[poem=font="Simplified Arabic,5,#240B8E,bold,normal" bkcolor="" bkimage="" border="none,4,#400000" type=1 line=1 align=center use=ex num="0,#400000"]
عن علتي لاحد ٍ ينشد=عسى الولي يلطف بحالي[/poem]
[poem=font="simplified arabic,6,darkred,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
أنا اللي شغلني وصف ريم ٍ عليّ أبـداه=وصـوف النـوادر للصقاقيـر جذّابـة
كشف لي الغطا ياليت وجهه عليّ أخفاه=ذبحني الجمـال اللـي مباديـه نهّابـة
على سيف لحيه شامة ٍ قرب حلو شفاه=زهاها بياض الخد مـن قبـل تزهابـه
وحجّانها كنهـا هـلال ٍ علـى مبـداه=مقاويس فوق عيونهـا كنهـا عصابـه
وعليها عيون ٍ من نظرها يموت بـداه=عيون الوحش لاصار في رأس مرقابه
ولها خشم كنّـه سلّـة النافعـي ملـواه=مقوّس كمـا منقـار حُـر ٍ ومخلابـه
ومعنق لطيف الروح يفرق على شرواه=كما عنق ريم ٍ من التفافيـق مرعابـه
وعوده ليان وضامر ٍ حيل في المثنـاه=ويفرق على الديبـاج صـدره وتلبابـه
أنا ويش أوصف جل رب ٍ عطا وسوّاه=جمال ٍ قليل ٍ من مشابه علـى ترابـه
عريبة نسب وكويت جابر ربت بحماه=من العزوة اللي تحكم الدار وأصحابه
رزينة عقل ماخفها قول ذيّا وذاه=ولاهيب يشهبها النويعم ولا ثيابه
عنود ٍ عشقها خافقي وغيرهـا مابغـاه=ليا جا الذهب باقي السلع ويش أنا أبغابه [/poem]
تعليق