الشيخ على بن مسعود ابوسكيته شيخ شمل قبايل زهير

[align=center]السلام عليكم ورحمة الله وبركاته

هذه القصيده مهداه الى الشيخ علي بن مسعود ابوسكيته الزهيري شيخ قبايل زهير بمناسبه تعيينه شيخ شمل قبايل زهيرعبيده قحطان حاضره وباديه والأمر له بمركز رسمي ، والى ربعي قبايل زهير الوفاء ، وكذلك تجديد عهد الولاء والبيعه الى مقام خادم الحرمين الشريفي الملك عبدالله أطال الله في عمره بإسم الجميع ،، ولا على كل القبايل زود .

صلو على النبي

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
شاعر ما يصرف إلا ذهب والأ نقود =ويتخيّر في النوادر بنظرات الخبير
ياسم البيت المضمّر كما وسم القعود =واتجلى بصمة مايضعها إلا جرير
فوق مكنون الدُّرر والجواهر والعقود=فوحها ريح الخزامى ونفحات العبير
صاغها راسي المحنك .. ولي بالعز زود =دام ربعي درع جنبي هل الطاله زهير
عزوتي لطوّح الصوت مافيهم شرود =مثل سيل العرم فيه الحشاير والهدير
صفهم لاقبل تشوف النماره والفهود=والحرار اللي هددها يضوي كل خير
بالوفا والطيب والمرجله ترقى سنود=والشجاعه والكرم مايسايرها قصير
للخوي والجار والضيف والعاني .. سعود=وللعداء لاشبة النار شرّ مستطير
توّهم شيخ يجمّل على روس الحشود=موقفه يجمع على الخير ويوحد مصير
بوسكيته ذايع الصيت .. من عصر الجدود=ساس عز وراسه العز والوجه السفير
جعل راسٍ ماتنومس بفعلك للحود=ياولد مسعود زبن المجنى والجوير
شيخنا لاضاق صدر الضعيّف والحسود=ينطح الكايد ونلقاه في اليوم العسير
بالضفر والمدح معروف وأفعاله شهود=عند ربعه والقبايل كما البدر المنير
نفتخر به كلنا جعل يبطي في الوجود =مُقدم زهير الوفاء مرويت حد الشطير
والولاء للــه ثم للوطن وأل السعود = الملوك اللي على الشرع وأحكامه تسير
في رضى صقر العروبه وللدوله جنود =والثرى تفداه الارواح لاصاح النذير
عهدنا من يوم رزْ العلم فوق العمود=بيعة يوصي بها العود للطفل الصغير
قلتها باسمي وباسم القبايل والبدود = من رجال زهير ينبض بها قلب وضمير
والجزيرة كلها بالفعايل والعدود =ماعليها زود .. كلن خذا قسمه وفير [/poem]


ابنكم الشاعر / عبدالله بن شايع الزهيري[/align]

الاستاذ القدير بفكره ودماتة أخلاقه عبدالله ابن شايع الزهيري


كفووووووووووووو ونعم باالمادح واللمدوح


يستاهلون بني زهير ويستاهل شيخهم

الشيخ علي بن مسعود ابوسكيته الزهيري
والجزيرة كلها بالفعايل والعدود =ماعليها زود .. كلن خذا قسمه وفير

ابن شايع أنت منجم فكر ومراجل

والذهب مايجيب الا الذهب

صح لسانك وقلبك وفكرك

تقبل مروري المتواضع المتؤج بمحبتي لك في الله

ياقوافي الشعر صُفي مثل صف الجنود =عند دكتور المعاني وضابطها الكبير


للقوافي شرف أستلام أيعازك بكل حرفنه وسبّك وحبّك


دمت للاأبداع بلغ سلامي ومباركتي لبني زهير كافه في شخصك الكريم

كن بخير

الاخ الرائع العزيز

عبد الله بن شايع

اولا نبارك للشيخ ابو طلال حفطه الله وانا اشهد انه كفو

ويستاهل

ثانيا

بيض الله وجهك وانت وربعك وستين نعم ووافين في كل العلوم

صح الله لسانك

نص فاخر فارع

من شاعر متمكن

بيض الله وجهك

اخوك

ابونايفف

يستاهل الشيخ
ولاتهون اللابة الي انت منها
والنعم فيك وربعك وشيخك يبو شايع

صح لسانك على هالدرة الثمينة

جزل والجزالة مهيب غريبة عليك


تحياتي لشخصك الكريم يبو شايع

كبرياء


صح بدنك يانقيه


وماعليك زود


الله يرعاك