Tweet
.
[poem=font="Arial,4,#0005FF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
.
.
سواد الليل ونجوم السما والحبر والقرطاس = ندامى قلبي المحزون في غيبة مناديمه
عوى ذيب الوله حولي وفزّع غافي الأحساس = وقمت ارقب على رجم التوجّد والعرب نيمه
وقفت وفي حشا جوفي لهيبٍ يشبه المقباس= ذكى بين الضلوع العوج وابلتني مضاريمه
كتمني وقمت من حرّه أدوّر بارد النسناس= وافتّح له أزاريري واريّح مع مناسيمه
تنهّدت وكنّي يوم أجذب بصدري عازب الأنفاس = غريقٍ عاش عقب اشفى على الموت بملاطيمه
محنّي همّي القاسي .. طحنّي في رحا الهوجاس = جهم بي والحشا ضايق ورا قاصي مجاهيمه
خذاي غصب موّاله ورا غيب الزمن مرواس = ورجّع لي مواضيعٍ دفنها الصمت واقديمه
وقف بي دون ماويّه بوسط رسومها الدرّاس= ذهلت وحادي احزاني فجعني صوت ترنيمه
غريبٍ عاد عقب اسنين وطاح بحلّة الأرماس= هجدها في دجى ليلٍ حجب واضح معاليمه
تروّع من عرفها قبور هاك الربع وهاك الناس= ونسى من بغتة الصدمه يبادرها بتسليمه
وقف مدهوش والذكرى تدق بسمعه الأجراس = وتعرض له صور بلواه ماض العمر واجحيمه
بكى لين البكا قطّع شرايينه بحد أمواس = بكى ناسٍ جلى باسباب تعذيبه وتحطيمه
سقوه أوّل كؤوس الذل والتنكيد والأتعاس = ودار الوقت لين انّه تمنّاهم من الضيمه
ندم جسّاس عقب كليب ودقتْه النوى باضراس = ولاجله قالوا العربان كل طقّه بتعليمه
وانا وهمومي الأولى سواة كليب مع جسّاس= تبرّم منّها قلبي وجات العاقبه اوخيمه
وانا لو سير الزمن بيدي كتبت لأمسها منكاس= وتركته في حشا جوفي على فرش الغلا مقيمه
عليك الأمن ياقلبٍ تجافى هدوة الإيناس = جنون الهم وشّر به ولا فادت تعازيمه
لوته ايدين ضيقاته على صخر الوزا وانحاس = فقد يمنى خوي الصدق واقوى ربع تصميمه
شكت خطواته الممشى وهو حافي برمضا الياس= بكى من وحشة الطرقه وفزعته هذاريمه
عطش بس النوى عيّت تروّي عروقه اليبّاس= على عدّ الروى باتت طيور آماله امحيمه
ألا ياقلب والدنيا علينا حبلها لولاس = توطّيت السريح عناد .. مافكرت بالليمه
تخيل البرق لاشقّت سيوفه سترة الأدماس = تظنّه حظك الهافي الى من لاح في غيمه
طلبتك لا تنجّع له ترى مانجعتك نوماس = الين تشوف بعيونك بروق الوسم وتشيمه
تمهّل لين يحكي لك عن اخبار الحيا عسّاس= ويرسي فوق كرسي العلم هوى رايك وتحكيمه
هناك اطلق لها المعقول من عزمك وشدّ الباس= ويمّم روضة الأحلام واضرب وسطها خيمه
وعش باقي سنين العمر في بحبوحة الأوناس= تظلّك غيمة التوفيق وترشّك مرازيمه
تهيم بنودها الساري يداعب وردها الميّاس= ويرسل لك شذا الأطياب من تولة مكاميمه
لعلّك تعتبر بعده سنين الهم طيف انعاس =الى من جابها الطاري تمرّك مالها قيمه
وتنسى الليل ونجومه وتنسى الحبر والقرطاس = ويسلى قلبك المحزون مع عودة مناديمه[/poem]
.
