العراقي ماااات ما فارق عراقه

[align=center]أعزائي المرور

نقدت قصيدة للشاعر بكر الركبان في أحد المنتديات فوجدته مسند لي قصيدة موديها على هرش يعارضني في نقدي للقصيدة فرديت عليه بهذه القصيدة ..

أتمنى أن تصل لذائقتكم فترويها.......[/align]
[poem=font="Simplified Arabic,6,#98170A,normal,normal" bkcolor="" bkimage="" border="groove,4,#BA3E16" type=1 line=0 align=center use=ex num="0,#400000"]

مرحبا بالهرش واللي في علاقه=عد ما تنقر من الشّرقي نقيره
تنطح الشّراه بعلومٍ دقاقه=تقنعه لعل له بالأمر خيره
شاعرٍ غنّى لامن الطّرق شاقه=والقوافي مثل سيفٍ في جفيره
أرهف من الموس يا موس الحلاقه=و أصدق من الجدي للعين البصيره
يا بكر و العلم ما ضِِِِِِيّق خناقه =والعوارف كلّ علمٍ تستنيره
و الدّسايس ما لنا فيها سراقه=و إن عجبك العلم والاّ هاك غيره
ما نوصّف بكرةٍ في بطن ناقه=لجل يقنع شاعرٍ راسه شويره
أسمع الجزلات و أعشقها عشاقه=والزّهايف ما لنا فيها بذيره
والقمر ما بدره بيشبه محاقه=والحقيره لا تجي جنب النضيره
إن طلبت القاف يا الشّراه لاقه=جاك قافٍ ما يخسوع في مسيره
يبطي النّقاد ما يلزم شقاقه=كان له في عالم النقاد سيره
ما يحوفه صف هزلٍ في سياقه=و الجزايل كل جزلٍ تستثيره
و الحجج لا صارها هشّه رقاقه=تفلج اللي قادها و تسر غيره
يا بكر جاتك من ردودي ذواقه=ميّز الطّعمة ترى ما فيه شيره
فإن عسرت القاف ما لك فيه طاقه=تبتحل فيها شواعيرٍ شطيره
العراقي مات ما فارق عراقه=يحسب إنّه لا عصا ما جاه طيره
جتك والله أعلم بها ساقه بساقه= ما نلحّفها تحت جنح الحصيره
والختام ..الهرش لا تطلق وثاقه=انحره واختص من جوفه بريره
وسلامتكم[/poem]

[align=center][align=center]بكر يقول في قصيدته[/align][/align]

[poem=font="Simplified Arabic,6,#481206,normal,normal" bkcolor="" bkimage="" border="groove,4,#2F1C04" type=1 line=0 align=center use=ex num="0,#400000"]
بالسلام الي ورا النحلـه مذاقـه=فوق هرش/ن يخلج احفاده هديره
طارش/ن فيما حمل روح مساقه=للذي ذكره له انفـاس اوزفيـره
صوتو لبـن المحيـا يالرفاقـه=صوتو كانه معي وسط الجزيـره
شاعرا مابيني اوبينـه صداقـه=لاكن الطيب يذعذعلـه عطيـره
شاعرا يكرم من اهروج الفاقـه=والنفاق اوسيرته عـدي ذريـره
قاله الي دينه اوديـن الخباقـه=لردا مادحـدرت خفـة ابعيـره
ماد/ن قدر الحاف اطراف ساقـه=كاف/ن خلق الولي ماضد خيـره
ماولج قلبه لحد طـاري حماقـه=اولاجذب قرايحه من غير بيـره
منطقه ماله مع السمجه علاقـه=رايته يـارب باسألـك الستيـره
الفشق ماهو فشق قبل انطلاقـه=غصته من حي بـارود الذخيـره
والمقرطس كل ماقرطس غلاقـه=من عطايا واهب/ن مد الوفيـره
والزغود الي خلت لون الحراقـه=مايغير ذوقها وصـف الحفيـره
والثغاب الـي مكدرهـا غماقـه=ماعلى رب/ن دعيت الها عسيره
وانت رايك يالشلي مابـه بلاقـه=لاكـن الغايـات بالدنيـا نثيـره
واختلاف الراي في داخل نطاقـه=تسلم الخطر تنافيـه اوشطيـره
والتمس يامفرد اجمـوع الباقـه=عذر قل/ن زبدته تكفـي كثيـره
والختام ابطيب المقطـوف باقـه=قدمه من لا ركب عـج البتيـره
والسلام الي من النحلـه مراقـه=سايقه لاساق ماساق الضريـره [/poem]

صح لساانك ولاهنت يا ابو محياا

ومجمل ووافي

مبارك بن محيا

صح لسانك



جزل



تقبل اعجابي

صح لساانك ولاهنت يا ابو محياا

صح الله لسانك يابوتركي

واقديت فيه لا عدمتك

شاعر واستاذ لازلنا نتعلم منك

تحياتي

اخوك

[align=center]أسمع الجزلات و أعشقها عشاقـه
والزّهايف مـا لنـا فيهـا بذيـره

ونعــم يامبارك

وافي وصح لسانك يالغالي

شاعر مبدع ومتمكن ولك إحترامك عند الجميع

صح لسانك ولاهنت[/align]

مبارك

صح السانك ولاهنت

والله انك مقدي

لك تحياتي

محمد السليس


صح بدنك



مرورك له وزنه عندي



لك تحياااااااااااااااااااااتي

سلمت يامبارك وسلم صاحبك من كل شر ..


كلام كبير مايجيبه الا الكبار .. لاهنتوا ..

صح لسانك مليون يابن محيا .. لاهنت ..

تقبل كل الود ,,,

مبارك


صح لسانك وصح قلبك

صدى جميل وصوت جميل


لاهنت ولاهان هذا الحضور

تقبل تحيتي



مشهووووور....

مبارك بن محيا الشاعر والصديق العزيز على قلبي
الاختلاف وجهة النظر والراي لا يفسد للود قضيه
وانا اعرفك واعرف غيرتك على الشعر الي اذا كان حصل منك نقد انه حب لشعر
او ميانه على رفيق عزيز عليك

انت هرم شعر وممتع وشاعر جزل دمت بود وغلا

مبارك


صح لسانك

صدى جميل وصوت جميل

لاهنت ولاهان هذا الحضور

تقبل حضوري المتواضع
ظبيالجنوب

الغالي / مبارك بن محيا

صح لسانك وأنا أخوك

قصيدة ولا أروع من شاعر جزل ومبدع ومتمكن

شكراً لك من الأعماق

وتقبل خالص تحياتي

أخوك / قديم الشوق

الله الله


قصيدة مليانه بالمعاني يا مبارك

جزززل وربي


صح لسااانك ملايين

تحياتي لك

جزل يابن محيا

شكراً لك من الاعماق

تقديري لك