أنتثر .. واروح فيهــــــــــــــــــــــــا ..

[poem=font="Simplified Arabic,5,#FCFCE4,bold,normal" bkcolor="#BC522B" bkimage="" border="solid,4,#400000" type=0 line=0 align=center use=ex num="0,#400000"]
لاقلت أذوب .. افهم ترا فعلا اذوب = ماهيب كلمه عابره في لساني
الا انتثر .. واروح فيها .. ومرعوب = من عينك اللي سحرها قد دهاني
لك في حنايا الصدر مشهاب مشبوب = على ضلوعي .. في غيابك كواني
اكتب سطر.. وامحى سطر .. واكسر الكوب = ماذقت ماك .. ولا حضورك هناني
نوب ازبن الذكرى.. ونوب ازبن الثوب = للشوق في ياقة قميصك مواني
اشوف شي.. وشي غايب ومحجوب = واضيع مابين العزاء ..والتهاني
تبعد بعيد وبعدك الوقت محسوب = ايام .. والا سنين .. والا ثواني
اجيك في ليل الدجى شمع مغصوب = يحرق عيونه في ظلام المحاني
امشي معك .. مدري على وين مجلوب = وش في يدي .. مادام قلبي عصاني
احيان اقول اللي حصل شي مكتوب = واحيان اشوف الوضع ذا شي ثاني
ظميا القوافي كسّرت بيت منصوب = تطوي مسافات الوزن والمعاني
يحرقني الهاجوس .. والبير مقضوب = عليه قطعان النياق السماني
لكن اوردها عواسير ودروب = لين انها تروي عطش كل عاني
عليك تفكيري من الشوق منهوب = مدري عطاك الروح والا عطاني
اشرب قراح الهم عن كل مشروب = ياعزتي للحال مما طواني
تدري !! خلاص ابترك الحب واتوب = الا غرامك ذا جريمة زماني !!! [/poem]

للمره الأولى أجد شاعر في صدرة ألف شاعر متمكن .
إلى هنا أكتفي لتلعثمي

الله الله يا سلااااااااام


صح لساااانك حتى ترضى أخوي ناصر ,,,,,


تقبل مروري المتواضع ,,,,,,,,,,,


خالص مودتي ,,,,,,,,,,,,,

مرحبا بك ياعبدالرحمن ..


مرورك شرف للمتصفح وراعيه .. ياهلا والف غلا ..

شكرا لهذا التعليق العذب عذوبة المطر ..

كل الود والاحترام لشخصك الكريم ,,,

ما احلا من هذه الجريمه اللتى صنعت شاعرا امشي الركبان بقوافيه مثل ناصر القزلان

صدقنى يا ابو محمد شهادتى فيك مجرووحه لانك اكبر من الشهااده

صح لساانك ولافض فووك يااشاايبي واستااذي الغالي

وصح لساانك مدد بلا عدد

وكل عام وانت بخير

والوجب انها با اتصال مير العذر عن القصور

دمت بخير ان شاء الله

أبو علي ..

أقول ياكبر حظي يوم أشوفك لو على الورق ..

القصور عنك ابعد من الشمس عن روس الضلاعين .. انت الوفاء براسه واذانيه ..

الف الف شكر لهذا الحضور الراقي مثل راعيه ..

دمت بخير يالامير ..

ناااصر القزلاني


الله محييك ويا هلا بك وغلا شااعر راااااايق ومبدع وجزل صح قلبك ويسلم رااسك
والله على هالتمييز والجزااااااااااااااااااااااله والله يجعلك على القووووه