Tweet
الله يسعد مساء الجميع
ثلاث قصايد رثاء الله يحسن خاتمتنا وخاتمتكم
والفارق الزمني بينها عشرين يوم
القصيده الاولى لي بعد وفاة الوالده رحمها الله ف 29--6--1429
القصيده الثانيه للاخ والشاعر محمد بن حمد العفيش ولد عم ابوي ونعتبره في منزلت الاب
والوالده عمته وكان مطلع قصيدته ايقول الموت بغته يجيلك منت بتشوفه
وفعلاً جاه الموت بغته صدمته سياره وهو يمشي على رجليه وتوفي فالحال بعد وفاة الوالده بعشرين يوم
رحمه الله رحمة واسعه
والقصيده الثالثه لي رثيته بعد وفاته والله يغفرله ويرحمه
[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
انا مومن بالله وراضي عن المكتوب=ولا في يدي حيله والاقدار مكتوبه
على العبد تمضي والراضى بالقدر مطلوب=لو اتجي مقادير الزمن عكس مطلوبه
وانا يوم اقوله عارفاً ان العمر محسوب=لياليه وايامه تقافى ومحسوبه
والى وقفت ماينفع الطب للمطبوب=ولاينفع المحبوب فزعات محبوبه
ولكن فجعات الزمن رمحها معطوب=ونفسي من اللي صار تعبت ومعطوبه
اعز البشر واغلى البشر حزة الغروب=تصلي وطاحت غيبت الشمس واغروبه
وقامت وقالت طيبه ماعليه شوب=ولكن فيها شفت انا الشوب والروبه
ورحنا الطواري والمناوب يسد النوب=وجمع لاطباء اللي معه حزة النوبه
اشاعات وافحوصات ثم اكمل الماجوب=حسب واجبه وفاء وكمل بماجوبه
وقلت النتيجه والوضع كيف يامحجوب=وقال النتايج عنك ماهيب محجوبه
لاشاعات فيها مشكله واضحه واضروب=مع الثقل باليدين والنطق بصعوبه
وتحتاج تنويم وغذاها مع الانبوب=انتابع وانراقب والغذاء عبر الانبوبه
وثلاثة ايام وحالها بالعناء مصيوب=تردى شوي شوي والحال مصيوبه
بعدها تدهور وانكب وضعها المنكوب=وانحسنا وصارت كل الاوضاع منكوبه
عن الوعي غابت مابقاء للكلام ادروب=نصيح ونحاكي والحكي قفلت ادروبه
غيبوبه ولا اعرف وش يجي تالي الغيوب=خذت اربع وعشرين يوماً بغيبوبه
وانا اجي واروح وكن جمر الغضى مشبوب=بصدري ونار الهم والحزن مشبوبه
ولا طاب لي زدٍ ولا طاب لي مشروب=ولا اهنا بنومي مثل ناساً تهنوبه
وضاقت علي دنياي من كل حدب وصوب=ولا لي سواى الله التجي والتفت صوبه
الهٍ يفرج كربت المسلم المكروب=يفرج ويكفينا غثاء الوقت واكروبه
ويلطف بها ربٍ لطف بالنبي ايوب=من الضر نجاه وغفر كامل ذنوبه
وذا كل مانرجي وحبل الرجاء مقضوب=حبال الرجاء بالله عروى ومقضوبه
ولكن خذاها اللي خذاء يوسف ويعقوب=مع سكةٍ للناس ماهيب مرغوبه
وفالقبر هلينا عليها الرمل والطوب=وفوق القبر ركزت طوبه حذاء طوبه
عسى الله يوسع قبرها ويغفر ويتوب=الهٍ يغفر ويرحم ويقبل التوبه
وعسى من هبوب الجنه اتهبه الهبوب=تبرد عليها القبر من حر لاهوبه
وعسى المزن لانشى وجاء للخيال انصوب=على قبرها مزن الحياء تمطر انصوبه
وتمت وانا مومن وراضي عن المكتوب=ولا عاد يومٍ فيه راحت بغيبوبه[/poem]
القصيده الثانيه
[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
الموت بغته يجيلك منت بتشوفه=ياخذ اعز الحبايب من حبايبها
الموت لولا ولي العرش بلوفه=بمشوك يدهر يشلى ضرايبها
الموت لولا ولي العرش بلوفه بمشوك يدهر يشلى ضاريبها
شيئاً براسه وشيئاً فارياً جوفه=اثور للي خذاها عقب شايبها
