لاتحسبني عقب فرقاك بموت!!!

مساكم الله بالخير يالنشامى..


ارشيفيه اتمنى ان تحوز على رضاكم\


لاتحسبني عقـب فرقـاك بمـوت=لاتحسبن مالي علـى البعـد نيـه

نذراً علي فيها ملازيـم وبشـوت=وفيها وقار اهل الوفـاء والحميـه

ونذراً علي فيها محاليف وطخـوت=اني ابـي الفرقـا ولـي مقدريـه

يابنت لي في العلم يابنت لي بيوت=وهاذي الرساله والحروف ابجديـه

انا اشهد ان حبك حذفتـه بتابـوت=واقفى مـع ذيـك الريـاح العتيـه

روحي فمان الله يابنـت بسكـوت=ودعتك النسنـاس يااغلـى بنيـه

ياكبر من الي صار في عين جالوت=ويااحلى من النسناس في وسط فيه

فعيونها سحر مثل سحـر هـاروت=ولرموشها اضرب سـلام وتحيـه

حبه زرعته في ضميري كما لتوت=في وسط حدبات الضلوع الحنيه

ان اشهد ان لك يالغلا اسم منحوت=يطري فـي كـل صبـح وعشيـه

قلبي غدا كنـه مطـارات بيـروت=طاحت رسومه وافتضـح للبريـه

وانا الغلا ياصاحبي شاتني شـوت=ماغير اخفي الدمـع والنـار حيـه

لويجمعون اهل الحفر مع هل الكوت=واهل الحجاز ونجد واهل الحويـه

في ذمتي لاقولها وارفـع الصـوت=انـي احبـك حـب مافيـه زيـه

بس البلا لاصار الاحساس مكبوت=ولا صار خلـك عايـش بعنجهيـه

صبرت مثل الي صبر داخل الحوت=يونـس حبيـب الله وهـو نبيـه

والصوت ماينفع اذا فاتنـا الفـوت=روحي فمـان الله يااغلـى بنيـه



وســــــــــــلامتــــــــكم,,