العمر واحد والدهر كله اسباب=والصمت مايوقف سيوف المنايا

[poem=font="Simplified Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياخاطري سولف بلا قيد واحساب=سولف وطول بالقصص والحكايا

خل الكلام اللي سكت يفتح الباب=يكفي غريب الدار صمت الزوايا

سولف. وسولف وترك الهرج ينساب=ماعاد باقي للحواجز بقايا

تلعب موازين الدهر دور الارهاب=توشحت بالسود بيض النوايا

سولف علي ياخاطري وانت منصاب=مليت صمتك والجروح الخفايا

عطني علوم الليل يوم القمر غاب=سولف عن اللي تحتويه الحوايا

ياخاطري سولف ولا ابغاك ترتاب=عن مسألة بوق العهد والوصايا

كم ضاع حق وفيه للحق طلاب= ومن ضاع حقه ماتحرى العطايا

ياخاطري سولف عن الوضع بسهاب=كلي سمع لمعقدات القضايا

لي (سن) يضحك بالشدايد.ولي ناب=ولي هامةٍ تشمخ بكل المرايا

ماعاد افكر.. وش خذى الوقت.. وش جاب=عندي تساوت حسنته بالسوايا

ياخاطري سولف علي مابقا اصحاب= في عالماً كله ذنوب وخطايا

العمر واحد والدهر كله اسباب=والصمت مايوقف سيوف المنايا

ياخاطري ماهزني جمع الاحزاب=حتى لون اسنين عمري عرايا

ماذل نفسي عند ربعي والاجناب=وجيوب ثوبي من كفوفي ملايا

ياخاطري..تدري.. ترا خاطري طاب=ماقلت يكفي مير.. خل البقايا[/poem]

صح لسانك ياخلف

محاكاة الخاطر بما يفرضه العقل

لله درك وتقبل تحيتي

صح الله لسانك يانقي



وافيه وانت وافي




لاهنت

الشاعر خلف الاسيد



صح لسانك وعلاشانك



قصيدة طيبه من راس طيب



تقبل تقديري

خلف

صح لسانك وصح قلبك

قصيده وافيه ومن راس وافي


لاهنت


مشهووور...

نص جميل , وللأسباب دوراً في جماليته ُ

تسلم وصح لسانك

خلف


صح لسانك وعلا شانك


دام لنا هذا الحضور المشرق


تقديري

الله الله ياخلف وصح لسانك

قصيده نادره وجزله من شاعر جزل .... أعجبني معناها ومغناها

صح لسانك مره اخرى ولك فائق تحياتي

خلف

صح لسانك وبيض الله وجهك وتأكد أني متعطش لجديدك

تحيتي لك وفي انتظار الجديد

اخوك

فالح