لو كان وقف على الطاروق بسيوفه=بنهي بمر الولي واعلن حرايبها
قبل امس وامسٍ على السرير مشيوفه=واليوم فالمقبره ركزت نصايبها
ياسين ياللي بفعل الطيب معروفه=تبذر جميلٍ وعز في قرايبها
ياموت ماترحم اللي يرفع اكفوفه=يطلب مغفرت ولياً مايشحبها
خذيت راس القلم واسطر احروفه=واطلب كريمٍ عزيزٍ مايعذبها
اشوف وقتاً علينا مالت اظروفه=دنياً تكدر خواطر من يعيشبها[/poem]
القصيده الاخيره
[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
احاول اهرب من الواقع وابعد بعيد=لعل نفسي تناسى واقع اظروفها
لكن اشوف المصايب كل يومٍ تزيد=في كل يومٍ الد العين واشوفها
دنياً علينا قست واسيوفها من حديد=في كل يومٍ علينا تشهر اسيوفها
واخر فقيده فقدنا راس قرمٍ عنيد=يالوف كبدي على فرقاها يالوفها
قرمٍ يشافيك فالموقف وفعله مجيد=لمن تردت رخوم القوم واضعوفها
مايكثر العذل ويوجه براياً سديد=مايضيع لاضاع عارفها ومعروفها
كريم وان مد مايمكن يمد الزهيد=ايمد بمياتها ويمد بولوفها
امحمد ابو حمدقرمٍ يضد الضديد=راح وغدت به ليال الوقت واحتوفها
الله يظله بظله في نهار الوعيد=في ساعةٍ تذهل العربان بوصوفها
والحمد لله محسب حسبته للشديد=حاسب حساب اليال السود واصدوفها
ومواصل الحج يبذل كل جهدٍ جهيد=الكعبه ابكل عام ايحج ويطوفها
زاهد وبالخير واعمال التوقى يستزيد=زاهد بدنيا العنا ماغراه زخروفها
والدين هو مكسب الانسان واكبر رصيد=في حزة مايفيد الناس مصروفها
والرابح اللي من احداث الزمن يستفيد=يكبح هواء النفس مايمشي على اشفوفها
الله يبيحه ويغفر له وجعله شهيد=وقبره عسى المزن فوقه تمطر اقنوفها[/poem]
ثلاث قصايد رثاء الله يحسن خاتمتنا وخاتمتكم
والفارق الزمني بينها عشرين يوم
القصيده الاولى لي بعد وفاة الوالده رحمها الله ف 29--6--1429
القصيده الثانيه للاخ والشاعر محمد بن حمد العفيش ولد عم ابوي ونعتبره في منزلت الاب
والوالده عمته وكان مطلع قصيدته ايقول الموت بغته يجيلك منت بتشوفه
وفعلاً جاه الموت بغته صدمته سياره وهو يمشي على رجليه وتوفي فالحال بعد وفاة الوالده بعشرين يوم
رحمه الله رحمة واسعه
والقصيده الثالثه لي رثيته بعد وفاته والله يغفرله ويرحمه
[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
انا مومن بالله وراضي عن المكتوب=ولا في يدي حيله والاقدار مكتوبه
على العبد تمضي والراضى بالقدر مطلوب=لو اتجي مقادير الزمن عكس مطلوبه
وانا يوم اقوله عارفاً ان العمر محسوب=لياليه وايامه تقافى ومحسوبه
والى وقفت ماينفع الطب للمطبوب=ولاينفع المحبوب فزعات محبوبه
ولكن فجعات الزمن رمحها معطوب=ونفسي من اللي صار تعبت ومعطوبه
اعز البشر واغلى البشر حزة الغروب=تصلي وطاحت غيبت الشمس واغروبه
وقامت وقالت طيبه ماعليه شوب=ولكن فيها شفت انا الشوب والروبه
ورحنا الطواري والمناوب يسد النوب=وجمع لاطباء اللي معه حزة النوبه
اشاعات وافحوصات ثم اكمل الماجوب=حسب واجبه وفاء وكمل بماجوبه
وقلت النتيجه والوضع كيف يامحجوب=وقال النتايج عنك ماهيب محجوبه
لاشاعات فيها مشكله واضحه واضروب=مع الثقل باليدين والنطق بصعوبه
وتحتاج تنويم وغذاها مع الانبوب=انتابع وانراقب والغذاء عبر الانبوبه
وثلاثة ايام وحالها بالعناء مصيوب=تردى شوي شوي والحال مصيوبه
