والفتى لاطاب ماهو من خواله!!!!الفتى لاطاب طيبه من ذراعه!!

[poem=font="Simplified Arabic,5,#663300,bold,normal" bkcolor="0" bkimage="images/toolbox/backgrounds/27.gif" border="none,4,#FFFFFF" type=2 line=0 align=center use=sp num="0,0"]
الزمان يـدور مـن حالـه لحالـه=والدهـر لاضـاق لابـد اتساعـه

والرجال تشوم عـن درب الرذالـه=والسنين العـوج ماتبغـي مناعـه


والبحر لامن صفق واصتـك جالـه=يبطـي البحـار مايرفـع شراعـه


والصبـر لاطـال فـال الله وفالـه=وطعنه السكيـن مافيهـا شفاعـه


دامها من بـاب مقصـود النذالـه=يكرم الرجال مـن كـف البشاعـه


سجلوهـا فالسطـور وفالمقـالـه=حكمتن من عاقلـن مابـه لكاعـه


والفتى لاطاب ماهـو مـن خوالـه=الفتى لاطاب طيبـه مـن ذراعـه


وان قصر من دون هقوات الشكالـه=خيبته في هقوته من قصـر باعـه


والوجيه السـود مافيهـا جمالـه=لو تجمل كـل يـوم وكـل ساعـه


سلعتن محذوفتـن وسـط البقالـه=لعنبوها ويـن اصرفهـا بضاعـه


لاتعشا الذيـب مـن لقمـه عيالـه=تشكي عيال الضباع من المجاعـه


يا الاهـي يامعيـن لمـن سعالـه=احمـدك واثنـي ثنيتهـا ربـاعـه


فالعلـوم الواطيـه زدنـي جهالـه=وفالعلـوم الطيبـه زدنـي قناعـه


واستعيذك عن صداقـات الحثالـه=جاحدن وابليس اخوة من الرضاعه


حذر المسلم عـن دروب الضلالـه=وماتشوفه فالصلاة مـع الجماعـه


صاحبي وانت الرصيد اللـي انالـه=لابغيته قال لـي سمعـن وطاعـه


واحـدن لاقـام للحمـل ارتكـالـه=يوم ولد اللاش مافيـه استطاعـه


سجهـا فـي ليلـه خيـل خيالـه=ولا يردك عن مـداك الا الشجاعـه


والشجاعـه كنـز مافيهـا دلالـه=والعوض في الشي خير من القطاعه


لو جنوب الـدار مايعـرف شمالـه=ماتشوف من الجبل كبـر ارتفاعـه


ولو خويي ماوفـا حـق الزمالـه=ماشفقـت لشوفتـه والا وداعــه


ان بغاني عندة اقرب مـن ظلالـه=وان جفاني يتبع النـور وشعاعـه



ماكبر قـدرة علـى جاهـه ومالـه=لعنوبهـا خـوة فيهـا طمـاعـه


طنخه الرجـال فـي ميلـه عقالـه=ولو يميل الوقت مايلـوي ذراعـه[/poem]

ارجوو من الاعضاء حذف الموضوع لانه مكرر وليس بالصورة المطلوبه!!!تحيااااتي!!

هلا يامنصور

مرحبا بك

تم عمل اللازم


لتنسيق القصيده

الكتب البيت وضح بين الشطرين علامة =

مثال

يامرحبا حييت يامنصور = ترحيبة من خاطر صافي

وبعد ما تكتمل القصيده اضغط على الزر كما في الصوره لتنسيق القصيده جسب رغبتك

فالعلوم الواطيه زدني جهاله
وفالعلوم الطيبه زدني قناعه
واستعيذك عن صداقات الحثاله
جاحدن وابليس اخوة من الرضاعه






احسنت يامنصور وبارك الله فيك

والوجيه السود مافيها جماله
لو تجمل كل يوم وكل ساعه
سلعتن محذوفتن وسط البقاله
لعنبوها وين اصرفها بضاعه


بن جشعه ..اسم يستحق التوقف كثيراُ
اكثر من نص قرأتها لك هنا تنم عن شاااعرية فذة
هنيئاً للنداوي بك

تقديري

اختك ...

ارحب يا منصور

وصح الله لسانك و بيض الله وجهك

تحياتي

اخوك

صح لسانك يامنصور

نص جميل ويلامس ذائقة المُتلقي

صح الله ابدانكم جميع والله لايهينكم..وشكرا يا اخي حمد السحيمي على تنسيق القصيدة!!!تحيااااتي للجميع!!

صح الله السانك ولاهنت


نص قمه فالله درك


تحياتي لك

ارحب يا منصور

وصح الله لسانك و بيض الله وجهك

صح الله بدنك ملايين ياعبدالله الزهيري...تحياااتي للجميع!!

صح الله ابدانكم من جديد ومرحبا مليووون!!تحياااتي!!

فالعلوم الواطيه زدني جهاله
وفالعلوم الطيبه زدني قناعه

واستعيذك عن صداقات الحثاله
جاحدن وابليس اخوة من الرضاعه



ياسلام

ارحب يامنصور

صح لسانك وابيض وجه

تحياتي لك

صح الله بدنك ياسعد بن شفلوت ولاهنت يابوي.....تحيااااتي!!

قصيده عظيمه بحق

صح لسااانك وجاد بيانك

فعلا سبيكة ذهب هالقصيده

.