتبق يالسنافي من بنات الفحول=در أباكير خلفاتٍ سمانٍ هجال
وكان قالواوش اعلومك وحسب الوصول=عطهم ابداية الرحله على كل حال
وهات علم الحيا يومك تجول وتصول=وحبذا لو تطرقت القصيد الجزال
ولاتنسون ذكر الله وذكر الرسول=سبحه واحمده مرسي رواسي الجبال
ان تريضت فابشر بالشحم والقبول = ون تعجلت فاعذار الرجال العجال
ومش بشويش ممشا كاملين العقول=لين تفهق حراويهم وممسى الحلال
لافهقت الحراوي واختفى كل زول= اشحط الجيب يامال الغنيمه يامال
لين تذن مواذين الفجر قدك حول=حول نور البلد يعني حسب لحتمال
درج الجيب لاصليت مثل الرحول= وصفطه في كراج القصر تحت الظلال
عاذك الله وجيبك من عيون النضول= ياعريب الجدود وياعريب الخوال[/poem]فهد بن شعلان
تعليق