بعدها تدهور وانكب وضعها المنكوب=وانحسنا وصارت كل الاوضاع منكوبه
عن الوعي غابت مابقاء للكلام ادروب=نصيح ونحاكي والحكي قفلت ادروبه
غيبوبه ولا اعرف وش يجي تالي الغيوب=خذت اربع وعشرين يوماً بغيبوبه
وانا اجي واروح وكن جمر الغضى مشبوب=بصدري ونار الهم والحزن مشبوبه
ولا طاب لي زدٍ ولا طاب لي مشروب=ولا اهنا بنومي مثل ناساً تهنوبه
وضاقت علي دنياي من كل حدب وصوب=ولا لي سواى الله التجي والتفت صوبه
الهٍ يفرج كربت المسلم المكروب=يفرج ويكفينا غثاء الوقت واكروبه
ويلطف بها ربٍ لطف بالنبي ايوب=من الضر نجاه وغفر كامل ذنوبه
وذا كل مانرجي وحبل الرجاء مقضوب=حبال الرجاء بالله عروى ومقضوبه
ولكن خذاها اللي خذاء يوسف ويعقوب=مع سكةٍ للناس ماهيب مرغوبه
وفالقبر هلينا عليها الرمل والطوب=وفوق القبر ركزت طوبه حذاء طوبه
عسى الله يوسع قبرها ويغفر ويتوب=الهٍ يغفر ويرحم ويقبل التوبه
وعسى من هبوب الجنه اتهبه الهبوب=تبرد عليها القبر من حر لاهوبه
وعسى المزن لانشى وجاء للخيال انصوب=على قبرها مزن الحياء تمطر انصوبه
وتمت وانا مومن وراضي عن المكتوب=ولا عاد يومٍ فيه راحت بغيبوبه[/poem]
القصيده الثانيه
[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
الموت بغته يجيلك منت بتشوفه=ياخذ اعز الحبايب من حبايبها
الموت لولا ولي العرش بلوفه=بمشوك يدهر يشلى ضرايبها
الموت لولا ولي العرش بلوفه بمشوك يدهر يشلى ضاريبها
شيئاً براسه وشيئاً فارياً جوفه=اثور للي خذاها عقب شايبها
لو كان وقف على الطاروق بسيوفه=بنهي بمر الولي واعلن حرايبها
قبل امس وامسٍ على السرير مشيوفه=واليوم فالمقبره ركزت نصايبها
ياسين ياللي بفعل الطيب معروفه=تبذر جميلٍ وعز في قرايبها
ياموت ماترحم اللي يرفع اكفوفه=يطلب مغفرت ولياً مايشحبها
خذيت راس القلم واسطر احروفه=واطلب كريمٍ عزيزٍ مايعذبها
اشوف وقتاً علينا مالت اظروفه=دنياً تكدر خواطر من يعيشبها[/poem]
القصيده الاخيره
[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
احاول اهرب من الواقع وابعد بعيد=لعل نفسي تناسى واقع اظروفها
لكن اشوف المصايب كل يومٍ تزيد=في كل يومٍ الد العين واشوفها
دنياً علينا قست واسيوفها من حديد=في كل يومٍ علينا تشهر اسيوفها
واخر فقيده فقدنا راس قرمٍ عنيد=يالوف كبدي على فرقاها يالوفها
قرمٍ يشافيك فالموقف وفعله مجيد=لمن تردت رخوم القوم واضعوفها
مايكثر العذل ويوجه براياً سديد=مايضيع لاضاع عارفها ومعروفها
كريم وان مد مايمكن يمد الزهيد=ايمد بمياتها ويمد بولوفها
امحمد ابو حمدقرمٍ يضد الضديد=راح وغدت به ليال الوقت واحتوفها
الله يظله بظله في نهار الوعيد=في ساعةٍ تذهل العربان بوصوفها
والحمد لله محسب حسبته للشديد=حاسب حساب اليال السود واصدوفها
ومواصل الحج يبذل كل جهدٍ جهيد=الكعبه ابكل عام ايحج ويطوفها
زاهد وبالخير واعمال التوقى يستزيد=زاهد بدنيا العنا ماغراه زخروفها
والدين هو مكسب الانسان واكبر رصيد=في حزة مايفيد الناس مصروفها
والرابح اللي من احداث الزمن يستفيد=يكبح هواء النفس مايمشي على اشفوفها
الله يبيحه ويغفر له وجعله شهيد=وقبره عسى المزن فوقه تمطر اقنوفها[/poem]
تعليق