جنوبٍ من الخفجي,شمالٍ من المصفاه

نصّ كُتِب أثناء مُناسبته..

حنيف إبن لفا الذيابي

أم رقيبه على الأبواب والمعني! أحد المُشاركين..أرجو التوفيق له وللجميع:

هلا مرحبا مليون..بالعِلْم واللافين
,,,,,,,,,,,,,,,,,,,, ياحيّ الخبر..راسي معه طال يوم اوحاه

ياعلمٍ ينومسني, ويرقى بفكري..لين
,,,,,,,,,,,,,,,,,,,, يعانق بي اِسهيل اليماني.. بعد مبداه

ياعلم السعد,علم الفخر..نومَس الحييِن
,,,,,,,,,,,,,,,,,,,, من اِعتيبه اللي مجدها عاليٍ مبناه

وكلٍّ يقول اِليا سمع بالخبر: نعمين
,,,,,,,,,,,,,,,,,,,, وكفو بالرفيق اللي تجيب الفخر يمناه

ويستاهل البيضْا الولد طيّب الجدين
,,,,,,,,,,,,,,,,,,,, ويزيده فضل ربٍّ وهَب,واِرزقِه,واعطاه

بعد قالو:اِحنيف السعد راعي الذودين
,,,,,,,,,,,,,,,,,,,, خيار البل اللي من ملكها ملَك دنياه

نقى الذود الاول من شيوخٍ..لهم تمكين
,,,,,,,,,,,,,,,,,,,, على نجد.. والشغّار! مَجدٍ محد ينساه

وراحت بقلب حنيف يحدا لها عامين
,,,,,,,,,,,,,,,,,,,, ليا اقصى ديار سبيع..واقصى الصداوي جاه

وجاه الخبر عن ذود شيخٍ..تمركى بين
,,,,,,,,,,,,,,,,,,,, مناعير.. من نجران لين الكويت اِعصاه

وتنقّى خيار الوضح من ذود اِبن حثلين
,,,,,,,,,,,,,,,,,,,, بخمسة ملايين اِمتلك نقوته واغلاه

ماجاته عطى ولا هدايا ولاهي ديَن
,,,,,,,,,,,,,,,,,,,, فرا الكيس من نصّه, وخشم الريال ارخاه

مغاتير ترعى فيْ الحيا والربيع الزين
,,,,,,,,,,,,,,,,,,,, جنوبٍ من الخفجي, شمالٍ من المصفاه

فيْ ضفّ الكريم اِبن الكرام احمر السكين
,,,,,,,,,,,,,,,,,,,, ضيوفه تباشَربه, وربعه فخر تنصاه

مع اِعتيبه الهيلا بوقت اللزوم يبين
,,,,,,,,,,,,,,,,,,,, ومع آلاد ذايب عزوته في الصدر مركاه

ومْا اغلاه عند اِمطنّخ الروقه الغالين
,,,,,,,,,,,,,,,,,,,, وغالٍ على برقا هل الصيِت واهل الجاه

وجميع القبايل عن حنيف السعد دارين
,,,,,,,,,,,,,,,,,,,, شهر بينهم مثل اشقرٍ طيِّبٍ مجناه

على كفّ نايف جايبه من حدود الصين
,,,,,,,,,,,,,,,,,,,, وعلى آخوه عبداللْه زعيم البلاد اهداه

علومه تسرّ الصدر, فعله يشوق العين
,,,,,,,,,,,,,,,,,,,, ياخال السعد يامال طول العمر والله

حنيف الذيابي له براس الرفيع سنين
,,,,,,,,,,,,,,,,,,,, رقى قمّته..والمرجله والفخر مرقاه

تفاخربه العتبان الاقصيَن والاقصيَن
,,,,,,,,,,,,,,,,,,,, من اقصى بحر جده..لبحر الخليج اقصاه

وياخالي وتلقاني معك فيْ العسر واللين
,,,,,,,,,,,,,,,,,,,, تقبّل مشاعر من بناخيك..مايهناه!

سوى شوف خاله مهتني ضاحك اِحجاجيَن
,,,,,,,,,,,,,,,,,,,, وجعل الردي واللاش واهل الحسد تفداه

وَلا لي هدف فيما كتبته سوى ثنتين!
,,,,,,,,,,,,,,,,,,,, تجاوز قصوري, واِقبل ابياتي المهداه

وسلامة الجميع

صح لسانك

وأعتلا شانك
ويستاهلون الطيبين المدح وأنت منهم

قصيده تنومس بالفعل
تحياتي

صح لسانك يا الذيابي

الهديه جزله
والمهدا عليه يستاهل
الناموس والعلم الطيب

تقبل مروري وتقديري

ابو مخلد
بيض الله وجهك
عزالله غنيت وحنيف يستاهل كل خير.
صح لسانك واعلا شااانك

يستاهل الممدوح



حنيف الذيابي


رايه خفاقه بالعز



وعقبال ما نبارك له المركز الاول



صح لسانك عمو



ولاهنت



تحياتي

ونعمين


وسبعة انعام بالمادح والممدوح


حنيف الذايابي يستاهل



أما القصيده ياعبد الرزاق يشهد الله انها من أجزل وأقوى قصائد المدح التي سمعتها


شاعر متمكن وأبيات منقيه مثل ذود حنيف

صح لسانك يالذيابي




ــــــــــــــــــــــــــــــــــــــــــــــــــــــــــــ ـــــــ

(فيْ ضفّ الكريم اِبن الكرام احمر السكين
,,,,,,,,,,,,,,,,,,,, ضيوفه تباشَربه, وربعه فخر تنصاه

ارررررررررررررحب يابومخلد



وصح لسانك ملاييييييييييييييين



وكفوووووووو ويستاهل ولايهون الحاضر



لك تقديري

صح لسانك يا الذيابي

الهديه جزله
والمهدا عليه يستاهل
الناموس والعلم الطيب



ونعم بك وبربعك


وبالتوفيق لأهل المزاين

صح لسانك يا الذيابي

الهديه جزله
والمهدا عليه يستاهل

صح الساااانك

الاخ الشاعر / عبدالرزاق الذيابي
وافيه من شاعر وافي وجزل
وسبعة انعام بالمادح والممدوح

تحياتي

ياعلم السعد,علم الفخر..نومَس الحييِن
,,,,,,,,,,,,,,,,,,,, من اِعتيبه اللي مجدها عاليٍ مبناه

وكلٍّ يقول اِليا سمع بالخبر: نعمين
,,,,,,,,,,,,,,,,,,,, وكفو بالرفيق اللي تجيب الفخر يمناه

ومع النعمين نعمين


قصيده وافيه وفي مستحقها


لاهنت ولاهان هذا الحضور


مشهوووور.....