(عندي مثل لأوصاف بعض الرجاجيل )

[align=center]السلام
عليكم ورحمة الله وبركاته
اخواني واخواتي
الاحباء
اسعدالله اوقاتكم بالمسرات
عذراً عن الغياب
أهديكم هذه القصيده المتواضعه
والمعبره عن ماتحتوي طيّاتها لعل وعسى ان تنال إعجابكم
واذواقكم الراقيه[/align]


[poem=font="Simplified Arabic,6,#194489,bold,normal" bkcolor="" bkimage="" border="outset,6,#1D1676" type=2 line=0 align=center use=ex num="0,#400000"]
بديت بسم اللي عطى الوحي جبريـل=الواحـد اللـي بأمـره الكـون كلّـه
وأعوذ به من شر نفسي ومن ويـل=فـي ماقف(ن)ماينفـع الخـل خلّـه
من بعد ذكره زان سـوق المباهيـل=وضحن يجي صافي حلاهـن بحلّـه
ورد ومصادير الضوامي على النيـل=وجه الروى شـط الـروى مدهللّـه
للشعـر نقـاده وللشـرح تفصـيـل=وللفتـل نقاضـه وللعـقـد فـلـه
عندي مثل لأوصاف بعض الرجاجيل=وجهة نظر والكـل حسـب الجبلّـه
بعض الرجال تضيع فيـه التحاليـل=مالـه فصيلـه فـي جميـع الأدلـه
وبعض الرجال بوقتهـا سـم قنديـل=قول وفعل يشفي مـن اعـداه غلّـه
وبعض الرجال اقناده العود والهيـل=مـن رافقـه طـول الدهـر مايملّـه
وبعض الرجال يشوم من قوة الحيـل=لـو أن مافـي خاطـره ماوصـلّـه
وبعض الرجال يجود بالجود وإيكيـل=يعطيـك مـاب إيديـه كثـره وقلّـه
وبعض الرجال بكفه الخيـر وابخيـل=مثل السـراب اللـي يغـرك محلّـه
وبعض الرجال احصان بالراس والذيل=يمشي على الوجهين مذهـب وملّـه
وبعض الرجال يفصل الحكي تفصيـل=لـو أن مابـه قـوم سيفـه يسلّـه
وبعض الرجال تشوف زوله تقل فيل=مخيول مايظلل عـن الشمـس ظلّـه
وبعض الرجال اخيال خالي من السيل=يبـرق ويرعـد والصفـا مايبـلّـه
وبعض الرجال أشد من حالك الليـل=يكفيه مـن فعـل الـردى ماحصلّـه
وبعض الرجال بعير للحـط والشيـل=تقلـب افصـول السنـه جايـزلّـه
وبعض الرجال ليـا تمعنـت زنبيـل=هــذا مكـانـه ماتـعـداه لـلّـه
وبعض الرجال بساقة الناس دربيـل=مايتوب لين إيمـوت عـن عادتلّـه
وبعض الرجال أمثال شقرا مع الخيل=الحيـل وانـي والدهـر راضخـلّـه
وبعض الرجال يظلل العيـن تظليـل=ماقال قبل إيفوتـك الفـرض صلّـه
وبعض الرجال ابريد يحمل مراسيـل=كـل الكـلام اللـي بصـدره يهلّـه
وبعض الرجال ايطيح وسط المحابيل=يضيـع عـن درب السنـع مايدلّـه
وبعض الرجال ايجيب كل المحاصيـل=وليا بخصـت السالفـه نـار جلّـه
وبعض الرجال بعصمة أم المضاليـل=يخاف من رؤوس الرموش المظلّـه
وبعض الرجال ابذل من دون تذليـل=المـوت راحـه مـن حيـاة المذلّـه
وبعض الرجال مخطط(ن) للمقابيـل=مسكين مـن هالعمـر وش باقيلّـه
طرقي على حافـة شديـد التهاويـل=يبقى وحيد من البشـر مـع اسجلّـه
وأنا بعـد مـن ضمنهـم بالتماثيـل=فيني مثـل ماقلـت بالنـاس علّـه
عسانـي الثالـث بهـم يالمشاكيـل=وأن ماحصلّـي جعلـنـي رابعـلّـه
هذا حسب عرفي به العـدل والميـل=ما أقول أنا معصوم مـن كـل زلّـه
ماني كفيل الناس جيل(ن) بعد جيـل=مثلـي مثـل جيلـي وأنـا تابعلّـه
ولاني وكيل آدم علـى مثـل ماقيـل=لسانـي احصانـي وأنـا صاحيلّـه [/poem]
[align=center] وسلامتكم[/align]

عايض الرشيدي


صح السانك

جزله من شاعر جزل


تقبل تحياتى

عايض الرشيدى


صح الله لسانك


وبيض الله وجهك على المعانى الجميله


قصيده تحكى عن تجربة شاعر شاف العجايب
نعم صحيح
وبعض الرجال بعير للحـط والشيـل
تقلـب افصـول السنـه جايـزلّـه
وبعض الرجال ليـا تمعنـت زنبيـل
هــذا مكـانـه ماتـعـداه لـلّـه

الغالي عايض




بيض الله وجهك على ماسطرت


حبك وسبك وسرد لاارووووووووع



صح الله لسانك



ولاهنت



لك تحياتي

صح السانك ياعايض

جزله ووافيه

تقديري

ظبيالجنوب

الاخ الشاعر / عايض الرشيدي
اسعد الله صباحك بكل خير
قصيده وافيه من شاعر جزل
بيض الله وجهك ولاهنت على
هذه الابيات الوافيه الجزله

تحياتي

عايض



صح لسانك وبيض الله وجهك


وافي وأنت وافي


الله يحفظك

عايض الرشيدي ,,,

صح لساااانك وقصيده ذكرتني ,,,

بقصيدة الشاعر الكبير / عبدالله باتل الرشيدي ,,,


بعض العرب ما ينعطى وجه بالحيل ’’’’’’’’’’’’’’’ واليا عطيته وجه صار لك عله ,,,,,,

خالص مودتي ,,

للشعـر نقـاده وللشـرح تفصـيـل

وللفتـل نقاضـه وللعـقـد فـلـه

الله الله

مبدع ياعايض

صح لسااانك

ولاهنت

تقبل مرووري

أ

خ

و

ك

الاخ عايض الرشيدي

صح السانك على هذي القصيده الشامخه

فعلا قصيده شامخه تحمل الابداع تحياتي لك اخوك طلال الصواغ

عايض

صح السانك ولاهنت

قصيده رائعه من رائع

لك تحياتي