.
[poem=font="Arial,4,#0005FF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
.
.
سواد الليل ونجوم السما والحبر والقرطاس = ندامى قلبي المحزون في غيبة مناديمه
عوى ذيب الوله حولي وفزّع غافي الأحساس = وقمت ارقب على رجم التوجّد والعرب نيمه
وقفت وفي حشا جوفي لهيبٍ يشبه المقباس= ذكى بين الضلوع العوج وابلتني مضاريمه
كتمني وقمت من حرّه أدوّر بارد النسناس= وافتّح له أزاريري واريّح مع مناسيمه
تنهّدت وكنّي يوم أجذب بصدري عازب الأنفاس = غريقٍ عاش عقب اشفى على الموت بملاطيمه
محنّي همّي القاسي .. طحنّي في رحا الهوجاس = جهم بي والحشا ضايق ورا قاصي مجاهيمه
خذاي غصب موّاله ورا غيب الزمن مرواس = ورجّع لي مواضيعٍ دفنها الصمت واقديمه
وقف بي دون ماويّه بوسط رسومها الدرّاس= ذهلت وحادي احزاني فجعني صوت ترنيمه
غريبٍ عاد عقب اسنين وطاح بحلّة الأرماس= هجدها في دجى ليلٍ حجب واضح معاليمه
تروّع من عرفها قبور هاك الربع وهاك الناس= ونسى من بغتة الصدمه يبادرها بتسليمه
وقف مدهوش والذكرى تدق بسمعه الأجراس = وتعرض له صور بلواه ماض العمر واجحيمه
بكى لين البكا قطّع شرايينه بحد أمواس = بكى ناسٍ جلى باسباب تعذيبه وتحطيمه
سقوه أوّل كؤوس الذل والتنكيد والأتعاس = ودار الوقت لين انّه تمنّاهم من الضيمه
ندم جسّاس عقب كليب ودقتْه النوى باضراس = ولاجله قالوا العربان كل طقّه بتعليمه
وانا وهمومي الأولى سواة كليب مع جسّاس= تبرّم منّها قلبي وجات العاقبه اوخيمه
وانا لو سير الزمن بيدي كتبت لأمسها منكاس= وتركته في حشا جوفي على فرش الغلا مقيمه
عليك الأمن ياقلبٍ تجافى هدوة الإيناس = جنون الهم وشّر به ولا فادت تعازيمه
لوته ايدين ضيقاته على صخر الوزا وانحاس = فقد يمنى خوي الصدق واقوى ربع تصميمه
شكت خطواته الممشى وهو حافي برمضا الياس= بكى من وحشة الطرقه وفزعته هذاريمه
عطش بس النوى عيّت تروّي عروقه اليبّاس= على عدّ الروى باتت طيور آماله امحيمه
ألا ياقلب والدنيا علينا حبلها لولاس = توطّيت السريح عناد .. مافكرت بالليمه
تخيل البرق لاشقّت سيوفه سترة الأدماس = تظنّه حظك الهافي الى من لاح في غيمه
طلبتك لا تنجّع له ترى مانجعتك نوماس = الين تشوف بعيونك بروق الوسم وتشيمه
تمهّل لين يحكي لك عن اخبار الحيا عسّاس= ويرسي فوق كرسي العلم هوى رايك وتحكيمه
هناك اطلق لها المعقول من عزمك وشدّ الباس= ويمّم روضة الأحلام واضرب وسطها خيمه
وعش باقي سنين العمر في بحبوحة الأوناس= تظلّك غيمة التوفيق وترشّك مرازيمه
تهيم بنودها الساري يداعب وردها الميّاس= ويرسل لك شذا الأطياب من تولة مكاميمه
لعلّك تعتبر بعده سنين الهم طيف انعاس =الى من جابها الطاري تمرّك مالها قيمه
وتنسى الليل ونجومه وتنسى الحبر والقرطاس = ويسلى قلبك المحزون مع عودة مناديمه[/poem]
.
.
تعليق