يلوفني الهاجوس في ذروته لووووف

البارحـة عديـت فـي رأس مرقـاب
ويلوفني الهاجوس في ذروتـه لـوف
وجريت صوتي لين نجـم السماغـاب
وحفيت من التفريك حجّـان وكفـوف
بأسباب غرو ٍ داعـب القلـب بكتـاب
وجدد على قلبي حـزازات وحسـوف
بعيـد دار ٍ وأجنبـي عنـد الأجنـاب
ولو آتعنى للغضـي ماقـدر آشـوف
يقطع طريقي دونها جبـال وهضـاب
مـلاذ زابنـهـا ليـاحـدّه الـخـوف
صوته وهرجه سالب ٍ لُـب الألبـاب
لاهـوب لابـارد ولاهـوب ملقـوف
لامن حصل لي من الغضي لوم وعتاب
ذرب ٍ عتابه كنّـه جنيـه مصـروف
مالي جدا كود أضرس النـاب بالنـاب
وأرجي من الله فزعة ٍ تبـرد الجـوف



تسلسل عجيب وحبك وسبك،قصيدة تشير الى شاعر متمكن من ادواته
ابو عمر صح لسانك
تقديري
،،،

كبرياء

هلا وغلا

صح بدنك وشكراً لك على كريم مرورك العطر

تحياتي

لامن حصل لي من الغضي لوم وعتاب
ذرب ٍ عتابه كنّـه جنيـه مصـروف


ياسلام



صح لسانك


تقبل مروري ....