.. .. .. السفينـــــة .. .. ..

اعتذر عن غيابي .. نظراً لظروف سفري ..

وهذا اختيار للشاعر حامد زيد .. اتمنى ان يصل لمستوى اذواقكم الراقيه ..


ضاقت وساع الفيافي والوعد متن السفينة
.. .. .. للطريق اللي دعاني بعد أمان الله .. وأمانة

لا تناديني وصونـــي قلبك الله لا يهينه
.. .. .. لا يراهن في رجوعي لأجل مايخسر رهانه

ليه ما أرحل عن غرامك بعد ما ذقت الغبينة؟
.. .. .. اذكري لـي شي واحد يستحق اقعد عشانه

قلب ما حن لوصالــي ماني بحاجة حنينه
.. .. .. واشهد انه مايعــــزر بالرفيق إلا هوانه

الهوى الغدار حدالله مابينـــــي وبينه
.. .. .. والرجـل لا خير فيه إن ماحفظ قدره وصانه

واحدٍ مثلي ليـــا من حدته عوجا سنينه
.. .. .. ما شكى لأقرب ابنادم لو هو اغلى من اخوانه

يوم قلبــي ما عصاك وماقدرتي تذبحينه
.. .. .. ليه خنتــي فيه وأنتي معه من نفس الديانه؟

كان ذبحي بيدك أرحـم لي من اللي تفعلينه
.. .. .. وإن طلبتـــك تذبحيني … ما ذبحتيتي لعانة

كل جرحٍ من جروحي (تذكرينه . تذكرينه)
.. .. .. كن مالك فــي نزيفه ( يد ) خانت بالأمانة

ينزف الخافق تواضـع لين لطختي جبينه
.. .. .. وإلا أنا ما كنت أبيهـــا توصل لحد الاهانة

قلت من باب الميانة (صاحبك .. وتعذبينه)
.. .. .. لعنبوك إرخي معاي شوي ,, ما صارت ميانة!

طعت عقلك يوم قيل إن العقـل للبنت زينة
.. .. .. لكن الشرهـــة على اللي يحسبن إنك تكانة

من بعد ماكنتي أنتي في حشاي أغلى سجينه
.. .. .. بأوعـــدك بأطلق سراحك وإتهميني بالادانة

(وين رايح؟) لأي دربٍ ما يرجــع للمدينة
.. .. .. ( ليه رايح ! ) لأن قلبك ما ترك قلبي وشانه

(كيف أبنسى؟) ربي اللي ملهم القلب السكينة
.. .. .. مثل ماعانــه بقربك .. لانوى فرقاك عانه

كان قاسي يجرح اطراف السكاكين السنينة
.. .. .. مايطيـح وبنت مثلك حبها .. هزت كيانه

وإلا أنا خابر خفوقـي ما يمد إلا الثمينة
.. .. .. وإن بغى يغيـض الثريا قعد القمرا وزانه

مزعلٍ لأجلك هنوفٍ رجت عقولٍ رزينه
.. .. .. وإن تهادت بالطريق الجرهدي تزهر جنانه

جادلٍ كن الجمــال اقبالها كتف إيدينه
.. .. .. والقمر لا شاورت له ينــزح وتقعد مكانه

كانت أول من تحكم في فروع الياسيمنة
.. .. .. وإن تعدتهن تثنن خيزرانه .. خيزرانه

بعتها لاجلك وصارت لأصغر اطرافك رهينه
.. .. .. وإلا هب لفتة هدبها تغمرك ثقل ورزانه

والخفوق اللــي تغدى من معزة والدينه
.. .. .. مشكلته إنه تعلق في زمن ماهو زمانه

كل مازادت جراحه واكتشفت غلطة ظنينه
.. .. .. صدقيه ان قال: مابه شخص يستاهل حنانه

يوم نادى : يا فلانة ، مارضيتي تسمعينه
.. .. .. لين صوت : يا فلانه .. يا فلانه .. يا فلانه

كنت اشوفك زعفرانه تقرض الورد وتدينه
.. .. .. يمكن إنــي ماقطفتك بس اشوفك زعفرانه

كنت أهاب البعد عنك واطلبك لا تذكرينه
.. .. .. كان خوف من الفراق وخطوة الفرقا جبانة

ما اقتنعت ان الخيانه بالرجل تلوى يمينه
.. .. .. لين ماربــي بعثك وذقت من طعم الخيانة

اسمحي لي ما بقى فيني مكانٍ تطعنينه
.. .. .. وأقبلي من جوف قلبي كل عطفة وامتنانه

والله الله في (عذابك) واتركي عينك بعينه
.. .. .. دلليله .. ولايرده عن شقـــاك الالسانه

وإلا أنا قررت اسافر وامتطي ظهر السفينة
.. .. .. لأن مابه شـي واحد يستحق اقعد عشانه

(~* حامــد زيــد *~)



تحياتــــــي
[ ::اميرة الإحساس:: ]

يا هلا ومرحبا أميرة الاحساس

الحمد لله على السلامه

فاقدين وجودك في المنتدا من زمان

يا هلا فيك مره ثانيه

وشكرٍ على الاختيار الحلوو

مررررررراحب