Tweet
صلوا على النبي
رداً على صاحب البيت اللي يقول
(عجزت ارسم على غيم الغياب وصاله المعدوم+وأنا المح ما بقى من دم يديني على بابه)
صح الله لسان راعيه
اقول
[poem=font="Arial,6,#FFC800,bold,italic" bkcolor="" bkimage="images/toolbox/backgrounds/21.gif" border="none,4,#400000" type=2 line=0 align=center use=ex num="0,#400000"]
جلست أناظره يرسم عجزت افهم وش المرسوم=على بابي بقايا من دماه ومدمع أهدابه
على بابي طرق كنه طرق قلبي عجزت أقوم=عظامي ما قوت حملي وجسمي خارت أعصابه
وأنادي ما سمع صوتي أو انه صوتي المكتوم=أغص بعبرةٍ بالحلق مثل الجمر لهاّبه
عرفته قسمتي مدري وش اللي غير المقسوم=وجابه وقتي العابث ورده مثل ما جابه
رحلت أو هو رحل مدري ولكن القدر محسوم=أموت بحبه واحياله وأموت وا حيا به
(عجز يرسم على غيم الغياب وصالي المعدوم)= وأنا مثله عجزت ارسم غياب الحزن بغيابه
حبيبي كانت أحلامي وأحلامه كبار بيوم=بنينا للهوى بيتٍ كبير وكم حلمنا به
على الغصن الخضر طيرين هدّن والغصن منظوم=ورق مدري زهر مدري ثمر كن الغصن غابه
ثمل طيري وعانق طيرته واستغرقوا بالنوم=حمر وجه الشفق خجلان ذوق وذاب بثيابه
ليا صار المدى جفنين بحرٍ مع سما وغيوم=وقرص الشمس صارت صورته بالبحر منسابه
غرقت وما دريت إني غريرٍ ما اعرف العوم=صحيح إن الهوى غلاب والأيام قلابه[/poem]
تعليق